Zuga Kèkko 27:24 - Suri Latin

²⁴ na seaganyɔ, ‘Bhaulose! Bho ngaɛngɛrsi! Maya ale chili bhɛa Komoruya Rome bo sabbɔ, na aynde Tumu chirbhisɛɛ ngazukta dheo kari na ale ibbaysɛɛye.’

Zuga Kèkko 27:24 ပူးပေါင်းရင်းမြစ်များ

Lɔgɔ Sabba 12:2

Ale kutuheny na ani bhorre bu na kɛbhɛlliny na ashaa gunyu a mɛri. Na toynɛn na zugo tuhinɛnɛinyɛ inye.

Lɔgɔ Sabba 15:1

Na hunaa ngalɔktonu tewa ushaye, Awuram kunau na sɛɛsɛ ꞉Tumu, “Awurame, bho ngaɛngɛrsi. Anye kani goshua nunu na kɛɛnginy lɔga gɛrsa kumulɔng na kutuheny goore.”

Lɔgɔ Sabba 19:29

Na nɔng Tumu hunaa dhitta ngaoreonu rangge, kadha lɔga bare tɔllɔhɛsɛna ꞉Awurahami na obhoniseo Lot ngalɔkta bu gɛrɛse toye.

Lɔgɔ Sabba 30:27

Na Lawa nɔng sɛɛsɛ, “Hunde gunyony ke hira challa na hini aniny hɔliye, ga ngakɔ. Wa kɛlɛhɛnna lɔgɔ dami konnɔ na katagga hunde tuhony :Tumu ke ngaya kɛlɛ ko inye kariye.

Lɔgɔ Sabba 39:23

Na dhɔyɛsɛ lɔga doraa chibinuny kumulɔng. Na lɔga doraa chibinuny ngani ngaɛsɛdhdho, ke ngaya Tumu ɛlɛ ko Yoseb kari na ɛanɛ lɔkke kumulɔngge.

Lɔgɔ Sabba 39:5

Na ahaa doraa nɛnɛ ko ga gu toyne kumulɔng koo tuhu :Tumu ke ngaya ajjɛ Yoseb gulsamoye.

Lɔgɔ Sabba 46:3

Na sɛɛsɛ :Tumu, “Anye kani Tumu, Komoruya babaa nunu. Na bhɛa seni zɛgɛ Gibsigiye bho ngaɛngɛrsi. Anye ale kɛbhɛli ashaa gunyu na a bhora bo kàggaa Gibsigiye.

Matiyos 10:18

Na ibhbhanungɛ na hɛyɛungɛ bhɛa zuga allinɛnɛa zugo ko bhɛa komortɛnuny ke ngaya yɛbhbhɛanyu anyeye na kɔbhɛsɛno yɔk ko zuga bhorinyaa anaa lɔga ganyu bere orrono kawarre.

Matiyos 10:28

Na igge ngatɛngɛrɛ ngagiya nissɛ zugo ayugɛna hung na basseyiya zugony ngaiggarisiyɛoye. Tɛngɛrɛ na ɔana bhɛa ibhbhanɛa ayugɛna zugony ko basseyi kari na iggariseo goa ngadhittinɛnao dhul.

Yohanis 11:9

Na nɔng yagɛsɛ na sɛɛsɛ, “Nɔng kali bhɛa bo dhɔng lɔ satinya tɔmmɔn ko ramman. Na mɛa hunde kɔtɔlɔ hirre wo kaliyɔ, bɛ ngaujjo ke ngaya bho bay ngaya anɛ kali na orɛ bhoye.

Zuga Kèkko 19:21

Na ngalɔkta kumulɔng hunaa tewa ushaye, nɔng Bhaulos hinisɔ ɛsɛdhu bhɛa senno kadhayɛ Mekedoniya ko Akaya na kɔgɛ Yerusalemɔ. Na seu, “Hunde kodogi ngonuye, maya kugunyi Rome.”

Zuga Kèkko 23:11

Na nɔng Bhaulos saniu ungo dhɔnɛ na naa senno keteyɛ ramman barɔ chilɛsɛ ꞉Komoruyɔ Tumu jaa na iriyu na sɛɛsɛ, “Te dhandali! Damiya bare yogɛsɛni zuga ɛlla Yerusalemɔ lɔga ganyu bere orroni kawarre, ale ngani yogɛsɛn zuga ɛlla Romegiye nganga sɛgɛn.”

Zuga Kèkko 25:11

Oo hunde dha bɔɔ kɛddɛwa lɔga kàttiyɛanyi rɛsɛyɔye, any kère. Na nɔng hunde kìchillɛany butomoye, inde ajjinɛnɛanyi ninggɛ. Yɔk lɔga ganyu any kishik ꞉komoruya Rome bo!”

Zuga Kèkko 27:31

Na nɔng Bhaulos aru na sɛɛsɛ gulsaa bholisuny bo ko bholisa gɛnyɛ, “Hunde zuga kulinɛna gonggulɔ toye ngaya ngaɛlloye, igge ngabasoo.”

Zuga Kèkko 27:37

Na dha bere zuga kɛllo gonggulɔ toye kumulɔng kanno 276.

Zuga Kèkko 27:42

Na bholi ɛsɛdhɛ lɔgɔ na kindi zuga kìchibbo. Se kona ngakarak zel na kajar.

Zuga Kèkko 27:44

Na gena kerre kɛna chalalinyana :gonggulɔ ko kɛna chabbala bere dha ɛlla gonggulɔ toye ngonu. Na damiyaa senɛa ꞉gulsaa bholisuny zugo kumulɔng erre tandɔ ke na bo challa shɛɛ hung.

Zuga Kèkko 9:15

Na nɔng Komoru sɛɛsɛ, “Ay! Ogo assa! Nɔng a hira bere kɛbɛrrani ꞉anyo na koyogɛsɛ bhorinyaa anaa ko komortɛna gɛ ko zuga Isirayeli sara ganyu.

Silimona 1:22

Na mɛa kesennagung ɛnɛnggeo, ga lameogonyu bhee ale kungusɛ na oytogonyu kɔk ke ngaya kɛyɛbhɛ bhɛa bere ogollogɛanyu Tumu hunde ale urruknyɛsɛn na ɔkkanany ngadoriya chibinunyde.

Yaykob 5:16

Na mɛa dhugundɛ lɔga gu gɛrsa kɛngɔ na ogolo Tumu na kibbaysiyɛunggɔ. Nɔng hira ridhing ningginɛna hunde allinɛ ko Tumuye, shik :Tumu na ajjɛ barartin na me lɔga bo dhandala.