Zuga Kèkko 4:36 - Suri Latin

³⁶ Nɔng dha bere lɔ hirre bhak Kobhoros kèe Yoseb. Na gettoa nɛnɛ bhɛa zuga Isirayeli a Lewi. Na yɔk zuga ekko ꞉Yesusi tɔgɔndɛsɛ sarre ke Barnabas. “Barnabas” a bhɛa kènɛa “Hira Irisho Zugo.”

Zuga Kèkko 4:36 ပူးပေါင်းရင်းမြစ်များ

Markos 3:17

Na gena a erroa Zɛbɛdosi kèe Yaykob ko gɔynɛa kèe Yohanis. Nɔng Yesus dha bere kɔdhdhɛsɛn yɔk sarre kèe Bhornages. Na “Bhornages” a bhɛa kènɛa, “Erroa hɛtta ko tumua ujjo na bhadhdha.”

Zuga Kèkko 11:30

Na ibhta ahaa mukkanɛa na ayɛ Barnabas ko Saol na kayɛsɛ zuga bibiyo lɔmmɛa zuga yɛbhbhɛa Yesus ɛlla Yudhagiye.

Zuga Kèkko 12:25

Na Barnabas ko Saol hunaa ayɛa zugo ahaa ginani na tewa ushaye, banda Yerusalemɔ na dhiya ko Yohanisa kènno Markos kari na waga Ansokiyagiye.

Zuga Kèkko 13:1

Dha bere bhɛa zuga yɛbhbhɛa Yesus ɛlla Ansokiyagiye lɔ zukte yogɛsɛnɛ zugo lɔga dhugunono ꞉Tumu ko ga madhinɛna. Na yɔk a Barnabas ko Simona kèe Kɔrrɔ ko Lukiyosa bere bhakka Kerena ko Saol ko lukuriya komoru Herediosi kèe Minan.

Zuga Kèkko 13:15

Na hunaa zugo toyiya Damiya Tumu bere kàjjɛa Muse ko lɔga zuga bere yogɛsɛnɛa zugo lɔga dhugunono ꞉Tumu bere kɔdhdhɛsɛnɛa dadabinya na tewa ushaye, gulsachina ngadoronu madhinɛnɛye ghini Bhaulos ko Barnabas na seyɛsɛ, “Gochonginyaye, hunde kesea lɔmmo lɔkte senno madhtɛsɛ zugo na iriytɛye, hoya na madhtɛsɛ.”

Zuga Kèkko 13:2

Na kali kona yɔk hunaa ngani eterrisannɛa Komoru na chibbɛa rɛhi hozzoye, yogɛsɛ ꞉Kuloya Tumu lɔgɔ na sɛɛsɛ, “Ibhtaganyu Barnabas ko Saol na kemesigi zinggoa bɔɔ kelisɛni na kaynɛ.”

Zuga Kèkko 13:4

Na Barnabas ko Saol yɔk egu ꞉Kuloya Tumu na ago chɔɔ Selekiya. Na Selekiyagiye ngonu banda na ago gonggulɔ chɔɔ Kobhoros.

Zuga Kèkko 15:12

Na zugo kumulɔng dhittɛ rib, na chirara Barnabas ko Bhaulos hunde yokkonɛ lɔga bu barara iwachiyɛa ꞉zugu bɔɔ mesɛsɛna ꞉Tumu bhɛa bhorinyaa anaaye.

Zuga Kèkko 15:2

Na Bhaulos ko Barnabas hunaa shikkɛa ngalɔktaye, ɛkkɛnyandɛ ko yɔk na ojjigi lɔgɔ. Na hunaa oyta lɔgɔ na tewa ushaye, koo zugo bɛrta Bhaulos ko Barnabas ko zuga ngaɔrronu yɛbhbhɛa kamannaa challa gen na kege Yerusalemɔ na kɛlɛhɛnɛ ngalɔkta ko zuga bere ekko ꞉Yesusi ko zuga bibiyo lɔmmɛa zuga yɛbhbhɛa Yesus,.

Zuga Kèkko 15:37

Na Barnabas tɛhɛnu Markosa kènno Yohanis na kidhi ko yɔk kari.

Zuga Kèkko 15:39

Na Barnabas ko Bhaulos ɛkkɛnyandɛy ngalɔkta kɛngɔ goore na kendɛ. Na nɔng Barnabas ibha Markos na ago gonggulɔ Kobhorosɔ.

Zuga Kèkko 21:16

Na zuga Kesariya yɛbhbhɛa Yesus gen kidhiyao kari na dhigandiy doraa Minasoni. Nɔng bhɛa zuga Kobhorosi bere yɛbhbhanɛa Yesus sabbɔ dha bere kona a Minason.

Zuga Kèkko 21:3

Na hunaa kadharɛsɛno Kobhorose, kɔdhɔtto siyɔ kangitɛn na kadhayo siyɔ sɛtɛn chɔɔ Soriya. Nɔng dha bere gonggula nayo se kujjuga aha Tirosɔ. Na ko agge kobhondao ngonu.

Zuga Kèkko 27:4

Na kabandao ngonu. Na lammiy ꞉ngɔ sabbɔ na kɛɛnggao baa lukkɛa ꞉ma kèe Kobhoros dhey gɔra yaluny na kayto.

Zuga Kèkko 9:27

Na nɔng Barnabas ko na dhiganu chɔɔ bhɛa zuga ekko ꞉Yesusi. Na kɔbhɛsɛ ngalɔkta bare Saoliye hunde dha bare itinynyannɛ ko Komoru gɔrɔ na or na mɛzzɛɛ kari ɛnɛngge. Na kɔbhɛsɛ ko lɔga bare madhɛa zugo sara Yesusi Dɛmaskogiye dib.