Na gulsaa bholisuny ko zugaa bhɛkkɛa Yesus hunaa orrɛa ba hunde chukinɛye ko ngalɔkta wa ɛrrinyaye kumulɔngge, dɛɛbɛ na tɛngɛrɛ bho goore na se, “Kèe ngahirra dhaa a Eriya Tumu dhere chi!”
Na Barnabas ko Bhaulos bho ngani ngaɛngɛrsɛo na seyɛsɛ, “Lɔga Tumu sabbɔ maya koyokkogung igge zuga Ayhudhi. Na hunde wa tamarto ꞉eygo bhɛa jɔanɛo basseya iho dhulde, agge kɔbhɔdhinɛno na koyogɛsɛno bhorinya gen.
Na hunaa dokkɛa ɔra kèe Salamiseye, ago doriyoa madhinɛnɛa zuga Ayhudhi lɔga Tumu na madhtɛsɛ zugo lɔga Tumu. Nɔng Yohanisa kèe Markos dha bere ɛl ko yɔk kari na ɛanayɔ.
Na hunaa Bhaulos ko Barnabas ɛlla Ikoniyomɔye, banda na ago doraa madhinɛnɛa zuga Ayhudhi lɔga Tumu damiya bɔɔ messɛa Ansokiyaa iho Bisidhagiye. Na madhtɛsɛ zugo kamannaa Yesusi na kɔbhtɛsɛ ko bhee gaɛ shɛɛ. Na zuga Ayhudhi ko bhorinya gen ga mɛra yɛbhɛyɛ.
Na Kala Ayawsuny kobhondo waranɔ ɔr toye na kayto kidho tugɔ na kàlamiyo bhɛa mukkinyanɛa ꞉zugu na allinɛnɛa ko Tumu. Na kɔjɔyao tɛrroa dhaa mukkinyana na kɛtɛldao bay ngonu na kamadhtɛsɛo lɔga Tumu.
Na koo ogo doraa madhinɛnɛa zuga Ayhudhi lɔga Tumu na kɔbhɛsɛ zuga Ayhudhi ko zuga Giriki yɛbhbhɛa Tumu lɔga Yesusi. Nɔng kali kali hunde itinynyannɛ ko zugo tu kɛngɔye, taa kɔbhɛsɛna nganga.
Na hunaa dokkɛa Ebhesonde, nɔng dhɔyu Ngabhirsikila ko Akila na ogu doraa madhinɛnɛa zuga Ayhudhi lɔga Tumu na kɔbhɛsɛ zuga Ayhudhi lɔga Yesusi na mɛzziyo.
Na Kala Ayawsuny tii tii nɔng kɔ doraa madhinɛnɛa zuga Ayhudhi lɔga Tumu na madhɛsɛn zuga Ayhudhi ko ga Giriki lɔga Yesusi na kɔbhɛsɛn shɛɛ na ko yɔk kɛyɛbhɛtɔ.
Na nɔng Bhaulos tɛu ngonu taginya sizzi na kali kali ogo doraa madhinɛnɛa zuga Ayhudhi lɔga Tumu na madhɛsɛ dib na dhugunɛsɛ bhɛa lɔmɛa ꞉Tumu zugo haalɛ na ko yɔk kɛyɛbhɛtɔ.
Na nɔng Bhilibhos yagɛsɛ na sɛɛsɛ, “Hunde yɛbhi hinisɔ dhereye, churnɛndɔ.” Na gulsa seu, “Yesus hunde a eriya Tumu bere kɛ̀bɛrrana ku Kirisose, kɛyɛbhiyɔ.”