Zuga Kèkko 27:1 - Suri Latin

¹ Na hunaa ɛlɛhɛnda lɔga senno kaytɛo Dhalɛnɔ gonggulɔ na tewa ushaye, Bhaulos ko zuga kìchibbo gena kayɛ hira kèe Yuliyos ku gulsaa bholisa kimsiya Komoruya Rome kènno Awsos.

Zuga Kèkko 27:1 ပူးပေါင်းရင်းမြစ်များ

Lɔgɔ Sabba 50:20

Nɔng igge annaa bere mesonyu gɛrrɛng gɛrrɛng chi. Na nɔng Tumu annaa bere bhɔdha ngalɔktonu na tewa challi na kabayɛ zuga bo mɛra.

Matiyos 27:54

Na gulsaa bholisuny ko zugaa bhɛkkɛa Yesus hunaa orrɛa ba hunde chukinɛye ko ngalɔkta wa ɛrrinyaye kumulɔngge, dɛɛbɛ na tɛngɛrɛ bho goore na se, “Kèe ngahirra dhaa a Eriya Tumu dhere chi!”

Zuga Kèkko 10:1

Dha bere Kesariyagiye lɔ hirre kèe Kornolios. Na a gulsaa bholisi allinɛnɛa bholisa kènno “Kimsiya Dhalɛni” gam kona.

Zuga Kèkko 10:22

Na yɔk seyɛsɛ, “Agge kohonynyo bhɛa hira ku gulsaa bholisuny kènno Kornolios. Nɔng a hira challa kachcha Tumu na dhɔngngɛa ꞉zuga Ayhudhi kumulɔng. Na bare hira ekkono ꞉Tumu kullɛna aynɛa nɔng lɔgɔ. Na eleny na ok doraa nɛnɛ na kishik lɔkte gunyde.”

Zuga Kèkko 16:10

Na hunaa Bhaulos kunawa na tewa ushaye, tɛhɛnɛ wochin na chɛbtɛ ke tiri na ago Mekedoniyagiye. Heo eli ꞉Tumu na kamadhtɛsɛ zugo lɔga gɛnyɛ ngonu.

Zuga Kèkko 18:2

Na ngonu itinynyandɛ ko hira Ayhudhi bere hudhukkinya Bantosɔ kèe Akila. Nɔng ko tɛriya nɛnɛ Ngabhirsikila dha bɔɔ ngani hony Dhalɛnɔ, ke ngaya bere komoruya Rome kèe Kilawdi ajjɛ zuga Ayhudhi bhakkɛa Rome kumulɔng lɔgɔ na kɔta Rome na kɛzɛgɛte. Na nɔng Bhaulos ogo na kɔgɔny yɔk.

Zuga Kèkko 19:21

Na ngalɔkta kumulɔng hunaa tewa ushaye, nɔng Bhaulos hinisɔ ɛsɛdhu bhɛa senno kadhayɛ Mekedoniya ko Akaya na kɔgɛ Yerusalemɔ. Na seu, “Hunde kodogi ngonuye, maya kugunyi Rome.”

Zuga Kèkko 21:32

Na nɔng ibha gulsachina bholisuny gena ko bholi ke tiri na nge bhɛa ɛlɛa ꞉zugu. Na yɔk zugaa urgushshɛa ba hunaa orrɛa bholi ko gulsaa nɛye, Bhaulos ngani ngadhakkɛo.

Zuga Kèkko 22:26

Na hunaa shikko ngalɔktaye, ogu bhɛa gulsaa bholisuny bo na sɛɛsɛ, “Seni me ɛnɛng? Nganda ngayo hira Rome!”

Zuga Kèkko 23:11

Na nɔng Bhaulos saniu ungo dhɔnɛ na naa senno keteyɛ ramman barɔ chilɛsɛ ꞉Komoruyɔ Tumu jaa na iriyu na sɛɛsɛ, “Te dhandali! Damiya bare yogɛsɛni zuga ɛlla Yerusalemɔ lɔga ganyu bere orroni kawarre, ale ngani yogɛsɛn zuga ɛlla Romegiye nganga sɛgɛn.”

Zuga Kèkko 23:17

Na Bhaulos eliu gulsaa bholisi chinynyo kona na sɛɛsɛ, “Dhigan ngaerita bhɛa gulsaa nu bo. Lɔ lɔkte se koyogɛsɛ nɔng.”

Zuga Kèkko 24:23

Na aynɛ gulsaa bholisi chinynyo lɔgɔ na kɛbhɛk Bhaulos na sɛɛsɛ, “Hunde zuga gɛnyɛ hony na se katagayate, ngakanyɛ. Na goore ngabhɛgi.”

Zuga Kèkko 25:12

Na Bhito hunaa alliyɛa ko zuga ɛanɛa nɔng lɔkke na tewa ushaye, sɛɛsɛ, “Ngadamita senɛ, ‘Lɔga ganyu any kishik ꞉komoruya Rome boye,’ maya ale kɔ bhɛa nɛnɛ na lɔga gunyu shik ꞉nɛa.”

Zuga Kèkko 25:25

Na anye kamarakka na chɔɔ lɔkte ɛddɛ ꞉nɛa na kattiɛ rɛsɛyɔ ngani ngakorɛsɛno dhul. Na nɔng ngadamita bɔɔ senɛ, ‘Lɔga ganyu any kishik ꞉komoruya Rome boye,’ kɛsɛdhdha na kitton Romegiye.

Zuga Kèkko 27:11

Na gulsaa bholisuny nɔng tamaru lɔga yokkono ꞉Bhaulosi na shigu lɔga hira gongguluny ko ga hira kulinɛna.

Zuga Kèkko 27:43

Na gulsaa bholisuny bo tɛhɛnɛsɛ Bhaulos bassey na tamaru lɔga ɛsɛdhdhɛa ꞉bholisɔ. Na aynɛ zugo lɔgɔ na gee gaɛ zel dhagaye, kɔbɔrrɔtɛsɛ yirisi sabbɔ na kerre yirisiyɔ tandɔ.

Zuga Kèkko 27:6

Na ngonu gulsaa bholisuny bo ogologiy gonggula Iskindiriya kɔa Dhalɛnɔ na kirrɔkto.

Zuga Kèkko 28:1

Na agge hunaa kerreyo yirisiyɔ tandɔ shɛɛye, katakto hunde dha ngabaya lukkɛ ꞉maye keli Malitaye.

Zuga Kèkko 28:16

Na hunaa koo kodokko Romeye, Bhaulos kàyɛ doraa bhakka bhiy na kɛbhɛk ꞉bholisiyɔ.