१ इतिहास 10:9 - Sunuwar Bible

⁹ मिनु मेकोपुकीम मेको आ फेक्‍तीक फ्रुइश्‍शा, आ पिया ख्रोइश्‍शा लाइश्‍शा, आन रागी ङा देवता नु मुर नेल्‍ल आन कली मेको लोव़ नेंपाइक्‍चा कली कुरब मुर आन कली सोइक्‍तमे बाक्‍त।

१ इतिहास 10:9 ပူးပေါင်းရင်းမြစ်များ

२ सामुएल 1:20

गाथम एको लोव़ मपने। अश्‍कलोन ङा लांम एको लोव़ मपने। मो पाइतीनी हना, पलिस्‍ती आन तमी ग्‍येरसीनीम। ख्रोइक्‍तीक चिनु मख्रोइश्‍शो आन तमी ग्‍येरसीनीम।

१ इतिहास 10:10

मेकोपुकीम सावल आ या आन देवी देवता आन थानम वोदमे बाक्‍त। आ पिया दागोन आ थानम क्‍युक्‍गमे बाक्‍त।

१ इतिहास 10:4

मोपतीके सावलमी आ या कुरब कली “इ तरवार शोइश्‍शा साइय्‍यी। ख्रोइक्‍तीक चिनु मख्रोइश्‍शोपुकीम आं कली ग्‍याइश्‍शा मरिम्‍शो मपाइय्‍यीमील” दे मदा बाक्‍त। तन्‍न आ या कुरब हिंशा, मबिस्‍से बाक्‍त। मिनु सावल आ या शोइश्‍शा, तूसे बाक्‍त।

१ इतिहास 10:8

मिनु आ दीसा पलिस्‍तीपुकी बेक्‍शो मुर आन मार मार गुप्‍थ जाक्‍शा, सावल नु आ तौ आन कली गिल्‍बोआ डांडाम बेक्‍शो थित्‍मे बाक्‍त।

दानीएल 5:23

‘गो स्‍वर्ग ङा परमप्रभु क्‍येङा ठेयब नङ’ दे आंम कली ठेयब सेल्‍तीनी। मिनु गे परमप्रभु आ खिं ङा बोसपुकी चाक्‍पाइश्‍शा, गे नु इन राज्‍यम अधिकार ताइब, इन ग्‍युंबे पशो मीशपुकी नु इन अरु चाक्‍शो मीशपुकीमी मेको बोसम अङगुर शांबु तूतीनी। मिनु सुन, चांदी, कांसा, फलाम, शी नु फुल्‍लु के सेल्‍शो मिक्‍च मताइब, मनेंब, मरुप्‍ब देवी देवता आन कली सेउ पाइतीनी। तन्‍न इन कली ब्रोंइतीक सोक्‍त गेब नु इन लां कोंइब परमप्रभु कली मान मपनी।

मत्ती 14:11

आ पिया थालम कुर पा चाक्‍पा गेपदा बाक्‍त। मिनु मीश आलम मेको थाल ताक्‍शा लाइश्‍शा, आ आम्‍मा कली गेवा बाक्‍त।