Zuga Kèkko 6:7 - Suri Latin

⁷ Na lɔga Tumu tɛhɛtɛy ko ba. Na zuga yɛbhbhanɛa lɔga Yesusi Yerusalemɔ ago na te mɛri. Na gɔldangɛa doraa Tumu barara ga bo mɛra ko yɔk yɛbhɛ kamannaa Yesusi.

Zuga Kèkko 6:7 ပူးပေါင်းရင်းမြစ်များ

Matiyos 19:30

Na ngazukta bu mɛr ku sabbaye, yɔk ale a wuru. Na ngagiya bu mɛr ku wuruye ale a gee ku sabbaye.”

Yohanis 12:42

Na chɔɔ ko hunde kete nganga, yɔk gulsachina Ayhudhi ga bo mɛra dha bere yɛbhbhɛ Yesus na zugo ngayogɛsɛnɛo ke ngaya ɛngɛrsɛ zuga kɔbhbhɛa damiya Bhɛrɛsiye. Yɔk se kako ale obhonisɛɛ doraa madhinɛnɛa zuga Ayhudhi lɔga Tumu na chukkɛyɔ.

Zuga Kèkko 12:24

Na yɔk lɔga Tumu tɛhɛtɛy ko ba.

Zuga Kèkko 13:8

Nɔng dha bere deniya kènno Baryesus tuga Giriki sara gɛnyɛ keli Elmas. Na Elmas a bhɛa kènɛa “Deni.” Na nɔng taganyɛ Barnabas ko Saol lɔgɔ na gulsa lɔga Tumu ngayɛbhi.

Zuga Kèkko 14:22

na kiriyi zuga bɔɔ yɛbhbhɛa Yesus na kete dhandali. Na madhtɛsɛ lɔgɔ na seyɛsɛ, “Hunde kèe kago bhɛa Tumu na kɔtɔlɔmiy ꞉nɛaye, maya kinyim chɔlla goore.”

Zuga Kèkko 19:20

Na nɔng Tumu dhɔlɛsɛ zugo barartina nɛnɛ na lɔga gɛnyɛ tɛhɛtɛy ko ba na yɛbhɛ ꞉zukte mɛri.

Zuga Kèkko 2:47

na eterrisanɛ Tumu. Na tɛhɛnɛ ꞉zugu kumulɔng. Na kali kali Tumu ibbaysiu zugo lɔga gɛ gɛrsa na lamma na tɔrɔ yɔk.

Zuga Kèkko 21:20

Na hunaa shikkɛa ngalɔktaye, eterrisana Tumu. Na koo seyɛsɛ Bhaulos, “Gochongnge, ga gɔnydɔ. Zuga Ayhudhi ngani yɛbhbhanɛa Tumu dha bɔɔ te shiinyaa bo mɛra. Na yɔk kumulɔng a zuga bhɛkkɛa Damiya Tumu bere kàjjɛa Muse shɛɛ na hinnɛa goore.

Zuga Kèkko 6:1

Na ngabɛrguonu zuga yɛbhbhɛa Yesus ago na te mɛri. Na kali kona zuga Ayhudhi gayɛa tuga Giriki mɛzzɛɛsɛ zuga Ayhudhi bhakkɛa Yudha girɔngichinne na seyɛsɛ, “Tii hunde ɛano tɛrroa Ayhudhi ku bhoyoga liwayeye, ga gayɛa tuga Giriki dhɛɛ gunynyo kɛ ɔng?”

2 Tɛsɛlongke 1:8

Na ngakaldonu Komoruya na Yesus ale atti zukte marrɛ kamannaa nɛnɛ challa na imaggɛ Tumuye.

2 Timotiyos 2:9

na kɔ̀chɔllayɛany na kìchibbɛany gɔrgɔriyaye huna hira kɛddɛi lɔgɔye. Na yɔk lɔga Tumu, bhee kìchibɛ gɔrgɔriyaye ninggɛ.

Yihudha 1:20

Na mɛa ngazukta gany kibhbhagung hiniye, igge nɔng annaa bere yɛbhto lɔga Tumu kullɛna jorronɛa lɔgɔ kumulɔng. Na mɛa mɛtta nganga dirr na iriytɛ ngalɔkta Tumu ngani yɛbhbhoye na alliyɛ ko Tumu damiya madhdhagɛungu :Kuloya Nɛnɛ.

Yihudha 1:3

Ngazukta gany kibhbhagung hiniye, anye bɔɔ hini ujjono goore na keni kɔ̀gɔdhagung ngalɔkta kɔ̀lɔ :aggeu bere ibbaysiyɛiy :Tumuye. Na hunde ko kɛ̀sɛdh nganga, anye sabba bhɔdhɛ na kɛsɛdhdha lɔga keni kɔ̀gɔdhagɛung lɔga maya mɛdhdhanɛo, na yɛbhɛo lɔga ku dhere bere ibhbhana :Tumu kalde dhɔnɛ wub na ajjiy agge zuga gɛnyɛ ridhing ngakɔlɔmao.