Zuga Kèkko 24:14 - Suri Latin

¹⁴ Nɔng lɔkte yokkɛ ꞉yɔkku ku dhereye a ngalɔkta keterrisanɛ Tumu Komoruya bere kokonginyaa gayo kinginye na kɔɔbhɛ lɔga Ganggua Yesusa Nazireti marrɛa ꞉yɔkku na sennɛa a kullɛye. Na nɔng anye kɛyɛbhi Damiya Tumu bere kàjjɛa Muse ko lɔga bere kɔdhdhɛsɛnɛa ꞉zuga yogɛsɛnɛa zugo lɔga dhugunono ꞉Tumu dadab kumulɔng.

Zuga Kèkko 24:14 ပူးပေါင်းရင်းမြစ်များ

Matiyos 10:32

Yɔk gee dhugunɛsɛnɛ zugo bhɛa anɛa zuga yɛbhbhanyɛa anyeye, ko anye ale kudhugunɛsɛn Baba nanu iho tumɔ bhɛa yɔk anɛa zuga ganyu.

Matiyos 22:40

Yɔk lɔga ɛlla Damiya Tumu bere kàjjɛa Muse ko lɔga bere yokkonɛa zuga yogɛsɛnɛa zugo lɔga dhugunono :Tumu kumulɔng bansanɛ bhɛa ngagiya ku rammande.”

Matiyos 7:12

Na mɛa lɔkte senno kemesogung :zuguye, ko igge maya mesɛsɛno zugo, ke ngaya lɔga ɛlla Damiya Tumu ko ga bere yokkonɛa zuga yogɛsɛnɛa zugo lɔga dhugunono :Tumu kumulɔng, dhugunnonɛ ngalɔktaye.

Yohanis 1:45

Na Bhilibhos koo itinynyandɛ ko Natinayel, na sɛɛsɛ, “Wa karto hira toynɛna bere lɔga gɛnyɛ kɔdhdhɛsɛna :Muse Damiya Tumu na dheliyɛa :zuga bere yogɛsɛnɛa zugo lɔga dhugunono :Tumu na kɔdhdhɛsɛnɛa dadabinya. Nɔng a eriya Yosebi kèe Yesus bere chillana Naziretɔ.”

Zuga Kèkko 10:43

Na zukte yɛbhbhɛ nɔngge kumulɔng jɔanɛ bhɛa ujjugɛa lɔga gɛ gɛrsa sara gɛnyɛ damiya bere yogɛa ꞉zuga yogɛsɛnɛa zugo lɔga dhugunono ꞉Tumu.”

Zuga Kèkko 13:15

Na hunaa zugo toyiya Damiya Tumu bere kàjjɛa Muse ko lɔga zuga bere yogɛsɛnɛa zugo lɔga dhugunono ꞉Tumu bere kɔdhdhɛsɛnɛa dadabinya na tewa ushaye, gulsachina ngadoronu madhinɛnɛye ghini Bhaulos ko Barnabas na seyɛsɛ, “Gochonginyaye, hunde kesea lɔmmo lɔkte senno madhtɛsɛ zugo na iriytɛye, hoya na madhtɛsɛ.”

Zuga Kèkko 15:5

Na zuga kɔbhbhɛa damiya Bhɛrɛsi yɛbhbhɛa Tumu gen banda na se, “Zuga bhor konnuny hunde yɛbhbhɛ lɔga Yesusiye, maya kedhdhɛ rɛhiya maya na bhɛkkɛ Damiya Tumu bere kàjjɛa Muse.”

Zuga Kèkko 19:23

Na ngakaldonu lɔga Ganggua Yesusi ɛrtiyaa Ebhesonɔ.

Zuga Kèkko 19:9

Na yɔk gen tamara na ngani ngayɛbhbhɛo. Na ojjigi lɔga Ganggua Yesusi ke gɛrsi na dhɔmɔ bhɛa sɛrɔ ɔdhdha. Na nɔng Bhaulos koo eliu zuga yɛbhbhɛa Yesus na gaa marrɛa dhɔyu. Na dhiganu gaa yɛbhbhɛa Yesus doraa kàmadhɛa zugo bhɔa kèe Tiranos na madhu ngonu kali kali.

Zuga Kèkko 22:14

“Na seagany, ‘Inye wa bɛrayinyɔ ꞉Komoruya kokonginyaa ga na tak lɔga sennana ꞉nɛa na ar Hira Ridhing Ningginɛna na shik lɔga yokkono ꞉tuga nɛnɛ.

Zuga Kèkko 24:22

Na Bhilis nɔng dha bere a hira gaa lɔga Ganggua Yesusi goore. Na sɛɛsɛ zugo, “Hunde ale gulsaa bholisuny bo kèe Lasiya kunde, lɔga gu kegedhdhi ꞉anyo.”

Zuga Kèkko 24:5

“Agge bhɛa nayo Ayhudhi ngahirra a hudhagi. Nɔng anna bɔɔ kɔnkɔna zuga gayo oree oree ba kumulɔng na kobhori ba. Na chɔɔ sɛgɛn a gulsaa kimsiya zuga kɔbhbhɛa hira Nazireti kullɛna.

Zuga Kèkko 25:8

Na nɔng Bhaulos kɛngu rɛa nɛnɛ lɔkke na sɛɛsɛ, “Damiya Ayhudhi ko damiya doraa Tumu barara ko bhɛa komoruya Rome bo anye lɔk gen ngani kɛ̀ddɛo dhul.”

Zuga Kèkko 26:22

Nɔng anye ko mɛa toye bɔɔ ɛyaanyɔ ꞉Tumu kɛr na mɛa kani nganda kichili ngayaye. Na lɔga bɔɔ korroni kawarre kamadhɛsɛu zuga ku bhoyoga ko ga lɔmmɛa aha kumulɔng. Na gee bere koyogɛsɛnde a lɔga bere yokkono ꞉Muse ko zuga yogɛsɛnɛa zugo lɔga dhugunono ꞉Tumu na sennɛa, “Ale bhugnyɛsɛnɛyɔ.” Gena ngani kɔ̀tɔrɛyo dhul.

Zuga Kèkko 26:27

Na mɛa Komoru Agiribaye, inye zuga yogɛsɛnɛa zugo lɔga dhugunono ꞉Tumu ngayɛbhiyo chi? Nɔng kaggayɔ hunde yɛbhiye.”

Zuga Kèkko 26:4

“Ihineya bere kanɛi eri na kabhagɛi baa nanu ko Yerusalem ko mɛa toye hunde bere ba kabhagi ɛnɛngge, yɔk zuga Ayhudhi kumulɔng gaɛyɔ.

Zuga Kèkko 26:6

Na mɛa anye bhee kichilɛ ngaya kèe kegendɛ lɔgɔye, a ngaya kɔlɔmɛ lɔga bere bhiigɛsɛna ꞉Tumu kokonginyaa ga hinisɔye.

Zuga Kèkko 28:22

Agge nɔng kenno kìshikto lɔkte guny yɛbhiye, ke ngaya zuga bhakkɛa ba kumulɔng marɛ na senɛ anɛ kullɛye.”

Zuga Kèkko 28:23

Na hunaa bhiiktɛsɛa ungo na tewa ushaye, tɛldi na hoya doraa nɛnɛ ke mɛri. Na nɔng kali bhɛa bo tii ko bhee anɛ jhayny dhugunɛsɛ lɔga Tumu bhɛa Tumu lɔmɛa zugo. Na kɔbhɛsɛ Damiya Tumu bere kàjjɛa Muse ko lɔga bere kɔdhdhɛsɛnɛa ꞉zuga yogɛsɛnɛa zugo lɔga dhugunono ꞉Tumu dadabinya na kɔbhɛsɛ bhɛa madhdhagiyɛa lɔga Yesusi na ko yɔk kɛyɛbhɛtɔ.

Zuga Kèkko 3:13

Nɔng Komoruya kokonginyaa ga bere Awurahami ko Isaki ko Yaykobi Tumu nɔng dhɔngu hoynɛ Yesus. Na nɔng igge ibhtao na ayɛo Bhilatos na kertɔ. Na chɔɔ Bhilatos huna senno kɔga, igge kɛnggao na tamarto.

Zuga Kèkko 5:30

Igge huna bere ibhbhano Yesus na ujɛsɛno muddɛnne kɛyɔ na rɛsa, nɔng Tumua kokonginyaa ga annaa bere dhɔngngana rɛsɛyɔ na bassa.

Zuga Kèkko 7:32

‘Anye kani Tumu, komoruya bere eterrisananyɛa ꞉kokonginyaa gunyu Awurahami ko Isaki ko Yaykobi.’ Na Muse dɛɛbu na bhariyu tik tik. Na kawarɛ tamartɛ na ngani ngagunyo.

Zuga Kèkko 9:2

Na ghinu na kɔgɔdhɛsɛ dadab na kɔgɛ na kayɛsɛ zuga ɛlla doriyoa madhinɛnɛa zuga Ayhudhi lɔga Tumu Dɛmaskogiye. Na hunde jɔana zuga kɔbhbhɛa Ganggua Yesusiye, kibh ga maya ko ga ngaha kari na kɔgɛ doraa chibinuny iho Yerusalemɔ.

2 Timotiyos 1:3

Nɔng anye kutuhi Tumu, Komoruya kagayi hinisa bo challa, damiya bere kayɛa :kokonginyaa ganyu, na tii kogolloginy Tumu bar ko kali hunde kallinɛno ko nɔngge.

Tito 3:10

Na hunde lɔ hirre ti zugo na kegendɛ kɛngɔye, ibbaytɔ. Na hunde ngani me ngangaye, ibbay sɛgɛn. Na kalda wurtɔ hunde tɔrɛye, dhuy go dhɛɛ.