Zuga Kèkko 6:11 - Suri Latin

¹¹ Na yɔk kɔnkɔnɔ ꞉zug gena dari na kɛmɛzzi butomo na kese, “Ngahirra huna bere dhɔma Tumu ko Muse, bere kishikto.”

Zuga Kèkko 6:11 ပူးပေါင်းရင်းမြစ်များ

Yohanis 1:17

Nɔng Damiya Tumu annaa bere kàjjɛa Muse na koo ajjiy agge. Na yɔk lɔga Tumu ku dhere ko bhɛa ɛdhdhɛttannɛiy :nɛa annaa dhɔlagiyɔ :Yesus Kirisosi.

Yohanis 16:3

Nɔng bhee ale messɛungɛ ngangaye, a ngaya imaggɛanyɛ anye oo Baba nanuye.

Yohanis 9:29

Nɔng Tumu huna bere mɛzzinɛna ko Muse, kaggaoyɔ. Na nɔng ngahirra hunde kun oriye, agge kimaggoyɔ.”

Zuga Kèkko 15:21

Nɔng bɛrgunyaa kinginye Damiya Tumu bere kàjjɛa Muse annaa kàmadhɛsɛna ori kumulɔng na chɔɔ ko mɛa toye kotoyeono doriyoa madhinɛnɛa zuga Ayhudhi lɔga Tumu Kala Ayawsuny tii tii.”

Zuga Kèkko 18:6

Na yɔk tamara na dhɔmɔ nɔng. Na hunaa messɛa ngangaye, nɔng Bhaulos tibara ruma nɛnɛ na sɛɛsɛ, “Wa koyogogungngɔ na tamarto. Na ale hunde attiung ꞉Tumuye, any kattiyɛung lɔga sabbiya gu! Anye mɛa wa kuchurau sabba! Na anye kɔgɔdhdhanɛ mɛa, na kɔgɔ na koyogɛsɛn bhorinyaa anaa lɔga Yesusi!”

Zuga Kèkko 21:28

Na ara wuy na se, “Zuga Isirayeliye! Ɛyaiy! Hirre madh zugo ba kumulɔng na zuga ga ko damiya na ko ngabaya se katamara ꞉zuguye, a ngahirra. Aynde dhigannana chɔɔ zuga Giriki ngadoriya barar Tumuye na tiranynyɛ na kete gɛrsiye.”

Zuga Kèkko 25:3

Na tɔllɔsɛsɛ Bhito goore na kɔtɔr yɔk na kitton Bhaulos Yerusalemɔ. Yɔk dha se kutunggɛsɛ gɔrɔ na kinditɔ.

Zuga Kèkko 25:7

Na hunaa kunnoye, likta ꞉zuga Ayhudhi honynyo Yerusalemɔ na childɛ lɔga bo dhandala chɔɔ zuga orrɛa kawarre ningginɛna.

Zuga Kèkko 26:11

Na taa kalamii yɔk doriyoa madhinɛnɛa zuga Ayhudhi lɔga Tumu na kattii goore na kadhɛsɛni lɔgɔ na kɔdhɔmɔ Yesus. Na bere kamargii goore na kɔɔbhi chɔɔ ori genne na kɔgɔrraniyɔ.

Zuga Kèkko 6:10

Na yɔk bhɛa senno kɔyayɛy nɔng bhɛa ngakuloyta mɛzziɛye, ngani ngaɔanɛo. Nɔng ga bho goore na lɔga madhɛsɛna zugo ajjɛ ꞉Kuloya Tumu.

Zuga Kèkko 6:12

Na yɔk huy zuga Ayhudhi bibiyo ko ga madhdhɛa zugo Damiya Tumu bere kàjjɛa Muse ko gena kumulɔng. Na dɛbɛ na ago na ibhigi Istibhanos na dhiganda chɔɔ bhɛa kedhdhɛa ꞉zugu lɔgɔ.

Zuga Kèkko 6:13

Na koo dhiganda zuga ku butoga sɛgɛn na yɔk se, “Ngahirra taa dhɔma ngadoriya barar Tumuye ko Damiya Tumu tii na ngadhɔtao.

1 Timotiyos 1:13

Nɔng anye bere kingi kani na kɔdhɔmi nɔng, na kahangi zuga yɛbhbhɛa nɔng, na kobhorii ba. Na chɔɔ ko hunde anye kète nganda kemesi ngangaye, nɔng bere chirbhiseonyɔ ke ngaya bere kimagɛ lɔga kemesi :anyo na nɔng ngani kɛ̀yɛbhɛoye.