१ इतिहास 1:32 - Sunuwar Bible

³² अब्राहाम आ नोले चाक्‍शो मीश केतुराहमी जिम्रान, योकशान, मेदान, मिदयान, इश्‍बाक नु शुआह थीमी बाक्‍त। मिनु योकशान आ तौ शेबा नु देदान बाक्‍सा बाक्‍त। उत्‍पत्ती २५:१-४

१ इतिहास 1:32 ပူးပေါင်းရင်းမြစ်များ

उत्पत्ती 37:28

मिदयान ङा इश्‍माएली ग्‍याप्‍ब लेयब मुर पिना पिन बाक्‍मा बाक्‍त। मिनु योसेफ कली ढोडोङगा रे फेश्‍शा, इश्‍माएली आन कली चांदी के २० शेकेलम लेयङमे बाक्‍त। मिनु मेकोपुकीमी योसेफ कली इजीप्‍त लदमे बाक्‍त। शेकेल का ११.५ ग्राम, तोला खोदेंशो बाक्‍ब। उत्‍पत्ती २५:२; लेवी २७:१-८

१ राजा 10:1

शेबा ङा पिपीममी सोलोमन आ रिम्‍शो पशो नेल्‍ल, परमप्रभु यावे आ ठेयब नें नु आ पशो नेल्‍ल नेना बाक्‍त। मिनु लोव़ लेन्‍ने मचाप्‍चा ङा लोव़ कुरशा सोलोमन कली नाक्‍चा कली जाक्‍माक्‍त। मत्ती १२:४२; १राजा ५:१४

१ इतिहास 1:31

येतुर, नाफीश नु केदमा बाक्‍मा बाक्‍त। मेको नेल्‍ल इश्‍माएल आ तौ बाक्‍मा बाक्‍त।

१ इतिहास 1:33

मिदयान आ तौ एफाह, एफेर, हनोक, अबीदा नु एल्‍दाह बाक्‍मा बाक्‍त। मेको नेल्‍ल केतुराह आ तौ चच बाक्‍मा बाक्‍त।

अय्‍युब 6:19

तेमा ङा लां गाक्‍बपुकीम तूचा कली मेको खोला ङा ब्‍वाक्‍कु माल्‍तेक्‍म। साबा ङा ग्‍याप्‍ब लेयबपुकीम मेको ब्‍वाक्‍कु तूचा कली आस पाम्‍तेक्‍म। अय्‍युब १:१५

भजन संग्रह 72:10

टारशीश नु ङोन ङा टापु ङा पिपपुकीमी मेको कली तिरो थाप्‍तमेक्‍ल। शेबा नु सेबा ङा पिपपुकीमी मेको कली कोसेली चाक्‍गमेक्‍ल। यसैया ६०:९; भजन संग्रह ६८:३०; १राजा १०:१-२

भजन संग्रह 72:15

मेको शुश नाक्‍त ब्रोंइल। शेबा ङा सुन मेको कली चाक्‍गमेक्‍ल। मुरपुकीमी मेको आ पर्बम प्रार्थना पस ङा पस पामेक्‍ल। नाक्‍त रे मेको कली आसीक गेमेक्‍ल।

यसैया 21:13

मिनु परमप्रभु यावेमी गोरशो रागी आ यसैया कली “ए, अराब रागी ङा मुरपुकी गे अराब ङा मुर मबाक्‍तीकेमी बाक्‍स बाक्‍चा माल्‍नीनी। गे दलओंठ ङोइश्‍शा देदान आ थर ङा ग्‍याप्‍ब लेयब पिने।

यसैया 60:6

गे शुश दलओंठ ताइनेवे। मिदयान नु एफाह ङा दलओंठ आन चाइक्‍बपुकीमी इ रागी ब्रीनीम। मिनु शेबा रे यो चाक्‍नीम। मेकोपुकीमी सुन नु धूप चाक्‍शा ‘परमप्रभु यावे ठेयब बाक्‍ब’ दे ग्‍येरशा आं पर्बम शेंनीम। भजन संग्रह ७२:१०; मत्ती २:१-११

येरमीया 25:23

देदान, तेमा, बूज नु आन चां एर ओंथ ख्रोइक्‍ब नेल्‍ल आन कली, येरमीया ९:२५

येरमीया 49:8

ए देदानम बाक्‍बपुकी, लेश्‍शा प्रोक्‍कीन। लुक्‍च लने। मारदे हना गो एसाव कली सजाइ गेची ना मेको कली हिंचा ङा श्‍येत गे‍नुङ।

इजीकीएल 25:13

गो आं गुइ एदोम आ पर्बम क्‍युक्‍नुङ। मिनु मेकेर ङा मुर नु बी ब्‍यफ, क्‍यारश भेडा नेल्‍ल आन कली साइक्‍नुङमी। मिनु गो मेको कली मुर मबाक्‍तीके सेल्‍नुङ। मिनु तेमान रे देदान सम्‍म ङा मुर नेल्‍ल तरवारम साइक्‍चा पुंइसीनीम।

इजीकीएल 27:20

देदान ङा मुरपुकीम शारा आ लगम कली जीन वा चाक्‍शा इ मार मार नु फाइक्‍तेक्‍म।

गन्‍ती 25:6

मिनु इस्राएलीपुकी ग्रुम्‍तीक ताम्‍बु आ ओव़तीकेम ङाक्‍शा बाक्‍मानु, मेना इस्राएली काम मोसा नु इस्राएली नेल्‍ल आन ङोंइती आ खिंम मिदयानी मीश का चाक्‍तु। गन्‍ती ३१:१६

गन्‍ती 31:2

“इस्राएली आन पर्बम गे मिदयान ङा मुर आन कली क्‍येक्‍क लेत्‍तीमी। मेको आ नोले गे बेक्‍नेवे” देंत।