Zuga Kèkko 3:15 - Suri Latin

¹⁵ Na ibhtao hira ajjiy bassey na indo. Na Tumu nɔng dhɔnga rɛsɛyɔ. Nɔng agge kanno zuga bɔɔ korrono ngalɔkta kawarre.

Zuga Kèkko 3:15 ပူးပေါင်းရင်းမြစ်များ

Yohanis 1:4

Na Lɔgɔ a ɛnaa basseyny dhɔnɛnɛ. Na basseya nɛnɛ a hɔldina zugony.

Yohanis 10:28

Na kajjɛ basseya iho dhul na ngagarsɛ. Na chɔɔ inde ale mayichchonony bhɛa ɛlɛa siya nanu, ninggɛ dhul.

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 17:2

ke ngaya bere ajjɛ buyna allinɛnɛa zugo kumulɔng na ko nɔng kibha basseya iho dhul na kaynɛ zuga bere ibhbhani :inyo na ajjɛi nɔng kumulɔngge.

Yohanis 4:10

Na nɔng Yesus yagɛsɛ na sɛɛsɛ, “Hunde tag lɔga ɛsɛdhdhana :Tumu na senno kaynɛ zugo hɔlɔng ko ngahirra mɛa ogolliny maye, anda chɔɔ ogoli :inyo na ajjiny maa basseyny.”

Yohanis 4:14

Na nɔng inde ma maye kajjɛ :anyoye, ale huny sɛgɛn ngani ngadhakko dhul. Chɔɔ maye kajjɛ nɔngge ale heo maa ku kawari na dhudhuttanɛ kɛnga nɛnɛ toye ke basseya iho dhul.”

Yohanis 5:26

Nɔng Baba Tumu, a ɛnaa basseyny. Na chɔɔ annaa bere ibhaa Eriya Nɛnɛ na ojja na tewa hira ku ɛnaa basseyny hunde nɛnde.

Zuga Kèkko 2:24

Na Tumu nɔng mɔgu ɔnneya rɛsɛuny na ibbaniseo Yesus rɛsɛyɔ. Na rɛsɛ bhɛa senno kɔmɔgɛ Yesus ngani ngaɔanao dhul.

Zuga Kèkko 2:32

Na Tumu nɔng bɔɔ ibbanisiyoa Yesus rɛsɛyɔ. Na agge kumulɔng kanno zuga bɔɔ korrono ngalɔkta kawarre.

Zuga Kèkko 4:2

Na dɛbɛ goore ke ngaya Betiros ko Yohanis madhdhɛ zugo bhɛa ale Tumu ibbaniseonɛa zugo rɛsɛyɔ damiya bɔɔ ibbaniseonɛa Yesuse.

Zuga Kèkko 5:31

Na ibhbhana na ojjo siyɔ sɛtɛna nɛnɛ na ajjɛa diram. Na ojjo ke Komoruya na bo ibbayseiy. Na kamadh zuga Isirayeli na kujjugu lɔga gɛ gɛrsa na kawakta gɔra Tumu.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.