Zuga Kèkko 28:14 - Suri Latin

¹⁴ Na kitinynyandɛo ko zuga yɛbhbhɛa kamannaa Yesusi ngonu na lambaiyɔ. Na ungo issabbay kɛtɛldo ko yɔk kari. Na hunaa kɛtɛldo ngonu na tewa ushaye, kayto Romegiye.

Zuga Kèkko 28:14 ပူးပေါင်းရင်းမြစ်များ

Lɔgɔ Sabba 7:4

Na ale ihi na hunde ungo a issabbayte, anye ale kughurton guyɔ na dhak ungo zugo ramman bar ko kali. Na ahaa bere keghendoni ɛlla bay lɔmmɛa bassey kumulɔng ale kuhukkan rang.”

Matiyos 10:11

Na hunde hɛo na dokko ɔrre bu oo chinyi konaye, igge lamiyo hirre kɛngɔ chal lammana zugoye, na tɛldi doraa nɛnɛ ko bhee dhɔyɛo ngaɔrronu na hɛyɛo.

Yohanis 21:23

Na zugo shigi ngalɔkta na bhɛa zuga yɛbhbhɛa Yesus tɔlɔ lɔkte sennɛ, “Ngahirronu kɔbh Yesus ibhɛsɛn :nɛa hiniye se ale ngani ngarɛsso dhul.” Nɔng Yesus nganga bere ngani kesɛɛsɛayo. Nɔng bere senɛsɛna, “Kesea kihinnon :anyo tɔllɔng na ga kɛtɛ basseyɔ ko bhee ale kowokkonɛ :anyo, na inye lɔga gɛnyɛ ghini na me ɛnɛng?”

Zuga Kèkko 1:15

Na kali kona zuga yɛbhbhɛa Yesus gee ku zugo illɛy muktɛ bhee dhɔnɛ. Na nɔng Betiros bana na chilu bhɛa nɛ sabbɔ na sɛɛsɛ,

Zuga Kèkko 19:1

Na huna Abholos iho Korontosɔ, nɔng Bhaulos tɔu oriya ɛlla Galatiyagiye ko Bhirgiyagiye na ogu Ebhesonɔ. Na koo ngonu itinynyandɛ ko zuga yɛbhbhɛa Yesus gen.

Zuga Kèkko 20:6

Na hunaa kolea Gibiriya Kàmmɛa Lottayi tewa ushaye, agge kabandao Bhilibhisɔ gonggulɔ na kɔtɔyo ungo hayna yirisiyɔ na kassao yɔk Torodhagiye. Na kɛtɛldo ungo issabbay ngonu.

Zuga Kèkko 21:4

Na kitinynyandɛo ko zuga yɛbhbhɛa Yesus na kɛtɛldo ko yɔk ungo issabbay. Na yogɛsɛ ꞉Kuloya Tumu lɔgɔ na yoktɛsɛ Bhaulos na Yerusalemɔ ngakɔ.

Zuga Kèkko 28:13

Na kabandao gonggulɔ sɛgɛn na kadakto ɔrre kèe Regim. Na bhorroyɔ ngɔyɔ bana gɔra Sirakuny na ɛbbɛgiy na tɔgiy na bhorre kadakto Butilos.

Zuga Kèkko 28:15

Na zuga Rome yɛbhbhɛa kamannaa Yesusi gen dha bere shikkɛ hunde kɛllo gɔrɔye, na mɔtaiy ɔrre kèe “Gawua Abiyosi” ko ɔrre kèe “Doriyoa Amissɛny Ku Sizzi.” Na hunaa Bhaulos orro yɔkte, tuhu Tumu na hini tɛa bay.

Zuga Kèkko 28:21

Na yɔk zuga Ayhudhi bibiyo seyɛsɛ, “Agge dadabte kɔ̀gɔdhdhagɛiy lɔga gunyu na kittonnogiy Yudhagiye ninggɛ. Chɔɔ zukte hony ngonu na yokkogiyɛ lɔkte gunyu gɛrsi ninggɛ.

Zuga Kèkko 6:3

Na mɛa gochonginyaye, ga bɛrta zuga kàggaa bere kɔsɛna ꞉Kuloya Tumu na ɛsɛdhdhɛa lɔgɔ shɛɛ bhɛa nu gee ku issabbay. Na kayɛo gulsamo bhɛa ngalɔkta kɛ̀anɛ tɛrro amissɛɔye.

Zuga Kèkko 9:30

Na hunaa zuga yɛbhbhɛa Yesus takta ngalɔktaye, dhigana chɔɔ Kesariya na ittono Tersesegiye.