Zuga Kèkko 6:5 - Suri Latin

⁵ Na hunaa zugo shikkɛa ngalɔktaye, hinisiya gɛ te hɔli. Na bɛrta hira yɛbhbha Tumu goore bere kɔsɛna ꞉Kuloya Tumu kèe Istibhanos. Na koo tɔrtɛ Bhilibhos ko Birokɔrɔ ko Nikarona ko Timona ko Barmena ko hira bhora anaa bere yɛbhbha kera Muse na wurtɔ yɛbhbha lɔga Yesusi kùhudhukkono Ansokiyagiye kènno Nikolas.

Zuga Kèkko 6:5 ပူးပေါင်းရင်းမြစ်များ

Lɔgɔ Sabba 41:37

Na komoruya Gibsi ko gulsachinaa gɛnyɛ tɛhɛnɛ lɔga yokkono :Yosebi.

Matiyos 23:15

“Ngazukta tabhbho zugo nigite bu madhdho zugo Damiya Tumu bere kàjjɛa Museye, ko ngagiya kɔbhbho damiya Bhɛrɛsiye, ale ruyɛo rɛhiya gu. Igge woyɛo ba kumulɔng ko yirsɛna na lameo hira senno bhɔdhɔ na kɔɔbh lɔga yɛbhbho :iggeu. Na hunde jɔyao na madhto na yɛbhungɔye, nɔng kalda a eriya jorronungu bhɛa kàttiyɛungu igge goa iho dhul jagarɛ kɛngi ramman.

Zuga Kèkko 11:19

Na kala bere kùjjɛa ꞉Istibhanos na rɛsɛa, zuga yɛbhbhɛa Yesus dha bere kɔ̀gɔrrana na hangnɛ na bhassanɛ na gena hɛ Bhinkegiye ko Kobhorosɔ ko Ansokiyagiye. Na hunde hɛye, dha bere madhɛsɛnɛ kamannaa Yesusi zuga Ayhudhi sɔng.

Zuga Kèkko 11:20

Na bhɛa zuga honynyo Kobhorosɔ ko Kerenagiye gena yɔk ago Ansokiyagiye na madhtɛsɛ chɔɔ zuga Giriki kamannaa Komoru Yesusi.

Zuga Kèkko 11:22

Na zuga yɛbhbhɛa Yesus ɛlla Yerusalemɔ hunaa shikkɛa ngalɔktaye, ege Barnabas Ansokiyagiye.

Zuga Kèkko 11:24

Nɔng a hira challa bere kɔsɛna ꞉Kuloya Tumu na yɛbhbha Komoru goore. Na koo madhu zugo na ga bo mɛra yɛbhɛ na hoya gɔra Komoruyny.

Zuga Kèkko 11:26

Na hunaa jɔanaye, dhigana chɔɔ Ansokiya. Na oyo dhɔnɛ kumulɔng yɔk ko zuga yɛbhbhɛa Yesus ɛlla ngonu muktɛ na madhtɛsɛ zuga bo mɛra kamannaa Yesusi. Na zuga yɛbhbhɛa Yesus ɛlla Ansokiyagiye a zuga sabbune bere kɔ̀gɔdhdhɛsɛna sara kèe “Kirisiyan.”

Zuga Kèkko 11:27

Na ngakaldonu zuga yogɛsɛnɛa zugo lɔga dhugunono ꞉Tumu gena banda Yerusalemɔ na ago Ansokiyagiye.

Zuga Kèkko 13:1

Dha bere bhɛa zuga yɛbhbhɛa Yesus ɛlla Ansokiyagiye lɔ zukte yogɛsɛnɛ zugo lɔga dhugunono ꞉Tumu ko ga madhinɛna. Na yɔk a Barnabas ko Simona kèe Kɔrrɔ ko Lukiyosa bere bhakka Kerena ko Saol ko lukuriya komoru Herediosi kèe Minan.

Zuga Kèkko 15:22

Na yɔk zuga ekko ꞉Yesusi ko zuga bibiyo lɔmmɛa zuga yɛbhbhɛa Yesus, muktiyaa ko zuga yɛbhbhɛa Yesus ɛlla Yerusalemɔ kumulɔng na ɛsɛdhɛ lɔgɔ na kɛbɛrta zug gen bhɛa nɛ na kidhi ko Bhaulos ko Barnabas Ansokiyagiye. Na bɛrta hira kènno Yihudha Barsabba ko hira kènno Silasi. Yɔk a zuga allinɛnɛa zuga yɛbhbhɛa Yesus.

Zuga Kèkko 2:4

Na yɔk ɔgɛsɛ ꞉Kuloya Tumu kumulɔng. Na aynɛ yɔk bhɛa mɛzziyɛa tugiya imaggɛa na mɛzzi bhiy bhiy.

Zuga Kèkko 21:8

Na bhorroyɔ kabandao na kayto Kesariyagiye. Na kɔgɔnydo hira kèe Bhilibhos madhɛsɛna zugo kamannaa challa na kɛtɛldo doraa nɛnɛ. Yɔk bhɛa zuga bere kɛ̀bɛrrana Yerusalemɔ ku issabbay na kènno kɛya zuga ekko ꞉Yesusi, nɔng dha bere kona a Bhilibhos.

Zuga Kèkko 22:20

Chɔɔ kala bere kɔ̀gɔdhdhɛa hira rɛsɛa lɔga gunyu kèe Istibhanos, anye bere kichili ngonu na kishiginɛno ko zuga kɔnnɛna na ruminyaa gɛ kibhɛsɛni ꞉anyo.

Zuga Kèkko 6:10

Na yɔk bhɛa senno kɔyayɛy nɔng bhɛa ngakuloyta mɛzziɛye, ngani ngaɔanɛo. Nɔng ga bho goore na lɔga madhɛsɛna zugo ajjɛ ꞉Kuloya Tumu.

Zuga Kèkko 6:3

Na mɛa gochonginyaye, ga bɛrta zuga kàggaa bere kɔsɛna ꞉Kuloya Tumu na ɛsɛdhdhɛa lɔgɔ shɛɛ bhɛa nu gee ku issabbay. Na kayɛo gulsamo bhɛa ngalɔkta kɛ̀anɛ tɛrro amissɛɔye.

Zuga Kèkko 6:8

Na Istibhanos nɔng a hira chirbhiseo ꞉Tumu goore. Na aynɛ ɔnney na mesu lɔga bo dhandala barara kìwacheo bhɛa zugony.

Zuga Kèkko 7:1

Na gɔldanga bo doraa Tumu barara ghinu Istibhanos na sɛɛsɛ, “Ngangaye ngalɔkta yokkɛ ꞉zuguye a dhere?”