Zuga Kèkko 24:24 - Suri Latin

²⁴ Na bhorre Bhilis ko tɛriya nɛnɛ kènno Ngadirsila hoya na kishigi lɔga Bhaulosi. Nɔng Ngadirsila dha a hoya zuga Ayhudhi. Na yɔk ege hir kona na elɛɛsɛ Bhaulos. Na yɔk koo kɔbhɛsɛ :Bhaulosi bhɛa kɛ̀yɛbhɛa Yesus Kirisos.

Zuga Kèkko 24:24 ပူးပေါင်းရင်းမြစ်များ

Markos 6:20

ke ngaya dha bere Heredios ɛngɛrɛ Yohanis na dhɔngɛ na bhɛgɛ shɛɛ na zug gena ngakɔdhdhɛye. Na nɔng dha bere gayɔ hunde Yohanis a hira kɛnginyana ridhing ningginɛnaye. Na hunde chirar lɔga yokkono :Yohanisiye, chɔɔ ko hunde karaktɛ ko hini na kuchurɛ, nɔng dha bere chirar hinisa bo hɔla hung.

Zuga Kèkko 16:31

Na yɔk seyɛsɛ, “Yɛbh Komoru Yesus. Na inye ko zuga gunyu batɔ.”

Zuga Kèkko 20:21

Anna bere kamadhɛsɛni zuga Ayhudhi ko zuga Giriki lɔgɔ na kujjugu lɔga gɛ gɛrsa na kawakta gɔra Tumu na kɛyɛbhɛ Komoruya na Yesus.

Zuga Kèkko 24:25

Na hunde ngani kɔbhɛsɛn bhɛa kònyonɛa ridhing na kànɛa hɔli bhɛa Tumu ko ga kɛbhɛgɛa rɛ shɛɛ ko kala ale attiyɛiy ꞉Tumuye, nɔng Bhilis tɛngɛru bho na sɛɛsɛ, “Te usha! Bana ogo! Ale hunde kako keni kɔ̀bhagany ngalɔkta sɛgɛnde, kegi hiri na elenydɔ.”

Zuga Kèkko 26:22

Nɔng anye ko mɛa toye bɔɔ ɛyaanyɔ ꞉Tumu kɛr na mɛa kani nganda kichili ngayaye. Na lɔga bɔɔ korroni kawarre kamadhɛsɛu zuga ku bhoyoga ko ga lɔmmɛa aha kumulɔng. Na gee bere koyogɛsɛnde a lɔga bere yokkono ꞉Muse ko zuga yogɛsɛnɛa zugo lɔga dhugunono ꞉Tumu na sennɛa, “Ale bhugnyɛsɛnɛyɔ.” Gena ngani kɔ̀tɔrɛyo dhul.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.

Yihudha 1:3

Ngazukta gany kibhbhagung hiniye, anye bɔɔ hini ujjono goore na keni kɔ̀gɔdhagung ngalɔkta kɔ̀lɔ :aggeu bere ibbaysiyɛiy :Tumuye. Na hunde ko kɛ̀sɛdh nganga, anye sabba bhɔdhɛ na kɛsɛdhdha lɔga keni kɔ̀gɔdhagɛung lɔga maya mɛdhdhanɛo, na yɛbhɛo lɔga ku dhere bere ibhbhana :Tumu kalde dhɔnɛ wub na ajjiy agge zuga gɛnyɛ ridhing ngakɔlɔmao.