१ इतिहास 11:2 - Sunuwar Bible

² ङोंइती सावल पिप बाक्‍मेनु, गे इस्राएल ङा लडाइ पाइब आन ठेयब कप्‍तान बाक्‍तीनी। मिनु परमप्रभु यावे, इन परमप्रभुमी इन कली ‘गे आं मुर, इस्राएली आन गोठला नु आन पिप दुम्‍नेवे’ देंशो बाक्‍त” देंमा बाक्‍त।

१ इतिहास 11:2 ပူးပေါင်းရင်းမြစ်များ

२ सामुएल 5:2

ङोंइती सावल आंइ पिप बाक्‍मेनु, गे लडाइ पाइब आन कली लाइक्‍तीक नु चाक्‍तीक पशो ननी। परमप्रभु यावेमी इन कली ‘गे आं मुर इस्राएली आन गोठला दुम्‍चा माल्‍नेवे। गे इस्राएली आन पिप दुम्‍नेवे’ देंशो बाक्‍ब” देंमा बाक्‍त। १सामुएल १८:१३,१६; १सामुएल १३:१४; १सामुएल २५:३०

२ सामुएल 7:7

गो इस्राएल ङा आं मुरपुकी नु ते ते गाक्‍ङा, मेक मेक मार आं मुर इस्राएली आन कली कोव़ब, आन थर ङा ठेयब मुर आन कली आं कली लेबानोन ङा लाइश्‍शो रवा आ शी के खिं मारदे मसेल्‍नी’ देंङा ङा?

१ राजा 14:7

गे येरोबाम कली परमप्रभु यावे, इस्राएली आन परमप्रभुमी ‘गो इ कली मुर आन दाते ङा ठेयब मुर सेल्‍ता। मिनु आं मुर इस्राएली, आन कली सासन पाइब सेल्‍तन। १राजा ११:३७

१ राजा 3:9

मोपतीके इन गेय पाइब, आं कली इन मुर आन कली ठीक पा सासन पचा कली रुप्‍तीक थुं गेयीनी। मिनु गो रिम्‍शो नु मरिम्‍शो तिल्‍स जोक्‍नुङ। मो मदुम्‍त हना, एको इश्‍का इन मुर आन कली सुम सासन पने चाप्‍नीमी ङा” देंमाक्‍त।

भजन संग्रह 78:71

परमप्रभुमी दाऊद कली गिक्‍शो भेडा आन कली योव़तीक गेय रे ग्रुंइताक्‍व। मेकोमी दाऊद कली याकूब आ थर ङा, परमप्रभु आ मुर आन कली कोव़चा कली ग्रुंइताक्‍व। मेको इस्राएल ङा मुर परमप्रभु आ शोंप बाक्‍नीम। १सामुएल १६:११-१२; २सामुएल ७:८

यसैया 40:11

आ बगाल कली गोठलाम खोदेंशो पा योव़ब। मेकोमी आ पाठा पाठी आन कली मुप्‍शा कुरब। दूध तुंइब आन कली आन चाप्‍चा ङा पा गाक्‍पाइश्‍शा खुल्‍ब। यूहन्‍ना १०:११

यसैया 55:4

नेनीन, गो मेको कली जात जात ङा मुर आन कली सांकछी सेल्‍ता। जात जात ङा मुर आन कली ठेयब मुर नु हुकुम पाइब सेल्‍ता।

येरमीया 3:15

मिनु गो इन कली आं थुं नु गारब गोठलापुकी गेनुङ। मिनु मेको जोक्‍ब नु रुप्‍ब दुम्‍शा, इन कली थुल्‍नीम। येरमीया २३:३-४; यसैया ४४:२८; इजीकीएल ३४:२३

मीका 5:2

तन्‍न गे बेथलेहेम एफ्राथाह, गे यहूदा ङा सहर आन दाते ङा आइक्‍च बाक्‍ते हना यो, इ रे पा आं पा ङा इस्राएल कली हुकुम पाइब का जाक्‍ब। मेको साइ ङोंइती रेन बाक्‍शो बाक्‍त। यसैया ४:१७; यसैया ११:१२

मीका 5:4

मिनु मेकोमी परमप्रभु यावे आ सक्तिमी आ बगाल आन कली योव़ब। मिनु मेकोमी आ परमप्रभु यावे आ ठेयब नेंमी आ गेय पाइब। मिनु मेकोपुकी रिम्‍शो पा बाक्‍नीम। मारदे हना मेको रागी ङा सुर सम्‍म नेल्‍ल क्‍येङा ठेयब दुम्‍ब। यसैया ९:५; एफिसी २:१४

गन्‍ती 27:17

मिनु मेको मुर आन ङोंइती गाक्‍ल। मिनु मेको आन कली लतीक नु जाक्‍तीक लां कोंइदल। मोपा परमप्रभु यावे आ मुर गोठला मबाक्‍शो भेडा खोदेंशो मदुम्‍मल” देंत। मीका ५:३; मत्ती ९:३६

मत्ती 2:6

‘ए यहूदीया ङा बेथलेहेम सहर, यहूदीया ङा सहर नेल्‍ल क्‍येङा आइक्‍च महिक्‍सीशो सहर मनवे। मारदे हना इं इस्राएली आन कली सासन पाइब बेथलेहेममी जरमेसीब’ दे ब्रेक्‍शो बाक्‍ब” दे शेंदमे बाक्‍त। मीका ५:२

यूहन्‍ना 10:4

मिनु नेल्‍ल आन कली ग्रुंइशा, भेडा आन ङोंइती गाक्‍ब। भेडापुकीमी गोठला आ नोले खोइक्‍नीम। मारदे हना आ सेंदा तुइक्‍नीम।

१ सामुएल 16:1

परमप्रभु यावेमी सामुएल कली “गे सावल आ पर्बम गेना सम्‍म सुर्ता पा बाक्‍नेवे? गो मेको कली पिप दुम्‍तीक रे ग्रुंइताक्‍ङ। मुल गे नु बाक्‍शो ग्रोव़मी तेल कुर पा लतो। गो इ कली बेथलेहेम ङा येस्‍से आ बाक्‍तीक सोइक्‍नन। मारदे हना, गो मेको आ तौ का कली पिप सेल्‍चा कली योव़ता” देंमाक्‍त। १सामुएल १५:२३,३५

१ सामुएल 16:13

मिनु सामुएलमी तेल बाक्‍शो ग्रोव़ ग्रुंइ‍शा, आ लोक्‍ब आन ङोंइती तेल लुक्‍ता बाक्‍त। मिनु परमप्रभु यावे आ सोक्‍त दाऊद तार जुक्‍ता बाक्‍त। मिनु मेना रे मेको नुन बाक्‍माक्‍त। मिनु सामुएल रामाह ङा लां खोदा बाक्‍त। २सामुएल २:४; २सामुएल ५:३; भजन संग्रह ८९:२१

१ सामुएल 18:13

मोपतीके सावलम दाऊद कली आ दरवार रे ग्रुंइशा, हजार का मुर आन कप्‍तान सेला बाक्‍त। मिनु दाऊदमी आ मुर आन कली लडाइम लाइक्‍मी बाक्‍त।