Zuga Kèkko 8:1 - Suri Latin

¹ Na ko nɔng Saol dha bere hinɛsɛn Istibhanos rɛsɛ. Na kala rɛsɛa ꞉Istibhanosi lɔgɔ te dhandali goore. Na zuga yɛbhbhɛa Yesus ɛlla Yerusalemɔ kumulɔng kɔ̀gɔrta na bhassayɛ. Na gena hanggɛ oriya ɛlla baa Samariya, gen hanggɛ oriya ɛlla baa Yudha. Na Yerusalemɔ dhɔttɛ ꞉zuga bere ekko ꞉Yesusi sɔng.

Zuga Kèkko 8:1 ပူးပေါင်းရင်းမြစ်များ

Matiyos 22:6

Na gee dhɔynɛye ibhbhɛ ngazuktonu kachchɛ komoruye na tiranyɛ gɛrrɛng gɛrrɛng na nissɛyɔ.

Matiyos 23:34

Nɔng anye mɛa kibhbhan zuga yogɛsɛnɛa zugo lɔga dhugunono :Tumu ko ga gayɛa lɔgɔ ko ga madhdhɛa zugo, na kegi bhɛa nu. Na nɔng igge ale ibhbhano na gen nissoyɔ, gen ilakkoyɔ, gen dhakko doriyoa madhinɛnɛa zuga Ayhudhi lɔga Tumu toye na kɔbhbho chɔɔ oree hɛɛye na hangngoyɔ.

Matiyos 5:13

“Igge anno shɔyiya bany. Na shɔy hunde choyna nɛnɛ kagar, anda bhee kìyikkanɛ na anɛ choy sɛgɛn ihe? Ninggɛ. Nɔng ngangaye hologun garu na kùjjugu bhɔ na daga :zugu jagarre.

Yohanis 15:20

Ga tunggɛsɛ lɔga bɔɔ koyokkogungu na kesennagungu, ‘Bhɛa gaymayuny, bu komoruya nɛnɛ.’ Yɔk hunde kete zuga bere bhɛkkɛa lɔga ganyu, anda ko yɔk bhɛkkɛ lɔga madhɛsɛno :iggeu. Na hunde agga bere hanganyɛa anyeye, ko igge ale hangungɛ nganga.

Yohanis 16:2

Nɔng igge ale marrungɛ :zugu na obhoniseungɛ doriyoa madhinɛnɛa zuga Ayhudhi lɔga Tumu na chukkongɛyɔ. Na chɔɔ kolea ale nissɛungɛa :zugu na ɛsɛdhɛa huna zuga kachchɛa Tumu, ale andanayɔ.

Zuga Kèkko 1:8

Na nɔng hunde ale ngɔssagung ꞉Kuloya Tumuye, jɔano barartin na anno zuga yokko lɔga ganyu Yerusalemɔ ko baa Yudha ko baa Samariya kumulɔng ko bhee uturronɛ ba.”

Zuga Kèkko 13:1

Dha bere bhɛa zuga yɛbhbhɛa Yesus ɛlla Ansokiyagiye lɔ zukte yogɛsɛnɛ zugo lɔga dhugunono ꞉Tumu ko ga madhinɛna. Na yɔk a Barnabas ko Simona kèe Kɔrrɔ ko Lukiyosa bere bhakka Kerena ko Saol ko lukuriya komoru Herediosi kèe Minan.

Zuga Kèkko 13:36

“Nɔng ngalɔkta rɛa Dawiy ngaɛlɛhɛnɛo. Nɔng bɛrgua bere nɛnɛ kayɛa Tumu hunaa tewa ushaye, anna rɛsa na kòjjo ko kokonginyaa gɛnyɛ na mujjusoyɔ.

Zuga Kèkko 2:47

na eterrisanɛ Tumu. Na tɛhɛnɛ ꞉zugu kumulɔng. Na kali kali Tumu ibbaysiu zugo lɔga gɛ gɛrsa na lamma na tɔrɔ yɔk.

Zuga Kèkko 22:20

Chɔɔ kala bere kɔ̀gɔdhdhɛa hira rɛsɛa lɔga gunyu kèe Istibhanos, anye bere kichili ngonu na kishiginɛno ko zuga kɔnnɛna na ruminyaa gɛ kibhɛsɛni ꞉anyo.

Zuga Kèkko 26:10

Na chɔɔ Yerusalemɔ bere kemesi nganga chi. Anna ajjanyɛa ꞉gɔldangɛaa bibiyo doraa Tumu barara lɔgɔ na kichibɛi zuga Tumu ridhing ningginɛna na kishiginɛnɛo ko zuga kɔdhdhɛa yɔk.

Zuga Kèkko 5:18

Na ibhigi yɔk na aytɛ doraa chibinuny.

Zuga Kèkko 5:20

Na sɛɛsɛ, “Ago na chili doraa Tumu barara tu kɛngɔ na yoktɛsɛ zugo lɔga basseya iho dhul.”

Zuga Kèkko 5:33

Na zuga kedhdhɛa lɔgɔ hunaa shikkɛa ngalɔktaye, dɛbɛ goore na kɔtɔgɔdhɔtɔ.

Zuga Kèkko 5:40

Na zuga kedhdhɛa lɔgɔ shigi lɔga Gɛmaliya. Na eliyo zuga ekko ꞉Yesusi na dhaga na ayɛ lɔgɔ na wurtɔ sara Yesusi ngayokkɛ na ɔtta.

Zuga Kèkko 7:38

Na nɔng a hira bere ɛlla ko zuga Isirayeli mukkinyana korugiye ko kokonginyaa ga na itinynyanɛna ko hira ekkono ꞉Tumu kutula kèe Sina na kòyogɛsɛna lɔga Tumu ajjiyɛa bassey na kamadhagiy agge.

Zuga Kèkko 7:54

Na yɔk zuga kedhdhɛa lɔgɔ hunaa shikkɛa ngalɔktaye, dɛbɛ na angitɛsɛ Istibhanos hallaga.

Zuga Kèkko 7:58

Na tuguru chɔɔ ɔr dhey na kɔchɔ bɛnne. Na zugaa senno kɔchɔ hiri bɛnne ibhta ruminyaa gɛ na ojjigi bhee tɛgayte kèe Saol na kɛbhɛktɔ.

Zuga Kèkko 8:14

Na yɔk zuga ekko ꞉Yesusi ɛlla Yerusalemɔ hunaa shikkɛa zuga Samariya hunde dha yɛbhɛ lɔga Tumuye, ibhta Betiros ko Yohanis na ege ngonu.

Zuga Kèkko 8:2

Na zuga kachchɛa Tumu gen ojjigi Istibhanos. Na ibhigi duhu na turgi goore.

Zuga Kèkko 8:4

Na yɔk zuga bere yɛbhbhɛa Yesus na hangnɛna madhtɛsɛ zugo lɔga Tumu oriya bere hangnɛnɛa kumulɔng.

Zuga Kèkko 8:5

Na bhɛa ngazuktonu yɛbhbhɛ Yesuse, kona bere anna Bhilibhos. Na ogo ɔra iho baa Samariya konnɔ na madhɛsɛ zugo bhɛa Yesus anɛa hira kɛ̀bɛrrana ku Kirisos.

Zuga Kèkko 9:31

Na koo zuga yɛbhbhɛa Yesus ɛlla baa Yudha ko baa Gelila ko baa Samariya hinisi tɛlda bay na bhaga ba shɛɛ. Na iriyu ꞉Kuloya Tumu na te dhandali. Na yɔk ago na te mɛri na ayɛ Komoru Tumu diram na dhɔngɔyɛ.