Zuga Kèkko 9:15 - Suri Latin

¹⁵ Na nɔng Komoru sɛɛsɛ, “Ay! Ogo assa! Nɔng a hira bere kɛbɛrrani ꞉anyo na koyogɛsɛ bhorinyaa anaa ko komortɛna gɛ ko zuga Isirayeli sara ganyu.

Zuga Kèkko 9:15 ပူးပေါင်းရင်းမြစ်များ

Matiyos 10:18

Na ibhbhanungɛ na hɛyɛungɛ bhɛa zuga allinɛnɛa zugo ko bhɛa komortɛnuny ke ngaya yɛbhbhɛanyu anyeye na kɔbhɛsɛno yɔk ko zuga bhorinyaa anaa lɔga ganyu bere orrono kawarre.

Yohanis 15:16

Nɔng igge annaa ngani bɛrtaganyuo. Na nɔng anye annaa bere kɛbɛraungɔ na ago na dhungga kawara bo mɛra ɛlla dhul ko kingi. Hunde messo ngangaye, lɔkte hinnono na ogollo Baba nanu sara ganyuye, kumulɔng ajjunggɔ.

Zuga Kèkko 13:2

Na kali kona yɔk hunaa ngani eterrisannɛa Komoru na chibbɛa rɛhi hozzoye, yogɛsɛ ꞉Kuloya Tumu lɔgɔ na sɛɛsɛ, “Ibhtaganyu Barnabas ko Saol na kemesigi zinggoa bɔɔ kelisɛni na kaynɛ.”

Zuga Kèkko 21:19

Na nɔng Bhaulos issau na kɔbhɛsɛ lɔga bere messo ꞉Tumu kolea bere madhɛa zuga bhorinyaa anaa kumulɔng shɛɛ.

Zuga Kèkko 22:14

“Na seagany, ‘Inye wa bɛrayinyɔ ꞉Komoruya kokonginyaa ga na tak lɔga sennana ꞉nɛa na ar Hira Ridhing Ningginɛna na shik lɔga yokkono ꞉tuga nɛnɛ.

Zuga Kèkko 22:21

“Na hunaa kesɛɛsɛu ngangaye, nɔng Komoru seagany, ‘Keni kèginy surr rɛna bhɛa bhorinyaa anaa. Na bana ogo.’”

Zuga Kèkko 25:22

Na nɔng Agiriba sɛɛsɛ Bhito, “Ko anye lɔkte yokkono ꞉ngahirraye keni kìshiktɔ.” Na nɔng yagɛsɛ na sɛɛsɛ, “Ee, rogonɔ bhorroyɔ shigiyɔ ni.”

Zuga Kèkko 26:1

Na Agiriba sɛɛsɛ Bhaulos, “Wa kìgomboginyɔ na mɛa ga yogo lɔga gunyu.” Na Bhaulos lamu zugo siyɔ na yogo lɔga kɛngɛa rɛ na seu,

Zuga Kèkko 26:32

Na nɔng Agiriba sɛɛsɛ Bhito, “Hunde ngahirra bɔɔ ngaseni, ‘Anye lɔga ganyu any kamarak ꞉Komoruya Rome bo,’ anda mɛa kɔ̀kkanayɔ.”

Zuga Kèkko 27:24

na seaganyɔ, ‘Bhaulose! Bho ngaɛngɛrsi! Maya ale chili bhɛa Komoruya Rome bo sabbɔ, na aynde Tumu chirbhisɛɛ ngazukta dheo kari na ale ibbaysɛɛye.’

Zuga Kèkko 28:17

Na hunaa ungo tewa sizziye, Bhaulos eliu gulsachina Ayhudhi. Na muktiyaa na sɛɛsɛ, “Gochonginyaye, anye kera zuga ga ko na babachina ga ngani kɛ̀ddɛo dhul. Na hunaa anna ngangaye, yɔk chɛbtany Yerusalemɔ na ayany zuga Rome.

Zuga Kèkko 28:28

“Na mɛa igge tagatɔni wo! Tumu wa ekka zugo na koyoktɛsɛ bhorinyaa anaa lɔga ibbaysia ꞉nɛa zugo na yɔk ale shikkɛyɔ!”

1 Timotiyos 2:7

Na ngagiya a lɔkte bere kìbhbhanɛany anye na kàjjɛany buyna koyogɛsɛni zugo kamannaa challa na kòjjɛany ke hira ekonyi :Yesusi, kamadhɛsɛni bhorinyaa anaa bhɛa kɛ̀yɛbhɛa kamannaa challa ku dhere dibte. Nɔng anye koyokkon lɔga ku dhere, butomo ngakɛmɛzziiyo.

2 Timotiyos 1:11

Na chɔɔ ko anye annaa bere kɛ̀bɛrtaanyɔ na ketewa hira kɔɔbhɛsɛni zugo lɔgɔ ko na kèkkonyi na kamadhɛsɛni zugo ngakamannaya chalde.

2 Timotiyos 2:4

Nɔng bholisi, lɔga zinggoa gɛnyɛ ngaannao ngamesso. Mɛdhdhana na me zinggoa gɛnyɛ goore na gulsaa nɛnɛ hini kete hɔli.