Zuga Kèkko 9:17 - Suri Latin

¹⁷ Na Hananiya bana na ogu doraa ihɛa ꞉Saoli na tunnugu. Na tadhɛ siyɔ na sɛɛsɛ, “Gochonga nanu Saole, anye ekkonony ꞉Komoruyɔ Yesusi, hira bare dhɔllaginyi rɛ gɔrɔ huna kuni ngaya. Na ekkonony bhɛa nunu na ar bho na kɔgaginy ꞉Kuloya Tumu.”

Zuga Kèkko 9:17 ပူးပေါင်းရင်းမြစ်များ

Lɔgɔ Sabba 45:4

Na sɛɛsɛ :Yosebi, “Ga hoya jaa bheya!” Na hunaa hɛaye, sɛɛsɛ, “Anye kani gochonga nu kènnonyi Yoseb bere talnɛnɛanyu na kòhonyɛanyi Gibsi.

Matiyos 19:13

Na koo zugo hoyɛy erroa ngani chicho na ayɛsɛ Yesus na katadhɛ siyɔ na kogolɛsɛ Tumu. Na yɔk zuga kɔbhbhɛa nɔng wologo zugaa honynyɛa erro.

Markos 5:23

Na tɔllɔhɛsɛ goore na sɛɛsɛ, “Sedhdheya nanu chinynyo ilaga na a rɛsi. Na mɛa ga wo na tadhɛ siyɔ na ibbaysi na kaba.”

Markos 6:5

Nɔng Yesus bere tadhɛa zuga ilagassɛa gee muchugi sɛnɔ sɔng na ibbayseoyɔ. Yɔk lɔkte bu dhandal barar gena bhɛa senno kemesɛ ngonu bere ngaɔanao ke ngaya zugo nɔng ngayɛbhɛoye.

Zuga Kèkko 10:36

Kamannaa bere yogɛsɛna ꞉Tumu zuga Isirayeli, igge gaoyɔ. A kamannaa Komoruya zugony kumulɔng challa kènno Yesus Kirisos. Na agge hunde kɛyɛbh nɔngge, kɛ̀l ko Tumu ke na bo challa shɛɛ.

Zuga Kèkko 13:3

Na hunaa chɛbta rɛhi hozzo na alliyɛa ko Tumu na tewa ushaye, tattɛ yɔk sɛnɔ na tuhu na ittonoyɛ.

Zuga Kèkko 13:52

Na yɔk zuga Ansokiya yɛbhbhanɛa kamannaa challa ɔgɛsɛ ꞉Kuloya Tumu na aynɛ gidhdhing na hinisi te hɔli.

Zuga Kèkko 19:6

Na nɔng Bhaulos tadhɛ yɔk siyɔ na ngɔɛsɛ ꞉Kuloya Tumu na mɛzzi tugiya imaggɛa na yokto lɔga yogɛsɛna ꞉Tumu.

Zuga Kèkko 2:4

Na yɔk ɔgɛsɛ ꞉Kuloya Tumu kumulɔng. Na aynɛ yɔk bhɛa mɛzziyɛa tugiya imaggɛa na mɛzzi bhiy bhiy.

Zuga Kèkko 21:20

Na hunaa shikkɛa ngalɔktaye, eterrisana Tumu. Na koo seyɛsɛ Bhaulos, “Gochongnge, ga gɔnydɔ. Zuga Ayhudhi ngani yɛbhbhanɛa Tumu dha bɔɔ te shiinyaa bo mɛra. Na yɔk kumulɔng a zuga bhɛkkɛa Damiya Tumu bere kàjjɛa Muse shɛɛ na hinnɛa goore.

Zuga Kèkko 26:15

“Na anye kighinna na kesɛɛsɛu, ‘Komorue! Ani nɛng?’ “Na nɔng seagany, ‘Anye kani ngahirra kɔrranany ꞉inyo kènnony Yesuse.

Zuga Kèkko 4:31

Na hunaa alliyɛa ko Tumu na tewa ushaye, bhɛa muginɛnɛa ba chukɛɛ. Na yɔk aynɛ ꞉Kuloya Tumu gidhdhing kumulɔng na bho ngani ngaɛngɛrsɛo na yokto lɔga Tumu dhɛ dhɛ.

Zuga Kèkko 6:6

Na dhiganda na ogoldɛsɛ ꞉zuga ekko ꞉Yesusi Tumu na tattɛ sɛnɔ na ayɛ buyn.

Zuga Kèkko 8:17

Na Betiros ko Yohanis hunaa tadhdhɛa yɔk sɛnɔye, ɔgɛsɛ ꞉Kuloya Tumu.

Zuga Kèkko 9:18

Na galite heo rugɛrugɛy ngɔa kawariyɔ shaw hung na aru bho. Na nɔng bana na kuchuru ma.

1 Timotiyos 4:14

Na ngakargarɛɛsɛ lɔga bere ɛdhdhɛttanɛinyi :Tumu yokkoginyɛa :zuga bibiyo lɔmmɛa zuga yɛbhbhɛa Yesus kala bere tadhdhɛinyɛa sɛnɔ.

1 Timotiyos 5:22

Na ngangosumi na ibhbhani hir kona na tadhɛ siyɔ. Na ko zuga messɛa lɔga gɛrsa ngatɔrnɛno. Bhɛk rɛa nunu shɛɛ na tɛ hurr.

2 Timotiyos 1:6

Na ngaya yɛbhinɛnɛ gooreye, a bhee kɛbhɛsiyɛiny sabba na kalda mɛdhai goore dhogoy na hini kɔchɔa na mesɛ lɔga bere ɛdhdhɛttanɛinyi :Tumu kala bere katadhdhɛinyi :anyo sɛnɔye.

Silimona 1:16

Na nɔng hunde kalda wurtɔ ale bhakko kariye, gaymay ngani ngaanno. Na chɔɔ ale jorrono bhɛa bere anɛa gaymay na heo ko gochonga nunu ku tull. Nɔng chɔɔ ko hunde bhɛa nanu kete gochonga kibhinɛno hinisi, inye kalda jaraany anye na ibhtɛ hinisi goore ke ngaya ale anɛo dehunyɛa na chɔɔ bhɛa Komoru Tumu anɛo gochonginyaye.

2 Betiros 3:15

Na mɛa taga shɛɛ, nɔng Komoru bhee nyimɛ lɔga guye, a bhɛa senno bayɛ :iggeu. Chɔɔ Bhaulos, gochonga na kìbhɛsɛna hinisi, ko nɔng huna bere ajjɛa :Tumu bho gaana, annaa bere tɔgɔdhagungɔ ngalɔkta.