Zuga Kèkko 5:31 - Suri Latin

³¹ Na ibhbhana na ojjo siyɔ sɛtɛna nɛnɛ na ajjɛa diram. Na ojjo ke Komoruya na bo ibbayseiy. Na kamadh zuga Isirayeli na kujjugu lɔga gɛ gɛrsa na kawakta gɔra Tumu.

Zuga Kèkko 5:31 ပူးပေါင်းရင်းမြစ်များ

Matiyos 1:21

Na ale hudhukkono ke may na inye kɔdhdhɛsɛn sarre kèe Yesus ke ngaya ale ibbaysɛɛ zuga gɛnyɛ bhɛa lɔga gɛ gɛrsaye.”

Matiyos 28:18

Na nɔng ko gɔrre nɛye, na sɛɛsɛ, “Buyna kɔlɔmɛi zugo ko aha kumulɔng, tumɔ ko bay bere kàyanyɔ anye.

Markos 2:10

Yee, mɛa ga kɔ̀dhɔlagung bhɛa lɔmɛa :Hiri Hoynɛ buyna ujjugɛa lɔga gɛrsa bay ngaya na tagatɔ ni go!” Na sɛɛsɛ hiraa chudhinɛna,

Markos 4:12

na ‘hunde orrɛ lɔga kemesi :anyoye, ngaungusɛɛnɛ, na hunde shikkɛ lɔga ganyu na ungusɛsɛnɛ hinisiyeye, hologun ngagaɛ. Na yɔk hunde nganga ngamessɛ na kutunggɛsɛ lɔga ganyu na kataga hologun, anda wokkonɛ gɔra Tumu na lɔga gɛ gɛrsa kùjjuk na kèsenɛsɛn, “Any kagarayɛ.”’

Yohanis 4:42

Na yɔk seyɛsɛ tɛriyaa gina, “Mɛa agge ke bhɛa bare dhugunnogɛinyi lɔga gunyu sɔng, ngahirra ngakɛyɛbhbhoo. Agge wa kishiktao nyabha hunde nɔng dhaa a Hira Ibbayseo zuga bhakkɛa ba kumulɔngge na katakto dhere.”

Zuga Kèkko 11:18

Na zugo hunaa shikkɛa ngalɔktaye, rɛgɛ ꞉lɔkku. Na eterrisana Tumu na se, “Na mɛa kèe Tumu wa aynɛa zuga bhora anaa bhɛa ujjugɛa lɔga gɛ gɛrsa na kawakta gɔra nɛnɛ na kɔjɔya basseya iho dhul.”

Zuga Kèkko 13:23

“Na Tumu ibha Yesus bhɛa ashaa Dawiy na kete hira ibbayseo zugo na aynɛ zuga Isirayeli damiya bere bhiigɛsɛna lɔgɔ sabbɔ.

Zuga Kèkko 2:33

Na nɔng annaa kàytɛa tumɔ na tɛwa bhɛa Tumu sɛtɛn. Na aynɛ ꞉Tumu Kuloya Nɛnɛ damiya bere bhiigɛsɛna lɔgɔ na ko nɔng Yesus ayiy agge. Na ngalɔktonu a ngagiya shikkano nyabha na orrono kawarreye.

Zuga Kèkko 2:36

“Na mɛa zuga Isirayeli kumulɔng taga shɛɛ! Ngahirra bɔɔ ilakko ꞉iggeu kèe Yesuse, annaa bere bɛrrana ꞉Tumu na kete Komoruya nu.”

Zuga Kèkko 2:38

Na sɛɛsɛ ꞉Betirosi, “Ujjugu lɔga gu gɛrsa na churtɛ sara Yesusi kumulɔng. Na ko nɔng Tumu kujjuk lɔga gu gɛrsa na kaung Kuloya Nɛnɛ.

Zuga Kèkko 3:15

Na ibhtao hira ajjiy bassey na indo. Na Tumu nɔng dhɔnga rɛsɛyɔ. Nɔng agge kanno zuga bɔɔ korrono ngalɔkta kawarre.

Zuga Kèkko 3:19

Na mɛa ujjugu lɔga gu gɛrsa na wakta gɔra Tumu na ko nɔng Tumu kujjuk lɔga gu gɛrsa na kagara dhul. Na Tumu ale ittonnogung Komoruya bere kɛ̀bɛrragungu igge sabbɔ kènno Yesus na kilalung hinisi na ke ga bo challa.

Zuga Kèkko 3:26

Na Tumu huna bere ibhbhana hoynɛ sabbɔ na ekkono, bere ittonnogungu igge na kutuhɛung ke ngaya lamanɛung bhɛa lɔga gu gɛrsa na wokkonɛo gɔra nɛnɛye.”

Zuga Kèkko 4:11

Yesus nɔng a hira hɛtta ko “ ‘bɛa marro ꞉iggeu zuga kɔdhdho doriyo na ujjukko. Na mɛa lɔgɔ bhɔttɛ na nɔng tɛhɛyɛ ko bɛa kègenggishionɛa dori sabbɔ.’

Tito 1:4

Na ngadadabta kɔgɔdhdhaginy inye, Tito, hira hɛtto ko eriya nanu ku dhere bere yɛbhi kamannaa Yesusi hunde nayoye. Any kichirbhisieny :Babaa na Tumu ko :Hira Ibbayseiy agge Yesus Kirisosi na kainy zany na bhak ba shɛɛ.

Tito 2:10

Na ahaa gulsachina gɛ ngaogorrɛ na kete ga ibhɛsɛnɛa :gulsachina gɛ hinisi. Na hunde messɛ ngangaye, zugo ale orrɛ lɔga messɛa :yɔkku kumulɔng na hinnɛ lɔga Komoruya na Tumu bere ibbayseiy agge.

Tito 2:13

Na ko bhee ale wokkonɛ :Komoruya na bo tuhinɛna lɔmma diram bere ibbayseiy kènno Yesus Kirisos, agge maya kɛ̀l kɔk na kère nɔng.

2 Betiros 1:1

Ngadadabta kɔgɔdhan :anyo Simon Betirosi, hira kagayi Yesus Kirisos, bere bɛrrananyi :nɛa na ekonyi. Na kɔgɔdhdhagung igge, ngazukta bɔɔ ngani yɛbhbhano Yesus Kirisos damiya bere nayoye. Nɔng Yesus Kirisos Komoruya na Ibbayseiy agge, anna ridhing ningginɛna. Na aynde bere ajjɛiy bhɛa kɛ̀yɛbhɛa nɔngge.

2 Betiros 1:11

Na chɔɔ ale kàlammanung shɛɛ na kìgommogung bhɛa hɛyɛo gɔra Komoruya Na Yesus Kirisosi Ibbayseiy agge, lɔmɛa zugo dhul ko kingi na chɔɔ hirre kanyɛungu ninggɛ dhul.

2 Betiros 2:20

Yɔk ngazukta, a zuga bere takta Komoruya na Yesus Kirisos Ibbayseiy agge, na jarta lɔga gɛrsa messɛa :zugu bay ngaya. Na yɔk mɛa hunde a ngagiya wa waktɛsɛa lɔga gɛrsa sɛgɛn na messaye, kalda lɔga kàttiyɛa yɔk dhandal na jorronɛ lɔga gɛ bere sabbune, anda kàttiyɛa bɛrgua bere Tumu ngani kɛyɛbhtɛayo.

2 Betiros 3:18

Na igge mɛdhta na iriytɛ lɔga bere ɛdhɛttanɛiy :Komoruya na Ibbayseiy agge Yesus Kirisosi, ko lɔga gayɛo nɔng. Na mɛa diram any kete na nɛnɛ, na kɔtɔlɔ dhul ko kingi, Amen.

1 Yohanis 4:14

Na chɔɔ nɔng huna bere ibhbhana Eriya Nɛnɛ na ittonnono ba na kibbaysi zugo kumulɔng, agge bere kàrto kawarre na aynde kɔɔbhɛsɛno zugo ngalɔktaye.