१ इतिहास 11:4 - Sunuwar Bible

⁴ मिनु दाऊद नु इस्राएल ङा लडाइ पाइब नेल्‍ले यरूसलेम लमा बाक्‍त। मेको यबुस सहर बाक्‍माक्‍त। मेकेर यबुसी बाक्‍शो बाक्‍मा बाक्‍त।

१ इतिहास 11:4 ပူးပေါင်းရင်းမြစ်များ

उत्पत्ती 10:16

मिनु नोले यबुसी, एमोरी, गिरगाशी,

उत्पत्ती 15:21

एमोरी, कनानी, गिरगाशी नु यबुसी आन रागी नेल्‍ल इ कली गेनुङ” दे अब्राम कली लोव़ गेशा, कबल पवा बाक्‍त।

१ इतिहास 11:5

मिनु यबुसम बाक्‍ब मुरपुकीमी दाऊद कली “गे एक गेनायो जाक्‍ने मचाप्‍नेवे” देंमा बाक्‍त। मो हना यो दाऊदम सियोन ङा बोल्‍यो सहर ग्रामाक्‍त। मेको कली मुल सम्‍म दाऊद आ सहर देंनीम।

प्रस्‍थान 3:17

गो इन कली इजीप्‍त रागी ङा मुर आन गेशो श्‍येत रे प्रोंइनुङ। गो इन कली कनानी, हित्ती, एमोरी, परि‍ज्‍जी, हिव्‍वी नु यबुसी आन बाक्‍शो रागी गेनुङ। मेको रागीम दूध नु खुदो शुश बाक्‍ब, अन्‍न यो शुश ग्रेल्‍ब। गो आं देंशो लोव़ खाप्‍नुङ’ देंत, देंचा माल्‍नेवे।

यहोसु 15:63

तन्‍न यहूदा आ खिं ङा मुरपुकीमी यरूसलेम सहरमी बाक्‍ब यबुसी आन कली खेरने मचबेम। मोपतीके एको यबुसीपुकी मुलाक्‍त सम्‍म यरूसलेममी यहूदा आ खिं ङा मुरपुकी नु काथा बाक्‍नीम। यहोसु १८:२८; २सामुएल ५:६-७

यहोसु 15:8

मेको सांद हिन्‍नोम आ तौ आ दिंम रे यबुसी आन सहर आ दक्‍खिन रे ग्‍येत्‍थ खोइश्‍शो बाक्‍त। यबुसी आन सहर यरूसलेम बाक्‍ब। मिनु मेकेर रे हिन्‍नोम दिंम ङा पच्‍छिमम बाक्‍शो डांडा ग्‍येत्‍थ रे रेफाइम आन दिंम ङा उत्तर सम्‍म लशो बाक्‍त। २इतिहास २८:३

यहोसु 18:28

जेला, हा-एलेफ, यबुसी आन सहर, मेको कली यरूसलेम यो देंनीम, गिबा नु किरयथ-यारीम बाक्‍नीम। मेको आन के बाक्‍तीक नेल्‍ल पा १४ ओटा सहर नु आन गाउंपुकी बाक्‍तेक्‍म। मेको बेन्‍यामीन आन खिं खिं ङा मुर आन रागी बाक्‍ब।

न्‍यायाधीस 1:21

तन्‍न बेन्‍यामीन आ थर ङा मुरपुकीमी यरूसलेम ङा यबुसी आन कली मखेरमे बाक्‍त। मोपतीके यबुसीपुकी मुलाक्‍त सम्‍म यरूसलेममी बेन्‍यामीन आ थर ङा मुरपुकी नु बाक्‍नीम। न्‍यायाधीस १:८; यहोसु १५:६३; यहोसु १८:२८