Zuga Kèkko 9:36 - Suri Latin

³⁶ Nɔng dha bere ɔra kèe Yobhe lɔ tɛrite yɛbh Yesus kèe Ngatabita. Na sara gɛnyɛ tuga Giriki keli Ngadorka. Na nɔng kali kali me lɔga challa na ɛana zuga ku bhoyoga.

Zuga Kèkko 9:36 ပူးပေါင်းရင်းမြစ်များ

Dadaba Yonasi 1:3

Na Yonas nɔng kedhdhɛsɛ lɔga Tumu ba na kajar Tumu Tersesegiye. Na bana na ogu chɔɔ ɔra kènno Yobe. Na jɔa gonggula bo kɔa Tersesegiye na gadhiu birinya na dhɔyu lɔga dhugunɛsɛna ꞉Tumu na tunnugu gonggul na ogu.

Matiyos 25:17

Na ko nɔng ngandonu kàjjɛ kammayi rammande, dha bere kɔɛ na koo tis na ammanɛ gee ku kammayi ramman sɛgɛn.

Yohanis 15:5

“Nɔng anye kani woyn bhɛa ku banggurra na igge anno hana ku lɛwanya. Na hirre kɛllo ko anye kari na ngakegenɛnooye, nɔng ale dhungngana kawarte mɛri. Na ko igge hunde dhɔttanyu na kari ngani ngakɛlloye, lɔkte messo bhichang ninggɛ dhul.

Yohanis 15:8

Na hunde dhungga kawarte mɛri na dhɔlda bhɛa anɛo zuga kɔbhbhanyu anye dhere, anda ajjɛo Baba nanu diram.

Zuga Kèkko 10:23

Na nɔng lamma na dhiganu dorigiye na te kɔmɔna gɛnyɛ. Na bhorroyɔ Betiros bana na dhi ko yɔk kari. Na ko yɔk zuga yɛbhbhɛa Yesus bhakkɛa Yobhe gena tɔrɔ nɔng na dhi kari.

Zuga Kèkko 10:31

Na seagany, ‘Kornoliose, lɔga bere ogolɛi Tumu wa shikka. Na ga bere ɛanɛi bhoyoga wa tɛhɛnna.

Zuga Kèkko 10:8

Na dhugunɛsɛ ngalɔkta kumulɔng na egu Yobhegiye.

Zuga Kèkko 11:13

Na nɔng yogogiy lɔga dha orro ꞉nɛa. Nɔng dha bɔɔ or hira ekkono ꞉Tumu hunde kun na chil doraa nɛnɛ na ajjɛ lɔkte sennɛ, ‘Eg zugo Yobhegiye na keli Simona kèe Betiros na kugoyɔye.

Zuga Kèkko 11:5

“Anye huna kihi Yobhegiye, bɔɔ kallinɛno ko Tumu. Na karra lɔga kungusɛɛni huna kunauny. Na galite koriye anna bo hɛtta ko ruma ku charki nyabha iriynɛna. Na ngɔa tumɔ na ko bhɛa kihɛi ꞉anyo.

Zuga Kèkko 9:38

Yɔk dha bere Lida ko Yobhe a oriya ɛlla jaajaa. Na yɔk zuga yɛbhbhɛa Yesus bhakkɛa Yobhe hunaa shikkɛa lɔga ihɛa ꞉Betirosi Lidagiyeye, ege zukte ku ramman na kɔtɔllɔsɛsɛ na kugo ke tiri.

Zuga Kèkko 9:42

Na ngalɔkta taga ꞉zugu na tɛhɛtɛy ko Yobhe kumulɔng. Na zukte mɛri yɛbhɛ Komoru Yesus.

1 Tɛsɛlongke 4:10

Na chɔɔ mɛa toye a nganda yello gochonginyaa gu ɛlla Mekedoniyagiye kumulɔngge. Na mɛa kɔ̀tɔllɔhagung na teyele goore.

1 Timotiyos 5:10

na gaɛ :zugu kumulɔng hunde a tɛriya irogito erro shɛɛ, na lammana kɔmɔn, na onynyo zuga Tumu ridhing ningginɛna jagarɛ, na ɛana zuga chɔllanɛna, na hini ujjono na hinno bhɛa senno kemesɛ lɔga challa kumulɔngge.

Tito 2:14

Nɔng anna bere rɛsɛiy agge na kibbayseiy lɔga gɛrsa kumulɔng na kète zuga gɛnyɛ ridhing ningginɛna na hinisiya ga kɔshɔya na kèmesigi lɔga challa hinno :nɛa.

Tito 2:7

Na ko inye me lɔga challa kali kali na dhɔlɛsɛ yɔk gɔrɔ. Na hunde madhɛsɛn lɔgɔye, madhɛsɛ dib, na kɔbhɛsɛ shɛɛ,

Tito 3:8

Yɔk ngalɔkta koyokkoginy :anyoye a dhere. Na keni madhɛsɛ zuga yɛbhbhɛa Tumu ngalɔkta shɛɛ na kɛmɛtta na kemesigi lɔga challa hinno :Tumu ke ngaya ngalɔkta anɛ challi goore na irishɛ zugo kumulɔngge.

Yaykob 1:27

Yɔk lɔkte chal hinnogiy :Babaa na Tumu na kɛ̀bhɛgɛ na ridhing ngakɔ̀lɔmiye a ɛnɛnggeo, kèe kɛ̀ya erroa ku bhoyoga ko tɛrroa ku bhoyoga chɔllanɛna na kɛ̀bhɛgɛ rɛhiya ga bhɛa lɔga gɛrsa lɔmmɛa ridhing messɛa :zugu.