१ इतिहास 10:7 - Sunuwar Bible

⁷ मिनु बेंसीम बाक्‍शो इस्राएली नेल्‍लेमी लडाइ पाइब प्रोक्‍शो नु सावल नु आ तौ बेक्‍शो तशा, मेको आन सहर प्रोंइशा प्रोक्‍मा बाक्‍त। मिनु पलिस्‍ती मेकेर जाक्‍दीश्‍शा, मेको सहर आन के सेल्‍मे बाक्‍त।

१ इतिहास 10:7 ပူးပေါင်းရင်းမြစ်များ

१ इतिहास 10:6

मोपा सावल नु आ तौ सांफा आ खिं ङा मुर नेल्‍ल कालेम बेक्‍मा बाक्‍त।

१ इतिहास 10:8

मिनु आ दीसा पलिस्‍तीपुकी बेक्‍शो मुर आन मार मार गुप्‍थ जाक्‍शा, सावल नु आ तौ आन कली गिल्‍बोआ डांडाम बेक्‍शो थित्‍मे बाक्‍त।

लेवी 26:31

गो इन सहर गोरशो रागी खोदेंशो सेल्‍नुङ। मिनु इन पूजा पतीके थान श्‍येत्‍थ सेल्‍नुङ। गो इन ब्रोव़शो धूप आन रिना मनाम्‍नुङ।

लेवी 26:36

मिनु गो इन जोरी सत्रु आन रागीम बाक्‍शो लीशो मुर आन थुं लुक्‍च लपाइक्‍नुङ। मिनु सफा दोक्‍शो रेयके नेंशा यो, आन जोरी सत्रुम खेदा पशो खोदेंशो पा प्रोक्‍नीम। मिनु मोशा दाइल पा थित्‍नीम।

ब्‍यवस्‍था 28:33

इन मतुइश्‍शो मुरपुकीमी इन रू ङा ख्रुम्‍शो जाइनीम। मिनु गेपुकी गेना हना यो श्‍येत जचा नु दिप्‍चा पुंइसीनीनी। न्‍यायाधीस ६:३

ब्‍यवस्‍था 28:43

मिनु गेपुकी नु बाक्‍ब अर्को रागी ङा मुर क्‍येट थीब दुम्‍शा, ङोंइती क्‍येङा ठेयब दुम्‍नीम, तन्‍न गेपुकी दोक्‍ना दोक्‍न लाइ‍नीनी।

न्‍यायाधीस 6:2

मिनु मिदयान ङा मुरपुकीमी इस्राएली आन कली शुश दिप्‍शा, सक्ति पाइश्‍शो दुम्‍मा बाक्‍त। मोपतीके इस्राएलीपुकी पहाड ङा पुक्‍खी, रोंगु इर लशा, आन ख्रुइश्‍शा बाक्‍तीक सेल्‍मे बाक्‍त।

१ सामुएल 13:6

मिनु इस्राएलीपुकीमी थम श्‍येत जामे बाक्‍त। मारदे हना लडाइ पाइबपुकी थाम्‍पा आइक्‍च सेल्‍चा पुंइसमा बाक्‍त। मोपतीके मेकोपुकी पुक्‍खी, काक्‍पे, सेरथे फुल्‍लु आन दातेम, बेक्‍शो मुर वोइक्‍तीके नु इनार आगाम ख्रुंइसमा बाक्‍त।

१ सामुएल 31:7

बेंसी नु यर्दन आइक्‍ची हांबुम बाक्‍ब इस्राएलीपुकीम लडाइ पाइब इस्राएली प्रोक्‍शो नु सावल नु आ तौ नेल्‍ल बेक्‍शो नेंन्‍मे बाक्‍त। मोपतीके मेकोपुकी आंम आंम सहर प्रोंइशा प्रोक्‍मा बाक्‍त। मिनु पलिस्‍ती जाक्‍शा मेको सहर आन के सेल्‍मे बाक्‍त।