Zuga Kèkko 3:13 - Suri Latin

¹³ Nɔng Komoruya kokonginyaa ga bere Awurahami ko Isaki ko Yaykobi Tumu nɔng dhɔngu hoynɛ Yesus. Na nɔng igge ibhtao na ayɛo Bhilatos na kertɔ. Na chɔɔ Bhilatos huna senno kɔga, igge kɛnggao na tamarto.

Zuga Kèkko 3:13 ပူးပေါင်းရင်းမြစ်များ

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Matiyos 20:19

Na hɛyɛ na ajjɛ zuga bhorinyaa anaa na kɔbhɔsɔrɔ na karaga na kilagatɔ. Na nɔng ale kòy na sani na unga ku sizzi bansana rɛsɛyɔ.”

Matiyos 22:32

Yɔk ngalɔktonu sennɛ, ‘Anye kani Tumu Komoruya Awurahami ko na Isaki ko na Yaykobi.’ Na nɔng a Komoruya zuga ɛlla basseyɔ. Komoruya zuga rɛssɛa ngayo.”

Matiyos 27:2

Na koo ibhta na chɛbɛ na ayɛsɛ Bhilatos, hira allinɛnɛa zuga ngabaonu.

Matiyos 28:18

Na nɔng ko gɔrre nɛye, na sɛɛsɛ, “Buyna kɔlɔmɛi zugo ko aha kumulɔng, tumɔ ko bay bere kàyanyɔ anye.

Markos 15:11

Na yɔk gɔldangɛa bibiyo doraa Tumu barara kɔnkɔnɔ zugo na kighini Bhilatos na ko bhee ɔgɛsɛn Yesus, kɔgɛsɛ Barban.

Yohanis 12:16

Yɔk zuga kɔbhbhɛa nɔng dha bere sabbɔ hunde ngalɔkta kɔ̀gɔdhdhɛsɛn dadabte agga Yesusi na chɔɔ zugo nganga mesɛsɛnɛ nɔngge, ngani kutunggɛsɛo. Na koo ungusɛɛnɛ na kadhdhanɛ halɛ hunaa aleo Yesus banaa rɛsɛyɔ na tɔlɔma dirambe.

Yohanis 18:40

Na yɔk yokto lɔgɔ goore na se, “Ay, ɔgagiy Barban! Nganda ngaɔkkani!” Nɔng Barban bere anna hira bhoreo ba.

Yohanis 19:11

Na nɔng Yesus yagɛsɛ na sɛɛsɛ, “Hunde Tumu buyna kènno alliyɛany anye ngaajjinyi, anda mɛa inye ngaallinɛnɛanyo. Na nɔng inde bɔɔ ibhbhanany anye na ajjinɛnɛany bhɛa nunuye, nɔng aynde jorroniny inye na me lɔga bo gɛrsa dhandalaye.”

Yohanis 19:12

Na Bhilatos hunaa shikko ngalɔktaye, tɛhɛnu bhɛa senno kɔgayɛy Yesus. Na yɔk gulsachina Ayhudhi bhololo dirr na yokto lɔgɔ goore na seyɛsɛ Bhilatos, “Hunde ɔkkan ngahirraye, inye dhaa dehunya komoruya Rome ngaaniyo. Nɔng hirre se, ‘Kani komoruye,’ ngangaye anna marnɛna ko komoruya Rome.”

Yohanis 19:15

Na yɔk yoktɛsɛ Bhilatos lɔgɔ goore na seyɛsɛ, “Ɔgɛ ilaga! Ɔgɛ ilaga! Ilaga so!” Na nɔng ghinu na sɛɛsɛ, “Komoruya nu kìlaga dha?” Na yɔk gɔldangɛa bibiyo doraa Tumu barara yaktɛsɛ na seyɛsɛ, “Agge komoruya nayo a komoruya Rome sɔng, Kona ninggɛ dhul.”

Yohanis 7:39

Nɔng Yesus dha bere hunde se ngangaye, dhugunɛsɛn zugo lɔga Kuloya Tumu, ale kàjjɛa zuga yɛbhbhɛa nɔng. Na dha bere ngakoleonu Tumu Kuloya nɛnɛ zugo ngani kaynɛo, ke ngaya kolea Tumu ajjɛa Yesus diram ngani keteyɛoye.

Zuga Kèkko 22:14

“Na seagany, ‘Inye wa bɛrayinyɔ ꞉Komoruya kokonginyaa ga na tak lɔga sennana ꞉nɛa na ar Hira Ridhing Ningginɛna na shik lɔga yokkono ꞉tuga nɛnɛ.

Zuga Kèkko 24:14

Nɔng lɔkte yokkɛ ꞉yɔkku ku dhereye a ngalɔkta keterrisanɛ Tumu Komoruya bere kokonginyaa gayo kinginye na kɔɔbhɛ lɔga Ganggua Yesusa Nazireti marrɛa ꞉yɔkku na sennɛa a kullɛye. Na nɔng anye kɛyɛbhi Damiya Tumu bere kàjjɛa Muse ko lɔga bere kɔdhdhɛsɛnɛa ꞉zuga yogɛsɛnɛa zugo lɔga dhugunono ꞉Tumu dadab kumulɔng.

Zuga Kèkko 3:12

Na hunaa Betiros orro zugoye, sɛɛsɛ, “Zuga Isirayeliye, gunyey na iwachinɛnɛo ɔng? Na gunyey churr huna zuga kemesso lɔga challa na kibbayseo ngahirra barartina nayo kɛ ɔng?

Zuga Kèkko 3:26

Na Tumu huna bere ibhbhana hoynɛ sabbɔ na ekkono, bere ittonnogungu igge na kutuhɛung ke ngaya lamanɛung bhɛa lɔga gu gɛrsa na wokkonɛo gɔra nɛnɛye.”

Zuga Kèkko 4:27

“Yɔk ngalɔkta a dhere. Anna bere Heredios ko Bhenti Bhilatos mukkinyana ko bhorinyaa anaa ko zuga Isirayeli ngaɔrra toye na bansɛsɛnɛa hira ridhing ningginɛna uhudhi ꞉inyo na kachinyi inye kènno Yesus.

Zuga Kèkko 4:30

Na dhɔla yira nunu na kibbaysi zuga ilagassɛa na keme lɔga bo barara kìwacheo sara hira kachinyi inye ridhing ningginɛna kènno Yesus.”

Zuga Kèkko 7:32

‘Anye kani Tumu, komoruya bere eterrisananyɛa ꞉kokonginyaa gunyu Awurahami ko Isaki ko Yaykobi.’ Na Muse dɛɛbu na bhariyu tik tik. Na kawarɛ tamartɛ na ngani ngagunyo.