Zuga Kèkko 28:8 - Suri Latin

⁸ Nɔng dha bere baba nɛnɛ ilaga na rɛ awuren goore na hɛrɛt na ungu bay. Na Bhaulos tunnugu dori na gɔnyu. Na ogolɛsɛ Tumu na tadhɛ siyɔ na bau.

Zuga Kèkko 28:8 ပူးပေါင်းရင်းမြစ်များ

Matiyos 10:1

Na Yesus eleo zuga kɔbhbhɛa nɔng ku 12 na aynɛ buyna obhoniseonɛa mɛnɛnga ko na ibbaysiyɛa zuga ilagassɛa mutanyoga bhiy bhiy kumulɔng.

Matiyos 10:8

Na gee ilagassɛye ibbaysitɔ, gee bere rɛssɛye dhɔnggayɔ. Na gee am :gedhdheye, ibbaysi na kɛtɛldi hurr. Na mɛnɛngge tɔgɛsɛnɛ zugoye, chugu na obhonisiyoyɔ. Ngabuynda kàjjung hɔlɔngge, ko igge ayɛ zugo hɔlɔng.

Matiyos 12:13

Na koo sɛɛsɛ hiraa siyɔ chudhinɛna, “Ga ɔdh siya nunu se!” Na hiri ɔdhu siyɔ na ɔdhɛ na bau na tɛhɛyɛ ko lallɛn.

Matiyos 9:18

Na Yesus hunaa ngani yogɛsɛna zugo ngalɔktaye, nɔng hirre ku gulsaa doraa madhinɛnɛa zuga Ayhudhi lɔga Tumu kona ko na tɔgɔdhɛsɛ nɔng kɔmma na sɛɛsɛ, “Sedhdheya nanu wa erra mɛarrɛ. Na wo na tadhɛ siyɔ na kabana.”

Markos 16:18

Na chɔɔ ko hunde kibhigi konna sɛnɛ oo kirgi zibunyaa rɛsɛny, ɛl hung. Na ale tadhɛ zuga ilagassɛa sɛnɔ na bassɛyɔ.

Markos 5:23

Na tɔllɔhɛsɛ goore na sɛɛsɛ, “Sedhdheya nanu chinynyo ilaga na a rɛsi. Na mɛa ga wo na tadhɛ siyɔ na ibbaysi na kaba.”

Markos 6:5

Nɔng Yesus bere tadhɛa zuga ilagassɛa gee muchugi sɛnɔ sɔng na ibbayseoyɔ. Yɔk lɔkte bu dhandal barar gena bhɛa senno kemesɛ ngonu bere ngaɔanao ke ngaya zugo nɔng ngayɛbhɛoye.

Markos 7:32

Na ngonu zug gena hoyɛy hirre bho ngashikko kadhdhakka ibhinɛ na shɛɛ ngamɛzziyo. Na ayɛsɛ nɔng, na tɔllɔsɛsɛ na katadhɛ siyɔ na kibbaysiyɔ.

Zuga Kèkko 28:7

Nɔng dha gulsaa ngabaonu lukkɛ ꞉maye keli Bholiyon. Na baa nɛnɛ bhakka i yirisiyɔ tugɔ jaa ngonu. Na lamaiy agge na abhanyisey ungo sizzi doraa nɛnɛ shɛɛ.

Zuga Kèkko 28:9

Na nɔng hunaa messo ngangaye, zuga ilagassɛa bhakkɛa ngabaonu kumulɔng hoya na kìbbaysiyo.

Zuga Kèkko 9:40

Na nɔng Betiros obhonisiu zugo kumulɔng bhɔ. Na tɔgɔdhu kɔmma na alliyɛ ko Tumu. Na gɔnyu hiraa rɛsa na eliu na sɛɛsɛ, “Tabitaye! Bana!” Na nɔng Ngatabita ɔda kawarɛ. Na hunaa orro Betirose, bana na liginu tunɔ.