१ इतिहास 10:12 - Sunuwar Bible

¹² बोल्‍यो लडाइ पाइब नेल्‍ले बोक्‍शा, सावल नु आ तौ आन रां ब्रथ लमा बाक्‍त। मिनु मेकोपुकीम मेको आन रां याबेश सहर चाक्‍गमे बाक्‍त। मिनु याबेश ङा मुरपुकीमी मेको आन कली यावेश ङा ठेयब रवा आ पुंम थिम्‍मे बाक्‍त। मिनु ७ नाक्‍त सम्‍म माइजा बाक्‍मा बाक्‍त। २सामुएल २:४-५

१ इतिहास 10:12 ပူးပေါင်းရင်းမြစ်များ

उत्पत्ती 12:6

मिनु अब्राम कनान रागी जाक्‍दीश्‍शा, शेकेम सहर आ नेक्‍था मोरेह माइश्‍शो मुर आ रवा आ नेक्‍था जाक्‍दीम्‍माक्‍त। मेना कनान ङा मुरपुकी रागीम बाक्‍शो बाक्‍मा बाक्‍त। उत्‍पत्ती ३५:४; यहोसु २४:२५-२६

उत्पत्ती 35:8

मेना रेबेका कली कोव़ब देबोरा बेक्‍माक्‍त। मिनु मेको कली बेथेल आ नेक्‍था, रवा आगामी थिम्‍मे बाक्‍त। मेको कली याकूबम अल्‍लोन-बकुथ नें वोदा बाक्‍त। मेको आ अर्थ ङाक्‍चा ङा रवा बाक्‍ब। उत्‍पत्ती २४:५९

उत्पत्ती 50:10

मिनु मेकोपुकी आताद आ चेरब तुप्‍तीके यर्दन खोला आइक्‍ची हांबु जाक्‍दीश्‍शा, ठेयब रोंका पामे बाक्‍त। मिनु योसेफमी आ आफ कली ७ नाक्‍त सम्‍म रोंका पवा बाक्‍त।

२ सामुएल 3:35

मिनु मुरपुकीमी दाऊद कली “नां लाक्‍चा ङोंइती जने” देंमा बाक्‍त। तन्‍न दाऊदमी कसम जशा “नां मलाक्‍गा सम्‍म गो मारेइ जचा थोव़क मथी‍नुङ। थीता हना, परमप्रभुमी सजाइ गेयील” देंमाक्‍त।

१ इतिहास 10:11

मिनु याबेश-गिलाद सहर ङा मुरपुकीमी पलिस्‍तीमी सावल कली मार मार पदमे, मेको नेंशा,

यूहन्‍ना 11:19

मिनु यरूसलेम ङा शुश यहूदीपुकीमी मारथा नु मरीयम आस लोक्‍ब बेक्‍शो आ पर्बमी “सुर्ता मपाम्‍सेक्‍ल” दे लेम्‍चा कली जाक्‍मा बाक्‍त।

१ सामुएल 11:1

मिनु महिना का नोले अम्‍मोन ङा नाहाशमी याबेश-गिलादम लडाइ पा पुम्‍दमे बाक्‍त। याबेश ङा वोंइश मुरपुकीम नाहाश कली “गोपुकी नु गरीन। मिनु गो इन गेय पाइब दुम्‍नीकी” देंमा बाक्‍त। १सामुएल ३१:११

१ सामुएल 11:9

मिनु मेको ङोंइती लोव़ चाक्‍ब मुर आन कली “याबेश-गिलाद ङा मुर आन कली ‘गे दीसा नाक्‍त उइक्‍थ दुम्‍मेनु, ब्रोंइचा ताइनीनी’ दे मतीन” देंमाक्‍त। मिनु मेकोपुकीमी याबेश ङा मुर आन कली मेको लोव़ शेंदमे बाक्‍त। मिनु मेको नेंशा, शुश ग्‍येरसमा बाक्‍त।

१ सामुएल 31:12

मिनु मेको आन बोल्‍यो मुरपुकी नेल्‍ल नाक्‍दो रे गाक्‍शा, सावल नु आ तौ आन बेक्‍शो रां बेथ-शान ङा गारो रे शोल्‍शा, याबेशम चाक्‍ग‍मे बाक्‍त। मिनु मेको आन कली थिम्‍मे बाक्‍त।