Zuga Kèkko 26:18 - Suri Latin

¹⁸ Na owo kawarɛ na kobhonda mugurɔ na kohoya gɔra hɔla na kɔdhɔyɔ ɔnneya Moldoyi na kawakta gɔra Tumu. Na hunde yɛbhtany anyeye, aynde ale kujjugɛ lɔga gɛ gɛrsa na jɔanɛ bhɛa ɛlɛa ko zuga yɛbhbhanyɛa anye ridhing ningginɛnaye.’

Zuga Kèkko 26:18 ပူးပေါင်းရင်းမြစ်များ

Matiyos 4:10

Na nɔng sɛɛsɛ, “Ay! Ok ngagɔrronu Ngamoldoyta nganda! Yɔk lɔga Tumu bere kɔ̀gɔdhdhɛsɛna dadab sennɛ, ‘Kɔmma tɔgɔdhɛsɛ Komoruya nunu Tumu na tagay nɔng sɔng.’”

Matiyos 4:16

na ko mɛa ngani ɛl kɔrrɔynɔye, wa arta hɔldina bo gore. Na ngahɔldinda wa terinya ngazukta ngani bhakkɛ baa nyabbunyde.”

Yohanis 17:17

Nɔng inye lɔga gunyu a dhere. Na mɛa ibha yɔk na tony lɔga gunyu ku dhere na kɛnga na kete zuga kachinyɛa inye.

Yohanis 3:19

Yɔk lɔga zugony bere kedhdho :Tumu a ɛnɛnggeo, ‘Hɔldin annaa bere kowa ba na yɔk zugo tamarta. Na bhɛa senno kɛtɛhɛndɛ hɔldin, tɛhɛnda kɔrrɔyn ke ngaya mesɛ kuhuyamoye.’

Yohanis 4:10

Na nɔng Yesus yagɛsɛ na sɛɛsɛ, “Hunde tag lɔga ɛsɛdhdhana :Tumu na senno kaynɛ zugo hɔlɔng ko ngahirra mɛa ogolliny maye, anda chɔɔ ogoli :inyo na ajjiny maa basseyny.”

Yohanis 4:14

Na nɔng inde ma maye kajjɛ :anyoye, ale huny sɛgɛn ngani ngadhakko dhul. Chɔɔ maye kajjɛ nɔngge ale heo maa ku kawari na dhudhuttanɛ kɛnga nɛnɛ toye ke basseya iho dhul.”

Yohanis 8:12

Na koo Yesus yogɛsɛ zugo lɔgɔ sɛgɛn na sɛɛsɛ, “Anye kani hɔldina zuga bhakkɛa ba kumulɔng. Na inde yɛbhbhany anye na kɔbhbhanyde, ale jɔana hɔldina lɔmma basseya iho dhul na mugurɔ dhɔkkɔy ngani ngayiriyo.”

Yohanis 9:39

Na Yesus sɛɛsɛ, “Anye huna bere kuguni ba ngaya, bere kuguni na kègen lɔga zugony kumulɔng na ga kawarɛ chaga kargi bho, na gee orrɛ bhoye kawarɛ kidhitɛyɔ.”

Yohanis 9:5

Nɔng anye hunde ngani kihi bay ngayaye, kani hɔldina zuga bhakkɛa ba kumulɔng.”

Zuga Kèkko 10:43

Na zukte yɛbhbhɛ nɔngge kumulɔng jɔanɛ bhɛa ujjugɛa lɔga gɛ gɛrsa sara gɛnyɛ damiya bere yogɛa ꞉zuga yogɛsɛnɛa zugo lɔga dhugunono ꞉Tumu.”

Zuga Kèkko 13:47

Nɔng bhee koyokkogɛung ngalɔktaye anna bere Komoru ajjiy lɔgɔ na sennagiy, “ ‘Kekkoginy bhorinyaa anaa na te hɔldina terinyi bhɛa kɔrra. Na dagɛ surr ba uturey na yogɛsɛ zugo lɔga ganyu kumulɔng na kabayɛyɔ.’”

Zuga Kèkko 15:9

Na huna bere onyono hinisi yɛbhaa nɛ, anna ba ngani kɛlɛlao. Na mɛa agge ko yɔk gunyey ke dhɔnɛ.

Zuga Kèkko 2:38

Na sɛɛsɛ ꞉Betirosi, “Ujjugu lɔga gu gɛrsa na churtɛ sara Yesusi kumulɔng. Na ko nɔng Tumu kujjuk lɔga gu gɛrsa na kaung Kuloya Nɛnɛ.

Zuga Kèkko 20:21

Anna bere kamadhɛsɛni zuga Ayhudhi ko zuga Giriki lɔgɔ na kujjugu lɔga gɛ gɛrsa na kawakta gɔra Tumu na kɛyɛbhɛ Komoruya na Yesus.

Zuga Kèkko 20:32

“Na mɛa anye kɔdhɔttagung Tumu ko lɔga gɛnyɛ challa chirbhisiuny. Na ko igge kutuhong ꞉lɔga gɛnyɛ na tɛhɛyɛ ko zuga bere yɛbhbhɛa Yesus ridhing ningginɛna na ale sɛrɛyɛa lɔga bere kìbhiigɛsɛna yɔk.

Zuga Kèkko 26:19

“Na mɛa Komoru Agiribaye, lɔga bɔɔ ajjanyi ꞉Tumu na kori, anye ngani kìrranno.

Zuga Kèkko 26:23

Yɔk lɔkte bere yokkonɛ ꞉yɔkkuye sennɛ, ‘Hira kɛ̀bɛrrana ku Kirisos nɔng ale chɔllanɛ na bhɛa zugony a hira bansana rɛsɛyɔ sabbɔ. Na yogɛsɛn zuga Isirayeli ko zuga bhorinyaa anaa lɔgɔ na terinyɛsɛn ganggua Tumu na ibbaysiyɔ.’”

Zuga Kèkko 3:19

Na mɛa ujjugu lɔga gu gɛrsa na wakta gɔra Tumu na ko nɔng Tumu kujjuk lɔga gu gɛrsa na kagara dhul. Na Tumu ale ittonnogung Komoruya bere kɛ̀bɛrragungu igge sabbɔ kènno Yesus na kilalung hinisi na ke ga bo challa.

Zuga Kèkko 5:31

Na ibhbhana na ojjo siyɔ sɛtɛna nɛnɛ na ajjɛa diram. Na ojjo ke Komoruya na bo ibbayseiy. Na kamadh zuga Isirayeli na kujjugu lɔga gɛ gɛrsa na kawakta gɔra Tumu.

2 Timotiyos 2:26

na ungusɛsɛnɛ lɔgɔ shɛɛ na bassɛ bhɛa lɔga bere kɔngɛa :Moldoyɔ na chibɛa na mesɛa lɔga hinno :nɛaye.

Yaykob 2:5

Ngagochonginyaa ganydeye, ga shiktonyuyɔ! Zuga aha ningginɛna bay ngaya ngayo gee bere bɛrrana :Tumu na kɔtɔlɔmɔ yɛbhaa bo dhandala na kɛsɛrɛ baa bere bhiigɛsɛna zuga ibhɛsɛnɛa nɔng hinisiye?

1 Yohanis 1:9

Na nɔng hunde kùdhugundɛsɛ Tumu lɔga ga gɛrsa dib, nɔng ujjuk na sennagiy, “Any kagarayɛ,” na onynyono ridhingɛa ga kumulɔng ke ngaya anɛ hira kìbhɛsɛna hinisi na kedhdho lɔgɔ dibte.

1 Yohanis 2:12

Erroa ganyuye, anye kɔgɔdhdhagung ngalɔkta ke ngaya bere rɛssɛung :Yesusi na lɔga gu gɛrsa ujjugɛ :Tumu na sennagɛung, “Any kagarayɛye.”

1 Yohanis 3:8

Na nɔng inde me lɔga gɛrsaye a eriya Moldoyny ke ngaya Moldoy bere messonɛ lɔga gɛrsa kingi bɛrgua bere ngani kèghendonɛa baye. Na bhee bere kunɛ Eriya Tumu ba ngayaye, a ngaya se kusurranɛ lɔga messo :Moldoyɔye.

1 Yohanis 5:19

Na chɔɔ hunde kan erroa Tumu na yɔk zuga marrɛa Tumu kumulɔng agga allinɛnɛa :Moldoyɔye, kàggayɔ.

Yihudha 1:1

Ngadadabta kɔgɔdhan :anyo Yihudha, hira ku gochonga Yaykobi kagayi Yesus Kirisos. Na kɔgɔdhdhagung igge, zuga bere ibhbhagungu :Babaa Na Tumu hini na eleongu na bhɛkkungu na ale lɔmmungu :Yesus Kirisosi.