Zuga Kèkko 25:8 - Suri Latin

⁸ Na nɔng Bhaulos kɛngu rɛa nɛnɛ lɔkke na sɛɛsɛ, “Damiya Ayhudhi ko damiya doraa Tumu barara ko bhɛa komoruya Rome bo anye lɔk gen ngani kɛ̀ddɛo dhul.”

Zuga Kèkko 25:8 ပူးပေါင်းရင်းမြစ်များ

Lɔgɔ Sabba 40:15

Anye bere kàtallananyi baa bhora nayo Hibiru na kòhonyɛanyi ngaya gidhdhingɔ. Lɔkte bere kɛddɛi ninggɛ na chɔɔ mɛa kani nganda kihi doraa chibinuny hɔlɔng hungge.”

Zuga Kèkko 23:1

Na Bhaulos gɔnyu gulsachinaa Ayhudhi kedhdhɛa lɔgɔ churr na sɛɛsɛ, “Gochonginyaa ganyuye! Anye ihineya bere kinginye ko mɛa toye bere katagachcha Tumu shɛɛ kɛr hinisa bo hɔla.”

Zuga Kèkko 24:12

Ngalɔkta yokkɛ ꞉yɔkkuye, a butomo. Bhee kɛkkɛnyannɛnɛo ko gen doraa Tumu barara na kɔɔnkɔnɛ zugo doraa madhinɛnɛa zuga Ayhudhi lɔga Tumu ko ɔr toye na se kèe kobhorɛ baye, yɔk ngani kartanyo.

Zuga Kèkko 24:14

Nɔng lɔkte yokkɛ ꞉yɔkku ku dhereye a ngalɔkta keterrisanɛ Tumu Komoruya bere kokonginyaa gayo kinginye na kɔɔbhɛ lɔga Ganggua Yesusa Nazireti marrɛa ꞉yɔkku na sennɛa a kullɛye. Na nɔng anye kɛyɛbhi Damiya Tumu bere kàjjɛa Muse ko lɔga bere kɔdhdhɛsɛnɛa ꞉zuga yogɛsɛnɛa zugo lɔga dhugunono ꞉Tumu dadab kumulɔng.

Zuga Kèkko 24:6

Na chɔɔ bortɔ senno keme damite kullɛ doraa nayo barara Tumu. Na kibhbho na kènno kàttiyo damiya nayo.

Zuga Kèkko 25:10

Na nɔng Bhaulos yagɛsɛ na sɛɛsɛ, “Mɛa anye kani nganda wa kichilla bhɛa hira komoruya Rome bo kedhdho lɔga damiya zuga Rome. Na lɔkte kɛddɛi bhɛa zuga Ayhudhi ninggɛ. Chɔɔ ko inye gayɔ.

Zuga Kèkko 28:17

Na hunaa ungo tewa sizziye, Bhaulos eliu gulsachina Ayhudhi. Na muktiyaa na sɛɛsɛ, “Gochonginyaye, anye kera zuga ga ko na babachina ga ngani kɛ̀ddɛo dhul. Na hunaa anna ngangaye, yɔk chɛbtany Yerusalemɔ na ayany zuga Rome.

Zuga Kèkko 28:21

Na yɔk zuga Ayhudhi bibiyo seyɛsɛ, “Agge dadabte kɔ̀gɔdhdhagɛiy lɔga gunyu na kittonnogiy Yudhagiye ninggɛ. Chɔɔ zukte hony ngonu na yokkogiyɛ lɔkte gunyu gɛrsi ninggɛ.