Zuga Kèkko 3:17 - Suri Latin

¹⁷ “Gochonginyaa ganyuye, igge ko gulsachina gu annaa bɔɔ ɛddɛano lɔgɔ na nisso Yesus. Na ngalɔktonu yɔk hunde a lɔga imaggo na ɛddɛanoye, anye kaggayɔ.

Zuga Kèkko 3:17 ပူးပေါင်းရင်းမြစ်များ

Lɔgɔ Sabba 21:26

Na nɔng Abemelik seu, “Ka ngalɔkta hunde bɔɔ me ꞉noyye, anye kimagiyɔ. Chɔɔ inye sabbɔ ngani yogogonyo na ngalɔkta a ngagiya ngani kishigi mɛa chiye.”

Lɔgɔ Sabba 39:8

Na nɔng Yoseb tamaru na sɛɛsɛ, “Anye kamari! Gulsaa nanu annaa bere yɛbhbhanyi anye na dhɔttaganyi aha kumulɔng na kɛ̀bhɛk shɛɛ. Ahite ngani kamadhaganyo ninggɛ.

Lɔgɔ Sabba 44:15

Na ghinu :Yosebi na sɛɛsɛ, “Ngalɔkta bare messo kɛ ɔng? Ngakaniyo hira barara kamaragi lɔgɔ? Na igge senno ale ngakɔjɔanno ka?”

Yohanis 15:21

Na bhee ale tiranynyɛungɛ ngangaye, a ngaya anɛo zuga kɔbhbhanyu anye na chɔɔ imagɛ hira bere ekkononyiye.

Yohanis 16:3

Nɔng bhee ale messɛungɛ ngangaye, a ngaya imaggɛanyɛ anye oo Baba nanuye.

Yohanis 7:52

Na yɔk yaktɛsɛ na seyɛsɛ, “Ngangaye, inye ngaaniyo hira Gelila rɛ dha? Ga marak Lɔga Tumu shɛɛ na ko inye tak hunde Hira Yogɛsɛna Zugo Lɔga Dhugunono :Tumu Gelilagiye ale ngahudhukkinyaoye.”

Zuga Kèkko 13:27

Na zuga bhakkɛa Yerusalem ko gulsachina gɛ timaga Yesus hunde a hira ibbayseiyye. Na ujjukta na attiyo. Na huna ujjukkanɛa, bhugnyɛsɛ lɔga taa kòtoyeo Kala Ayawsuny bere yokkonɛa ꞉zuga yogɛsɛnɛa zugo lɔga dhugunono ꞉Tumu.

Zuga Kèkko 22:5

Na zuga bere orrɛa ngalɔkta kemesi ꞉anyoye kawarre, a gɔldanga bo doraa Tumu barara ko zuga Ayhudhi nyagasa kedhdhɛa lɔgɔ kumulɔng. Na chɔɔ dadaba bere kɔ̀gɔdhdhɛsɛna gochonginyaa bhakkɛa Dɛmasko na kàmagɛ zuga yɛbhbhɛa Yesus ɛlla ngonu na kɛ̀chɛbɛ na kɔ̀gɛ Yerusalemɔ na kàttiyɛ bere ajjanyɛa ꞉yɔkku.

Zuga Kèkko 26:9

“Chɔɔ anye sabbaa nanu rɛ bere kamari lɔga Yesusa Nazireti goore na killobi bhɛa kɔgɔrranɛi zuga yɛbhbhɛa nɔng kumulɔng.

Zuga Kèkko 28:21

Na yɔk zuga Ayhudhi bibiyo seyɛsɛ, “Agge dadabte kɔ̀gɔdhdhagɛiy lɔga gunyu na kittonnogiy Yudhagiye ninggɛ. Chɔɔ zukte hony ngonu na yokkogiyɛ lɔkte gunyu gɛrsi ninggɛ.

Zuga Kèkko 7:40

Na seyɛsɛ Aron, ‘Agge ngahirra bere obhoniseoniy Gibsigiye kèe Museye ka wa ussu ꞉ɔnɔng, inggarɛni. Na inye mɛa ga tegenyogiy galde barar dhiganiyɛ sabbɔ.’

1 Timotiyos 1:13

Nɔng anye bere kingi kani na kɔdhɔmi nɔng, na kahangi zuga yɛbhbhɛa nɔng, na kobhorii ba. Na chɔɔ ko hunde anye kète nganda kemesi ngangaye, nɔng bere chirbhiseonyɔ ke ngaya bere kimagɛ lɔga kemesi :anyo na nɔng ngani kɛ̀yɛbhɛoye.