१ इतिहास 10:4 - Sunuwar Bible

⁴ मोपतीके सावलमी आ या कुरब कली “इ तरवार शोइश्‍शा साइय्‍यी। ख्रोइक्‍तीक चिनु मख्रोइश्‍शोपुकीम आं कली ग्‍याइश्‍शा मरिम्‍शो मपाइय्‍यीमील” दे मदा बाक्‍त। तन्‍न आ या कुरब हिंशा, मबिस्‍से बाक्‍त। मिनु सावल आ या शोइश्‍शा, तूसे बाक्‍त।

१ इतिहास 10:4 ပူးပေါင်းရင်းမြစ်များ

२ सामुएल 1:20

गाथम एको लोव़ मपने। अश्‍कलोन ङा लांम एको लोव़ मपने। मो पाइतीनी हना, पलिस्‍ती आन तमी ग्‍येरसीनीम। ख्रोइक्‍तीक चिनु मख्रोइश्‍शो आन तमी ग्‍येरसीनीम।

२ सामुएल 1:6

मिनु मेको ठिटामी “गो गिल्‍बोआ डांडाम बाक्‍शो नङ। मेकेर सावल कली आ तूतीक तिक्‍शा राप्‍शा बाक्‍शो ताता। बग्‍गी ङोइक्‍ब नु शारा ङोइक्‍बपुकीम मेको कली थित्‍चा चिक्‍ताक्‍म। १सामुएल ३१:१-३

२ सामुएल 17:23

मिनु अहीथोफेलमी आ अर्ती ङा लोव़ मबिश्‍शो तुइश्‍शा, आ गधा ठीक पा आ सहर ङा खिं लमाक्‍त। मिनु आ खिं ङा मुर आन कली देंचा माल्‍शो लोव़ देंशा, आं चहिं ग्‍युक्‍शा बेक्‍माक्‍त। मेको मोपा बेक्‍शा आ आफ आ तुरसुम थिम्‍चा पुंइसे बाक्‍त। १सामुएल ३१:४; १राजा १६:१८; मत्ती २७:५

१ राजा 16:18

मिनु जिम्रीमी सहर ग्राशो तवा चोटी पिप आ खिं ओव़शा मी सुइश्‍शा, आंमा यो दुप्‍शा बेक्‍माक्‍त। २सामुएल १७:२३

१ इतिहास 10:3

मेको लडाइम सावल कली थम श्‍येत दुम्‍माक्‍त। मारदे हना का निक्‍शी ब्रा आप्‍बपुकीम मेको कली आप्‍मे बाक्‍त। मिनु सावल मेको रे गार दुम्‍माक्‍त।

१ इतिहास 10:5

मिनु मेको या कुरबम सावल कली बेक्‍शो तशा, आं यो आ या शोइश्‍शा आंम कली सांइसे बाक्‍त।

प्रेरित 1:18

मेकोमी येसु कली ग्‍याइक्‍ब आन कली लां कोंइशा, वारच पा क्‍येट ताक्‍गा बाक्‍त। मिनु मेको क्‍येटमी रू ग्‍यबा बाक्‍त। मोपा मरिम्‍शो गेय पतीके क्‍यूली पा दोक्‍‍शा, आ कोव़ज ब्रोल्‍शा आ क्‍यी ग्रूशा बेक्‍माक्‍त। मत्ती २७:३-१०

प्रेरित 16:27

मो दुम्‍मेनु, जेल्‍खान ङा ठेयब मुर ग्री‍चोक पा सेंसीशा छुल बोक्‍माक्‍त। मिनु लाप्‍चो नेल्‍ल रोक्‍सीशो तशा “आमाइ, चोक्‍शो नेल्‍ल प्रोक्‍शा गाक्‍मा बाक्‍त। मार पङा” दे आ तरवार ग्रि शोइश्‍शा, क्‍योरसीशा बेक्‍नुङ, दे क्‍योरसीचा मला बाक्‍त।

न्‍यायाधीस 15:18

मिनु सिम्‍सोनमी ब्‍वाक्‍कु तूतू दाक्‍शा, परमप्रभु यावे कली पुंइशा, “गे इन वाइल कली ठेयब लडाइ ग्रापाइक्‍तीनी। मुल गो तूतू दाक्‍शा बेक्‍नुङा? एको ख्रोइक्‍तीक चिनु मख्रोइश्‍शो आन गुइमी बेक्‍नुङा?” देंमाक्‍त।

न्‍यायाधीस 16:21

मिनु पलिस्‍तीपुकीमी मेको कली ग्‍याइश्‍शा, आ मिक्‍च पुक्‍तमे बाक्‍त। मिनु गाजा सहरम चाक्‍गमे बाक्‍त। मिनु कांसा के साङलोमी पाइश्‍शा जेल्‍खानमी यात हिल्‍पदमे बाक्‍त।

न्‍यायाधीस 9:54

मिनु अबीमेलेकमी रीब पा आ या कुरब कली ब्रेश्‍शा “मुरपुकीमी ‘मीश मुर कामी मेको कली साइक्‍तु’ दे मदेंमल, दे रीब पा इ तरवार शोइश्‍शा, साइय्‍यी” दे मदा बाक्‍त। मिनु आ या कुरबमी तूदानु, अबीमेलेक बेक्‍माक्‍त। १सामुएल ३१:४; २सामुएल ११:२१

१ सामुएल 14:6

योनाथनमी आ या कुरब कली “पिवो, गो मेको ख्रोइक्‍तीक चिनु मख्रोइश्‍शो आन बाक्‍तीक लस। परमप्रभु यावेमी वारच पाइबा, कों? परमप्रभु यावेमी शुश मुर बाक्‍तेक्‍म हना यो, इच्‍का ला बाक्‍तेक्‍म हना यो, इं कली प्रोंइने चाप्‍ब” दे मदा बाक्‍त। न्‍यायाधीस ७:७; २इतिहास १४:१०

१ सामुएल 17:26

मिनु दाऊदमी आ नेक्‍था बाक्‍ब आन कली “मेरे पलिस्‍ती कली साइक्‍ब नु इस्राएली आन कली मुने दोक्‍तीक रे प्रोंइबमी मार ताइबा? गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पाइब मेरे ख्रोइक्‍तीक चिनु मख्रोइश्‍शो पलिस्‍तीम मार मिम्‍बा?” देंमाक्‍त।

१ सामुएल 17:36

गो जोइ वांपुकी साइ‍श्‍शो बाक्‍नुङ। मेको ख्रोइक्‍तीक चिनु मख्रोइश्‍शो पलिस्‍ती यो मेको आन खोदेंशो दुम्‍ब। मेकोमी गेना हना यो ब्रोंइशा बाक्‍ब परमप्रभु आ लडाइ पाइब आन कली शुक्‍शी पशो बाक्‍ब।

१ सामुएल 31:4

मिनु मेकोम आ या कुरब कली “इ तरवार शोइश्‍शा आं कली साइय्‍यी। मिनु मेको ख्रोइक्‍तीक चिनु मख्रोइश्‍शोपुकीम आं कली शुक्‍शी पचा मतामेक्‍ल” देंमाक्‍त। तन्‍न मेको या कुरब हिंशा, मबिस्‍से बाक्‍त। मेको नोले सावलमी आ तरवार शोइश्‍शा आंमा थोक्‍सीशा बेक्‍माक्‍त। न्‍यायाधीस ९:५४