Zuga Kèkko 8:9 - Suri Latin

⁹ Na dha bere ngaɔrronu lɔ hirre ku kay kèe Simon. Na kali kali dhɔng rɛ na se, “Anye kani hirre buye.” Na mannɛa ꞉zuga Samariya kumulɔng.

Zuga Kèkko 8:9 ပူးပေါင်းရင်းမြစ်များ

Yohanis 7:18

Nɔng inde yokkono lɔga sabbaa nɛnɛye, lami bhɛa senno kɔdhɔnggɛ :zugu na kayɛ diram. Na nɔng inde hin bhɛa senno zugo kɔdhɔnggɛ hira bere ekkonoye, a hirre mɛzzi lɔga ku dhereye. Na chɔɔ bhɛa nɛnɛ butomo ninggɛ dhul.

Zuga Kèkko 13:6

Na hunaa dhoyɛa Kobhoros ori toye na dokkɛa ɔra iho dheyyɔ kèe Babuye, koo itinynyandɛ ko hirre Ayhudhi ku deni kèe Baryesus. Nɔng mɛzzi butomo na se, “Kani hira koyogɛsɛni zugo lɔga dhugunono ꞉Tumu.” Na nɔng dha yogɛsɛn ga gɛnyɛ ku butomo hung.

Zuga Kèkko 13:8

Nɔng dha bere deniya kènno Baryesus tuga Giriki sara gɛnyɛ keli Elmas. Na Elmas a bhɛa kènɛa “Deni.” Na nɔng taganyɛ Barnabas ko Saol lɔgɔ na gulsa lɔga Tumu ngayɛbhi.

Zuga Kèkko 5:36

Anna bere lɔmma hirre kèe Tewoda na senno, ‘Anye kani hira bo.’ Na tɔrnɛna ko zukte heo anda ku zugo hirkon. Na nɔng koo kɔ̀gɔnda na erra. Na hunaa rɛsaye, zuga bere tɔrrɛa nɔng bhassayɛ na lɔga gɛnyɛ garayɛ.

Zuga Kèkko 8:11

Na bhee chirarɛ nɔngge, a ngaya mesɛ lɔga bo barara na iwachinɛnɛ ꞉zugu bɛrgunyaa bere kinginyeye.

2 Tɛsɛlongke 2:4

Nɔng ale mar Tumu ko ahaa ibhbhɛa :zugu ke barari kumulɔng na dhɔng rɛ na toynɛ huna hira barara. Na chɔɔ kɔ doraa Tumu barara na i bay na se, “Tumu kani :anyo!”

2 Timotiyos 3:2

Na zugo ale agga hinisi ibhɛsɛnɛa rɛhiya gɛ, na yellɛa birinya na dhɔngngɛa rɛhi, na dhunggurrɛa na dhɔkɔssɛa lalugɛ, na choyinggɛ ko jugɛ ngashikkɛayo na zuga mesɛsɛnɛa lɔga challa ngabudhdhɛayo, na messɛa lɔga ku ridhing,

2 Timotiyos 3:5

na magganɛ lɔgɔ huna zuga kɔbhbhɛa Tumu dhere. Na nɔng barartina kɔ̀jɔana hunde kɔ̀ɔbh lɔga gɛnyɛye, marrɛyɔ. Na bhɛa zukte ku ngangaye, inye kɛnga rɛ na tɛ rɛna.

2 Betiros 2:18

ke ngaya lɔga yokkonɛa :yɔkku anɛ ga dhɔngɛa rɛhi, hologun ningginɛnaye. Na chɔɔ hunde zuga ɛddɛyɛa lɔgɔ gena dhɔttɛ lɔga ɛddɛyɛa na jorrɛye, yɔk ngazukta kɔnkɔnnɛ ngagiya jorrɛ lɔgɔye na dhɔlɛsɛnɛ lɔga lollumo chirkannɛa :zugu bay ngaya na tabhbhanɛyɔ.