Zuga Kèkko 9:22 - Suri Latin

²² Na nɔng Saol te ɔnnɛ na dhugunɛsɛ zuga Ayhudhi bhakkɛa Dɛmasko bhɛa Yesus anɛa hira kɛ̀bɛrrana ku Kirisos dib na yɔk rɛgɛ ꞉lɔkku.

Zuga Kèkko 9:22 ပူးပေါင်းရင်းမြစ်များ

Lɔgɔ Sabba 49:24

Na nɔng inye bhɛa kɔngɛi torong, sɛna gunyu tɛldi lɛtɛtɛm na iriytɛ gig na ngani ngakargareonɛo ke ngaya irishɛiny :Komoruya Yaykobi Bo Ɔnnɛna ku Hira Dhandala Bhɛkka zuga Isirayeli lɔmma gidhdhingge.

Zuga Kèkko 17:3

Nɔng dha dhugunɛsɛn lɔga bere kènno hira bɛrrana ꞉Tumu kɔ̀chɔllayɛ na ker na kabanay rɛsɛyɔ. Na sɛɛsɛ, “Ngahirra kèe Yesus kamadhdhagungge a hira bere bɛrrana ꞉Tumu.”

Zuga Kèkko 18:5

Na hunaa Silasi ko Timotiyos honynyo Mekedoniyagiyeye, Bhaulos dhɔyu zinggoa gɛnyɛ, na madhu zugo sɔng. Nɔng dha madh zuga Ayhudhi na kɔbhɛsɛn lɔga Yesusi na senɛsɛn, “Hira bere Bɛrrana ꞉Tumu a ꞉Yesusi.”

Zuga Kèkko 28:23

Na hunaa bhiiktɛsɛa ungo na tewa ushaye, tɛldi na hoya doraa nɛnɛ ke mɛri. Na nɔng kali bhɛa bo tii ko bhee anɛ jhayny dhugunɛsɛ lɔga Tumu bhɛa Tumu lɔmɛa zugo. Na kɔbhɛsɛ Damiya Tumu bere kàjjɛa Muse ko lɔga bere kɔdhdhɛsɛnɛa ꞉zuga yogɛsɛnɛa zugo lɔga dhugunono ꞉Tumu dadabinya na kɔbhɛsɛ bhɛa madhdhagiyɛa lɔga Yesusi na ko yɔk kɛyɛbhɛtɔ.

Zuga Kèkko 9:20

Na tɔgɔdhay madha doriyoa madhinɛnɛa zuga Ayhudhi lɔga Tumu ɛlla Dɛmaskogiye na madhɛsɛ zugo hunde Yesus a eriya Tumuye.

Zuga Kèkko 9:21

Na zuga shikkɛa lɔga madhinɛnɛa ꞉nɛa kumulɔng iwachiyɛ na se, “Nganda ngayo hira bɔɔ kɔrrana zuga eliyɛa sara Yesusi Yerusalemɔ na kunno ngaya na kibh ga ɛlla ngaya sɛgɛn na kayɛsɛ gɔldangɛa bibiyo doraa Tumu barara?”

Zuga Kèkko 9:23

Na hunaa ungo tewa mɛriye, zuga Ayhudhi daga go na kɔgɔdhɔ Saol.

Zuga Kèkko 9:27

Na nɔng Barnabas ko na dhiganu chɔɔ bhɛa zuga ekko ꞉Yesusi. Na kɔbhɛsɛ ngalɔkta bare Saoliye hunde dha bare itinynyannɛ ko Komoru gɔrɔ na or na mɛzzɛɛ kari ɛnɛngge. Na kɔbhɛsɛ ko lɔga bare madhɛa zugo sara Yesusi Dɛmaskogiye dib.

1 Timotiyos 1:12

Anye kutuhi Komoruya Na Kirisos Yesus, na bere ɛananyi na irishshonyi na yɛbhbhanyi na bɛrrananyi na kàtagay nɔng.