Zuga Kèkko 7:25 - Suri Latin

²⁵ Nɔng Muse dha bere ɛsɛdh lɔgɔ na se kako ale zuga gɛnyɛ gaɛ hunde nɔng ekkono ꞉Tumu na kobhonisɛsɛ yɔk bhee hɔliye. Na yɔk dha imaggɛyɔ.

Zuga Kèkko 7:25 ပူးပေါင်းရင်းမြစ်များ

Markos 9:32

Yɔk dha bere ngalɔkta yogɛsɛn :Yesusiye ngani katagato. Na tɛngɛrɛ bhɛa senno kighindɛ ngalɔkta bhɛa ku hologun.

Zuga Kèkko 14:27

Na hunaa dokkɛa Ansokiyaye, mukta zuga yɛbhbhɛa Yesus na kɔbhtɛsɛ lɔga mesɛsɛna ꞉Tumu kumulɔng. Na seyɛsɛ, “Chɔɔ zuga bhora anaa hunaa shikkɛa kamannaa challaye, Tumu owo hinisiya gɛ na yɛbhɛyɛ.”

Zuga Kèkko 15:4

Na hunaa ayta na dakta Yerusalembe, lamba ꞉zuga yɛbhbhɛa Yesus ko zuga bere ekko ꞉Yesusi ko zuga bibiyo lɔmmɛa zuga yɛbhbhɛa Yesus, na abhanyisiyo. Na yɔk Bhaulos ko Barnabas koo kɔbhtɛsɛ zugo lɔga bɔɔ mesɛsɛna ꞉Tumu kumulɔng.

Zuga Kèkko 15:7

Na hunaa oyta lɔgɔ dirr na tewa ushaye, Betiros bana na sɛɛsɛ, “Gochonginyaye, huna bɔɔ sabbɔ Tumu bɛrrananyi anye bhɛa nu na kàmadhɛsɛ bhorinya gen kamannaa challa na kɛyɛbhɛyɛ, igge gao chi.

Zuga Kèkko 21:19

Na nɔng Bhaulos issau na kɔbhɛsɛ lɔga bere messo ꞉Tumu kolea bere madhɛa zuga bhorinyaa anaa kumulɔng shɛɛ.

Zuga Kèkko 7:24

Na hunaa orro hira Isirayeli kona hunde churu ꞉hira Gibsiye, bana na kashaya moloy. Na dhagu hira Gibsi na ere.

Zuga Kèkko 7:26

Na bhorre zuga Isirayeli gee ku ramman ɛkkɛnyandɛ kɛngɔ. Na nɔng aru na ogu na kegendɔ. Na hunaa kɔaye, koo sɛɛsɛ, ‘Ngazukta ke igge anno gɔynggɛ. Na kɛngɔ ɛkkɛnyannɛno kɛ ɔng?’