१ इतिहास 11:3 - Sunuwar Bible

³ मिनु इस्राएल ङा खाल्‍पा नेल्‍ल पिप आ बाक्‍तीक हेब्रोन सहरम जाक्‍मा बाक्‍त। मिनु दाऊदमी हेब्रोन सहरमी परमप्रभु यावे आ ङोंइती मेकोपुकी नु कबल पवा बाक्‍त। दाऊद कली तेल लुक्‍शा इस्राएल ङा पिप सेल्‍मे बाक्‍त। दोपा परमप्रभु यावेम सामुएल कली दोदेंशो देंमे, मोदेंशो पामे बाक्‍त। १सामुएल १६:१,३,११,१२

१ इतिहास 11:3 ပူးပေါင်းရင်းမြစ်များ

२ सामुएल 2:4

मिनु यहूदा ङा मुरपुकी जाक्‍शा, दाऊद कली तेल लुक्‍शा, आन पिप सेल्‍मे बाक्‍त। मिनु मुरपुकीमी दाऊद कली “याबेश-गिलाद ङा मुरपुकीम सावल कली थिम्‍तेक्‍म” दे नेंपदमे बाक्‍त। २सामुएल ५:३; १सामुएल १६:१३; १सामुएल ३१:११-१३

२ सामुएल 5:3

मिनु इस्राएल ङा खाल्‍पा नेल्‍ल पिप आ बाक्‍तीक हेब्रोनम जाक्‍मा बाक्‍त। मेकेर पिप दाऊदमी मेकोपुकी नु परमप्रभु यावे आ ङोंइती कबल का पवा बाक्‍त। मिनु मेकोपुकीम दाऊद कली तेल लुक्‍शा, इस्राएल ङा पिप सेल्‍मे बाक्‍त। २सामुएल २:४; १सामुएल १६:१३

२ सामुएल 5:5

मेकोम हेब्रोनम बाक्‍शा, यहूदा कली ७ बर्स ६ महिना सासन पवा बाक्‍त। मिनु यरूसलेम सहरमी बाक्‍शा ३३ बर्स इस्राएल नेल्‍ल नु यहूदा कली सासन पवा बाक्‍त।

२ राजा 11:17

मेको नोले येहो-यादामी परमप्रभु यावे, पिप नु आ मुर कली कबल का पवा बाक्‍त। मेकोपुकी परमप्रभु यावे आ मुर दुम्‍नीम, दे कबल पवा बाक्‍त। मिनु मेकोम पिप नु मुर आन दातेम यो कबल का पवा बाक्‍त।

२ राजा 23:30

मिनु मेको आ गेय पाइबपुकीम मेको आ बेक्‍शो रां बग्‍गीम कुर पा मेगीददो रे यरूसलेमम चाक्‍गमे बाक्‍त। मिनु मेको कली आ तुरसुमीन वोद‍मे बाक्‍त। मिनु मेको रागी ङा मुरपुकीम मेको आ तौ येहो-अहाज कली तेल लुक्‍शा, मेको आ पा ङा पिप सेल्‍मे बाक्‍त।

१ इतिहास 11:10

मिनु दाऊद आ राज्‍य बोल्‍यो सेल्‍ब नु आ लडाइ पाइब आन ठेयब कप्‍तान आन पर्बम ब्रेक्‍शो लोव़ एको बाक्‍माक्‍त। मेकोपुकी नु इस्राएली नेल्‍लेमी दाऊद कली आन पिप सेल्‍मे बाक्‍त। परमप्रभु यावेमी इस्राएली आन पर्बम दोदेंशो लोव़ पवा, मोदेंशो पामे बाक्‍त।

२ इतिहास 23:3

मिनु मेकेर जाक्‍ब खुम्‍सीशो नेल्‍लेमी परमप्रभु आ खिंम पिप आ तौ योआश नु कबल पामे बाक्‍त। मिनु येहो-यादाम मेको आन कली “परमप्रभु यावेमी दाऊद आ तौ चच आन पर्बम देंशो लोव़ खोदेंशो पा पिप आ तौ पिप दुम्‍चा माल्‍ब।

न्‍यायाधीस 11:11

मिनु येफ्‍ता गिलाद ङा खाल्‍पापुकी नु लमाक्‍त। मेकेर ङा मुरपुकीमी मेको कली ठेयब मुर नु लडाइ पाइब आन ठेयब मुर सेल्‍मे बाक्‍त। मिनु येफ्‍तामी मिस्‍पामी परमप्रभु यावे आ ङोंइती मेको लोव़ नेल्‍ल शोव़ङा बाक्‍त। न्‍यायाधीस ११:२९; न्‍यायाधीस १०:१७

१ सामुएल 11:15

मोपतीके मेको नेल्‍ल गिल्‍गालम लशा, परमप्रभु यावे आ ङोंइती सावल कली पिप सेल्‍मे बाक्‍त। मिनु परमप्रभु यावे आ ङोंइती दुशा बाक्‍चा आ पर्बम चढ़ेतीक चढ़ेमे बाक्‍त। मिनु सावल नु इस्राएली नेल्‍ले शुश ग्‍येरसमा बाक्‍त।

१ सामुएल 15:28

मिनु सामुएलम मेको कली “मुलाक्‍त रे परमप्रभु यावेम इस्राएल ङा राज्‍य खाक्‍शा अर्को कली गेप्‍तु। इन नेक्‍था ङा, इन क्‍येङा रिम्‍शो मुर का कली गेप्‍तु। १सामुएल २८:१७

१ सामुएल 16:1

परमप्रभु यावेमी सामुएल कली “गे सावल आ पर्बम गेना सम्‍म सुर्ता पा बाक्‍नेवे? गो मेको कली पिप दुम्‍तीक रे ग्रुंइताक्‍ङ। मुल गे नु बाक्‍शो ग्रोव़मी तेल कुर पा लतो। गो इ कली बेथलेहेम ङा येस्‍से आ बाक्‍तीक सोइक्‍नन। मारदे हना, गो मेको आ तौ का कली पिप सेल्‍चा कली योव़ता” देंमाक्‍त। १सामुएल १५:२३,३५

१ सामुएल 16:3

येस्‍से कली यो मेको चढ़ेतीक चाडम ब्रेत्‍तो। मिनु गे मार पचा माल्‍नेवे गो शेंन‍न। गो सु कली कोंइनुङा मेको कली गे तेल लुक्‍तो” देंमाक्‍त।

१ सामुएल 23:18

मिनु नोले मेको निक्‍शीमी परमप्रभु यावे आ ङोंइती कबल पाम्‍से बाक्‍त। मिनु दाऊद होरेशम बाक्‍माक्‍त। योनाथन चहिं आ खिं लेम्‍माक्‍त। १सामुएल १८:३

१ सामुएल 28:17

परमप्रभु यावेम ङोंइती आं कली देंशो खोदेंशो पा पाप्‍तु। परमप्रभु यावेमी मेको राज्‍य इ गुइ रे लाइश्‍शा, इ नेक्‍था ङा मुर दाऊद कली गेशो बाक्‍ब। १सामुएल १५:२८