Zuga Kèkko 7:52 - Suri Latin

⁵² Na bhɛa kokonginyaa gu inde zuga yogɛsɛnɛa zugo lɔga dhugunono ꞉Tumu ngani kɔgɔraoye a nɛng? Yɔk chɔɔ bere kɔdhdhɛa zuga yokkonɛa lɔga ale kunɛa ꞉Hira Ridhing Ningginɛna. Na ko igge ibhtao nɔng na ayɛo mirɔga na tɔgɔdhɔyɛ.

Zuga Kèkko 7:52 ပူးပေါင်းရင်းမြစ်များ

Matiyos 5:12

Na hinisiya gu any kete hɔli na dɛlɛ goore dhogoy, ke ngaya ale ɛdhdhɛttannɛung :Tumu tumɔ gooreye. Chɔɔ ko yɔk zuga bere yogɛsɛnɛa zugo lɔga dhugunono :Tumu, bere kàhanga nganga chi.

Yohanis 16:10

Na sɛgɛn bhee ale dhugunɛsɛn bhɛa imagɛa hira ridhing ningginɛnaye, a ngaya anye ale kɔgɔɛ bhɛa Babaa Nanu na igge sɛgɛn ngaorrɛanyuoye.

Zuga Kèkko 2:23

Nɔng a hira bere ajjungu ꞉Tumu damiya bere gaana ꞉nɛa na ɛsɛdhdhana sabbɔ. Na igge ko zuga marrɛa Tumu annaa ɛsɛdhto lɔgɔ na ilakto na dhaktɛsɛo sɛnɔ ko jagarɛ muddɛn na erra.

Zuga Kèkko 22:14

“Na seagany, ‘Inye wa bɛrayinyɔ ꞉Komoruya kokonginyaa ga na tak lɔga sennana ꞉nɛa na ar Hira Ridhing Ningginɛna na shik lɔga yokkono ꞉tuga nɛnɛ.

Zuga Kèkko 3:18

Yɔk ngalɔktonu agga bere bhugnyɛsɛa damiya bere dhugunono ꞉Tumu na yogɛsɛna zuga yokkonɛa lɔga gɛnyɛ sabbɔ na sennɛa, ‘Hira kɛbɛrrani maya sabbɔ chɔllanɛyɔ.’

Zuga Kèkko 3:24

“Na chɔɔ zuga bere bɛrgua Samueli yogɛsɛnɛa zugo lɔga dhugunono ꞉Tumu, ko yɔk kumulɔng bere yoktoa lɔga ngabɛrguya.

Zuga Kèkko 4:10

ga kòyoktogung shɛɛ na taga ꞉iggeu ko zuga Isirayeli kumulɔng. Ngahirra basɛ sara hira Nazireti kènno Yesus Kirisos bɔɔ ilakko ꞉iggeu na ibbaniseono ꞉Tumu rɛsɛyɔ. Na aynde mɛa ngahirra chilɛ ngaya ke na bo challaye.

1 Tɛsɛlongke 2:15

Yɔk agga bere kɔdhdhɛa Komoru Yesus ko zuga yogɛsɛnɛa zugo lɔga dhugunono :Tumu na hangiyɛa chɔɔ agge na ajjɛa Tumu munyu. Na chɔɔ kɔnkɔnnɛa na marrɛa zugo kumulɔng

2 Timotiyos 3:4

na kɔdhdhɛsɛnɛa zugo mirɔga, na ngosumɛsɛnɛa lɔgɔ, na dhɔngngɛa rɛhi lɔga chɔɔ ngani kataktao. Na bhɛa kènno kibhtɛsɛ Tumu hinisi, yɔk goore ale hinisi ibhɛsɛnɛ lɔga dɛllɛa hinisiya gɛ,

1 Yohanis 2:1

Erroa ganyuye, bhee kɔgɔdhdhagɛung ngalɔktaye, keni ngamesigi lɔga gɛrsa. Na nɔng hunde hir kona keme lɔga gɛrsa, nɔng hira tɔrriy agge na tɔllɔhɛsɛna Baba Na Tumu ihe. Nɔng a Hira Ridhing Ningginɛna kènno Yesus Kirisos.