Zuga Kèkko 5:21 - Suri Latin

²¹ Na yɔk bhelleyɔ ago doraa Tumu barara tu kɛngɔ na madhtɛsɛ zugo lɔgɔ damiya bare kòyogɛsɛna. Na gɔldanga bo doraa Tumu barara ko bɛkanyaa gɛnyɛ hunaa honyoye, eli zuga Ayhudhi kedhdhɛa lɔgɔ ko zuga Ayhudhi bibiyo kumulɔng. Na ko yɔk ege zuga doraa chibinuny na kidhiganda zuga ekko ꞉Yesusi.

Zuga Kèkko 5:21 ပူးပေါင်းရင်းမြစ်များ

Matiyos 5:22

Na nɔng anye kesennagung, chɔɔ inde dɛmnyɛsɛn hiriye, ale kìghin na kàttiyɔ. Na inde dhɔm na senɛsɛn, ‘Sabba dhittinɛye’, ale kòjjɛsɛn lɔgɔ bhɛa zuga bibiyo kedhdhɛa lɔgɔ na kàttiyɔ. Na nɔng inde dhɔm na senɛsɛn, ‘Dalleye,’ ale kàtti goa ngadhiynɛnao dhul.

Yohanis 18:35

Na Bhilatos yagɛsɛ na sɛɛsɛ, “Nɔng anye hira Ayhudhi ngakaniyo. Na yɔk gee wa ibhbhaninyɛ na honyɛinyɛ bhɛa nanuye a zuga gunyu Ayhudhi ko gɔldangɛa gu bibiyo doraa Tumu barara. Na bɔɔ ɛddɛi ɔng?”

Yohanis 8:2

Na bhorroyɔ shaw waga na ogu doraa Tumu barara tu kɛngɔ. Na zugo kumulɔng muktiyaa na assa nɔng. Na nɔng tɛa bay na kamadhtɔ.

Zuga Kèkko 22:15

Na mɛa ngaya dhɔllagɛiny ngalɔkta wa ori na shigiye, kèe te hira orroni lɔga gɛnyɛ kawarre na yogɛsɛ zugo kumulɔng.

Zuga Kèkko 22:5

Na zuga bere orrɛa ngalɔkta kemesi ꞉anyoye kawarre, a gɔldanga bo doraa Tumu barara ko zuga Ayhudhi nyagasa kedhdhɛa lɔgɔ kumulɔng. Na chɔɔ dadaba bere kɔ̀gɔdhdhɛsɛna gochonginyaa bhakkɛa Dɛmasko na kàmagɛ zuga yɛbhbhɛa Yesus ɛlla ngonu na kɛ̀chɛbɛ na kɔ̀gɛ Yerusalemɔ na kàttiyɛ bere ajjanyɛa ꞉yɔkku.

Zuga Kèkko 5:17

Na gɔldanga bo doraa Tumu barara ko bɛkanyaa gɛnyɛ ku Sodhokka chirkana lɔga messɛa ꞉zuga ekko ꞉Yesusi.

Zuga Kèkko 5:27

Na dhiganda chɔɔ bhɛa kedhdhɛa ꞉zugu lɔgɔ na kighin ꞉gɔldanga bo doraa Tumu barara. Na koo sɛɛsɛ ꞉gɔldangɔ,

Zuga Kèkko 5:34

Na nɔng hira kɔbhbha damiya Bhɛrɛsi ɛngɛrsɛa ꞉zugu kumulɔng ku Bhɛrɛsi madhdha zugo Damiya Tumu bere kàjjɛa Muse kèe Gɛmaliya bana na aynɛ zugo lɔgɔ na kobhonisi zuga ekko ꞉Yesusi na kɛtɛlda bhɔ bhee chinyi.

Zuga Kèkko 5:41

Na zuga ekko ꞉Yesusi bhonda bhɛa kedhdhɛa ꞉zugu lɔgɔ ke ga bo hinisi hɔla ke ngaya Tumu ajjɛ yɔk bhɛa chɔllanɛnɛa sara Yesusiye.