Zuga Kèkko 6:9 - Suri Latin

⁹ Na dha bere ngonu lɔ zuga Ayhudhi honynyo Kerenagiye ko Iskindiriyagiye ko Kilkiyagiye ko Isiyagiye madhɛsɛnɛa zugo lɔgɔ doraa madhinɛnɛa zuga Ayhudhi lɔga Tumu kèleo “Doraa Zuga Kòbhonisisɛna Bhɛa Hɔla.” Na ngazukta gen yɔk tamara lɔga madhinɛnɛa ꞉Istibhanosi na ɛkkɛnyandɛ ko nɔng.

Zuga Kèkko 6:9 ပူးပေါင်းရင်းမြစ်များ

Matiyos 10:17

Na tɛldi kɔk! Yɔk zugo ale hɛyɛungɛ bhɛa zuga kedhdhɛa lɔgɔ na dhakkungɛ doriyoa madhinɛnɛa zuga Ayhudhi lɔga Tumu.

Matiyos 23:34

Nɔng anye mɛa kibhbhan zuga yogɛsɛnɛa zugo lɔga dhugunono :Tumu ko ga gayɛa lɔgɔ ko ga madhdhɛa zugo, na kegi bhɛa nu. Na nɔng igge ale ibhbhano na gen nissoyɔ, gen ilakkoyɔ, gen dhakko doriyoa madhinɛnɛa zuga Ayhudhi lɔga Tumu toye na kɔbhbho chɔɔ oree hɛɛye na hangngoyɔ.

Matiyos 27:32

Na hunaa hɛyɛaye, koo itinynyandɛ ko hira kunno Kerenagiye kènno Simon. Na maktɛsɛ kɛya kènno kìlaktɛ Yesus na kɛtɛayɔ.

Markos 13:9

“Na mɛa tɛldi kɔk! Yɔk zugo ale ibhbhongɛ na hɛyɛungɛ bhɛa zuga kedhdhɛa lɔgɔ, na dhakkungɛ doriyoa madhinɛnɛa zuga Ayhudhi lɔga Tumu. Na ale hɛyɛungɛ bhɛa zuga allinɛnɛa zugo ko bhɛa komortɛnuny ke ngaya yɛbhbhɛanyu anyeye na kɔbhɛsɛno lɔga ganyu bere orrono kawarre.

Zuga Kèkko 11:20

Na bhɛa zuga honynyo Kobhorosɔ ko Kerenagiye gena yɔk ago Ansokiyagiye na madhtɛsɛ chɔɔ zuga Giriki kamannaa Komoru Yesusi.

Zuga Kèkko 13:1

Dha bere bhɛa zuga yɛbhbhɛa Yesus ɛlla Ansokiyagiye lɔ zukte yogɛsɛnɛ zugo lɔga dhugunono ꞉Tumu ko ga madhinɛna. Na yɔk a Barnabas ko Simona kèe Kɔrrɔ ko Lukiyosa bere bhakka Kerena ko Saol ko lukuriya komoru Herediosi kèe Minan.

Zuga Kèkko 13:45

Na hunaa zuga Ayhudhi orrɛa zugo mɛrtinde, hinisi ngɔ na tamara lɔga yokkono ꞉Bhaulosi na dhɔmɔyɛ.

Zuga Kèkko 15:23

Nɔng dadaba bere ittonɛsɛnɛa ꞉yɔkku dha bere se, “Kanno zuga bere ekkiy ꞉Yesusi ko zuga bibiyo lɔmmɛa zuga yɛbhbhɛa Yesus, ko gochonginyaa gu kabhakko Yerusalem. Na ngadadabta kɔ̀gɔdhdhagung zuga bhorinyaa anaa yɛbhbho Yesus bhakko Ansokiya ko Soriya ko Kilkiya. Na kesennagung, ‘Saro saro!’

Zuga Kèkko 15:41

oriya ɛlla Soriyagiye ko Kilkiyagiye na iriyi zuga yɛbhbhɛa Yesus gɔrɔ gɔrɔ.

Zuga Kèkko 16:6

Na Bhaulos ko Silasi se kago oriya ɛlla Isiyagiye na kamadhtɛsɛ zugo lɔga Tumu. Na yɔk taganyɛ ꞉Kuloya Tumu na ngaoreonu lɔgɔ ngamadhɛɛnɛ. Na yɔk dhɔyɔ na ago na dha oriya ɛlla Bhirgiyagiye ko Galatiyagiye.

Zuga Kèkko 18:24

Na yɔk hunaa Ngabhirsikila ko Akila ngani ɛlla Ebhesonɔye, kali kona hira Ayhudhi bere hudhukkinyana Iskindiriyagiye kèe Abholos ko. Nɔng dha bere a hira kàmadha goore na Lɔga Tumu kɔ̀gɔdhdhɛsɛna dadabɔ gaa shɛɛ.

Zuga Kèkko 19:10

Na Bhaulos madhu zugo ngadamita oynya ramman. Na zuga Ayhudhi ko bhorinya gen, ga bhakkɛa baa kènno Isiya kumulɔng, shigi lɔga Komoruyny.

Zuga Kèkko 19:26

Nɔng ngahirra kèe Bhaulose hunde dha bɔɔ madh zuga mɛra Ebhesonɔ ko ga bhakkɛa oriya Isiya kumulɔngge, a nganda shikkano nyabha na orrono chɔɔ kawarreye. Nɔng tab zugo na senɛsɛn, ‘Ahaa ghendonɛa ꞉zugu sɛnɛ, barari ngayo.’

Zuga Kèkko 21:27

Na hunaa unga ku issabbay senno kagarate, zuga Ayhudhi honynyo Isiyagiye argi Bhaulos doraa Tumu barara ratagiye toye. Na hunaa orrɛaye, kɔnkɔnɔ zugo kumulɔng na bandɛsɛ Bhaulos na ibhigiyɛ.

Zuga Kèkko 21:39

Na nɔng yagɛsɛ na sɛɛsɛ, “Ngakaniyo! Kani hira Ayhudhi kabhagi ɔra bo kàggaa iho Kilkiyagiye kèleo Tersese. Na ga igomogony na kòyogɛsɛ zugo lɔgɔ.”

Zuga Kèkko 22:19

“Na anye kesɛɛsɛu, ‘Komorue! Ngazukta Yerusalemiye yɔk gaɛ huna bere kowoyɛi doriyoa madhinɛnɛa zuga Ayhudhi lɔga Tumu kumulɔng na karagɛi zuga yɛbhbhinyɛa inye na kichibɛi yɔk.’

Zuga Kèkko 22:3

“Anye kani hira Ayhudhi bere kùhudhukkononyi ɔra iho Kilkiyagiye kèe Tersese. Na nɔng kichilan Yerusalemɔ ngaya. Na damiya kokonginyaa ga kumulɔng bere madhaganyɔ ꞉Gɛmaliya shɛɛ. Na ko anye bere kihini lɔga kàgayɛa Tumu goore ngadamita hinnɛo ꞉iggeu mɛa toyeye.

Zuga Kèkko 23:34

Na nɔng hunaa toyiwa dadab na tewa ushaye, ghinu Bhaulos na sɛɛsɛ, “Ani hira bhagi ba inong?” Na tagu hunde a hira bhakka Kilkiyaye.

Zuga Kèkko 24:18

Na yɔk ngazukta hunaa honynyo doraa Tumu bararaye, artany tu kɛngɔ hunde kemesi damiya kònyonɛa ridhingge. Na anye zugo ngani kɔ̀ɔnkɔno na chɔɔ gee kɛllo kari na kobhoreo ba ninggɛ.

Zuga Kèkko 26:11

Na taa kalamii yɔk doriyoa madhinɛnɛa zuga Ayhudhi lɔga Tumu na kattii goore na kadhɛsɛni lɔgɔ na kɔdhɔmɔ Yesus. Na bere kamargii goore na kɔɔbhi chɔɔ ori genne na kɔgɔrraniyɔ.

Zuga Kèkko 6:10

Na yɔk bhɛa senno kɔyayɛy nɔng bhɛa ngakuloyta mɛzziɛye, ngani ngaɔanɛo. Nɔng ga bho goore na lɔga madhɛsɛna zugo ajjɛ ꞉Kuloya Tumu.