Zuga Kèkko 24:25 - Suri Latin

²⁵ Na hunde ngani kɔbhɛsɛn bhɛa kònyonɛa ridhing na kànɛa hɔli bhɛa Tumu ko ga kɛbhɛgɛa rɛ shɛɛ ko kala ale attiyɛiy ꞉Tumuye, nɔng Bhilis tɛngɛru bho na sɛɛsɛ, “Te usha! Bana ogo! Ale hunde kako keni kɔ̀bhagany ngalɔkta sɛgɛnde, kegi hiri na elenydɔ.”

Zuga Kèkko 24:25 ပူးပေါင်းရင်းမြစ်များ

Matiyos 22:5

“Na yɔk zugaa kèleo dha bere irrannɛ na bhassanɛ na kona kɔ gua nɛnɛ, kona kɔ na wo ngagaymoa nɛnɛ.

Yohanis 16:8

Na hunde ale kunde, ale bhɛsi zuga bhakkɛa ba kumulɔng sabbi na dhugunɛsɛn bhɛa anɛa zuga lɔmmɛa ridhing na imagɛa lɔga gɛrsa ko hira ridhing ningginɛna ko bhɛa ale kedhdhɛa :Tumu lɔga zugony.

Zuga Kèkko 10:42

Nɔng anna bere ayiyɔ lɔgɔ na kàmadhtɛsɛo zugo kamannaa nɛnɛ. Na kòyoktɛsɛo zugo hunde Tumu bere bɛrrana Yesus na kete hira kedhdho lɔga zuga rɛssɛa ko ga zuga ɛlla basseyɔ kariye.

Zuga Kèkko 17:13

Na zugaa gina ku Ayhudh bhakkɛa Tɛsɛlongke hunaa takta hunde Bhaulos madhinɛnɛ lɔga Tumu Beriyagiyeye, ago ngonu na kɔnkɔnɔ zugo na bhori ba sɛgɛn.

Zuga Kèkko 17:2

Na Kala Ayawsuny Bhaulos ogu huna dhaa nɛnɛ. Na tɛu ngonu arko sizzi dhɔng na kɔbhɛsɛ zugo lɔga ɛlla dadaba Tumu Kala Ayawsuny sɔng.

Zuga Kèkko 17:32

Na yɔk hunaa shikkɛa lɔga hira bansana rɛsɛyɔye, gena bhɔsɔrɔ Bhaulos. Na yɔk gena se, “Ngalɔkta ale yogogiy sɛgɛn na kìshikto shɛɛ.”

Zuga Kèkko 2:37

Na koo zugo hunaa shikkɛa ngalɔktaye, kɛngi bhɔttɛ na seyɛsɛ Betiros ko zuga ekko ꞉Yesusi, “Gochonginyaye, na mɛa senno kèmesso ɔng?”

Zuga Kèkko 24:15

Na ngadamita yɛbhɛ ꞉yɔkku na senɛ zuga ridhing ningginɛna ko ga lɔmmɛa ridhing ale bansanɛ rɛsɛyɔ kariye, ko anye kɛyɛbhiyɔ.

Zuga Kèkko 24:26

Nɔng dha bere eleono Bhaulos jaja na mɛzzɛɛ ke ngaya hinɛ bhɛa senno kaynɛ ꞉Bhaulosi aha gena dariye.

Zuga Kèkko 26:28

Na Agiriba nɔng sɛɛsɛ Bhaulos, “Na kèe inye dhaa seni bhɔdhany na kɛ̀yɛbh Yesus mɛarrɛ dhogoy.”

Zuga Kèkko 9:6

Na mɛa bana ok ɔr toye. Na lɔkte kèe mese ale yokkoginyɛ ngonu.”

2 Timotiyos 4:1

Na mɛa lɔkte kɔdhɔttaginy bhɛa kɛ̀lɛa ko Tumu ko Yesus Kirisos, hira ale kedhdho lɔga zuga ngani ɛlla basseyɔ ko ga zuga bere rɛssɛa, na lɔmma zugo hunde ale wokkonoye a ɛnɛnggeo,

Tito 1:8

Yɔk lɔkte maya me :nɛaye a ɛnɛnggeo, maya a hira lammana zugo na hinno lɔga challa na tɛlla lɔgɔ na bhɛkka rɛa nɛnɛ shɛɛ na ridhing ningginɛna na kedhdho lɔgɔ dib.

Yaykob 2:19

Hunde barar Tumu sɔngge nɔng a nganda yɛbhiye. Na ngaya yɛbhɛye, a challi. Chɔɔ ko yɔk mɛnɛnga a ngagiya gaɛ na ɛngɛrsɛ na bharrittɛ tik tikte.

2 Betiros 1:6

Na bhɛa anɛo zuga gao bho, tɔrtɛ bhɛa ojjɛsɛno rɛhi hirimo. Na bhɛa anɛo zuga ojjɛsɛno rɛhi hirimo, tɔrtɛ bhɛa nyimɛo lɔgɔ. Na bhɛa anɛo zuga nyimmo lɔgɔ, tɔrtɛ bhɛa messɛo lɔga hinno :Tumu dib.

1 Yohanis 3:10

Yɔk zukte lɔga challa ngamessɛo na zuga yɛbhbhɛa kamannaa Yesusi kari hinisi ngaibhɛsɛnɛoye kumulɔng, erroa Tumu ngayo. Nganda a bhee kàggaɛ erroa Tumu ko ga Moldoyny bhɛa ɛlɛa bhiy bhiyye.

1 Yohanis 3:7

Erroa ganyuye, ngakitabhtung :genne go! Nɔng hirre me lɔga ridhing ngaannaoye, a hira hɔla ridhing ningginɛna ngadamita Kirisosiye.