Zuga Kèkko 7:32 - Suri Latin

³² ‘Anye kani Tumu, komoruya bere eterrisananyɛa ꞉kokonginyaa gunyu Awurahami ko Isaki ko Yaykobi.’ Na Muse dɛɛbu na bhariyu tik tik. Na kawarɛ tamartɛ na ngani ngagunyo.

Zuga Kèkko 7:32 ပူးပေါင်းရင်းမြစ်များ

Lɔgɔ Sabba 26:24

Na jhaynɔ dhulɛsɛ :Tumu dɛk na sɛɛsɛ, “Anye kani Tumua bere chogonu Awurahami na bho ngaɛngɛrsi, ke ngaya kɛlɛ kari ko inyeye. Ale kutuheny damiya bere kibhiiginɛnɛo ko nɔng hira bere kachanyi na ashaa gunyu kɛbhɛli na a mɛri.”

Lɔgɔ Sabba 50:24

Na Yoseb sɛɛsɛ gɔynggɛ, “Anye mɛa kolea senno kèrɛ te ja. Na nɔng Tumu ale kun na ɛanung na dhɔtto ngabaya na zigɛung baa bere bhiigɛsɛna Awuraham ko Isak ko Yaykob.

Matiyos 17:6

Na zuga kɔbhbhɛa nɔng hunaa shikkɛa ngalɔktaye, dɛɛbɛ goore na tunggo bay na tɔgɔndɛ kawarɛ ba.

Matiyos 22:32

Yɔk ngalɔktonu sennɛ, ‘Anye kani Tumu Komoruya Awurahami ko na Isaki ko na Yaykobi.’ Na nɔng a Komoruya zuga ɛlla basseyɔ. Komoruya zuga rɛssɛa ngayo.”

Matiyos 22:46

Na chɔɔ hirre yagɛsɛn nɔng lɔgɔ gee chichi garu dhul. Na kɔdhdhanɛ ngakaldonu na hirre gissono nɔng na ghin lɔgɔ sɛgɛn garu.

Zuga Kèkko 3:13

Nɔng Komoruya kokonginyaa ga bere Awurahami ko Isaki ko Yaykobi Tumu nɔng dhɔngu hoynɛ Yesus. Na nɔng igge ibhtao na ayɛo Bhilatos na kertɔ. Na chɔɔ Bhilatos huna senno kɔga, igge kɛnggao na tamarto.

Zuga Kèkko 7:31

Na hunaa orroye, iwachiu. Na ogu jaa na kɔgɔnydɔ. Na shigu lɔga yokkono ꞉Komoruyɔ Tumu hunde sennɛ,