Zuga Kèkko 7:8 - Suri Latin

⁸ Na koo bhiigɛsɛ lɔga senno kegendɛ rɛhiya maya. Na Awuraham hunaa irriyoa Isakte, unga ku issey kedhdhu Isak rɛa maya. Na Isak ko nɔng hunaa irriyoa Yaykobte, kedhdhu rɛa maya na Yaykob ko nɔng erroa gɛnyɛ ku tɔmmɔn ko ramman ku kokonginyaa ga kɔbhɔ ngadamitonu.

Zuga Kèkko 7:8 ပူးပေါင်းရင်းမြစ်များ

Lɔgɔ Sabba 29:31

Na hunaa Tumu arra Yaykob hunde Ngaleya ngahinnoye, aynɛ Ngaleya bhɛa lɔmmanɛa eri. Na Ngarahel nɔng tɔu hɔlɔng.

Lɔgɔ Sabba 30:5

Na tɔlɔma eri na hudhugo ke may.

Lɔgɔ Sabba 35:16

Na Yaykob ko zuga gɛnyɛ banda Betelɔ na ago. Na hunaa hɛa na dokkɛa ɔra kèe Ibhirata jaaye, dha bere Ngarahel se kuhudhugɛyɔ na ilagau gɔrɔ goore.

Lɔgɔ Sabba 35:18

Na hunaa ilagawa goore na senno kereye, eri tɔgɔdhɛsɛ sarre kèe “Binoni.” Na nɔng chɔgɔnɛ tɔgɔdhɛsɛ sarre kèe “Biniyam.”

Matiyos 1:2

Nɔng Awuraham dha bere irrittono Isak, na Isak koo irriyo Yaykob, na Yaykob koo irriyo Yuhudha ko gɔynggɛ.

Yohanis 7:22

Nɔng igge anno ngagiya kedhdho erroa gu rɛhiya maya Kala Ayawsuny ke ngaya anɛ damiya bere ajɛungu :Museye. (Nɔng ngadamitonu anna bere ajjungɛa :kokonginyaa gu sabbɔ. Muse ngani kaungo.)

Zuga Kèkko 2:29

“Ngagochonginyaa ganydeye, ga kòyokkogung lɔga bere rɛsɛa :kokonga na Dawiy dib. Nɔng bere rɛsa na kɔ̀bhɔkka na igingeya nɛnɛ ko mɛa toye a nganda i ngayaye.