Zuga Kèkko 24:1 - Suri Latin

¹ Na hunaa tɛlda ungo haynaye, gɔldanga bo doraa Tumu barara kèe Hananiya dhi ko zuga Ayhudhi bibiyo gen ko hira gaa lɔga kìchibɛa zugo kèe Tertelus. Na ago Kesariyagiye bhɛa Bhilisi, Gulsaa Yudha Bo, na childɛ Bhaulos.

Zuga Kèkko 24:1 ပူးပေါင်းရင်းမြစ်များ

Zuga Kèkko 12:21

Na unga senno kitinynyandɛy, Heredios malugu ruminyaa gɛnyɛ dɛldɛla komorumo. Na tɛu alleya nɛnɛ komoruyny na yogɛsɛ zugo lɔgɔ.

Zuga Kèkko 21:27

Na hunaa unga ku issabbay senno kagarate, zuga Ayhudhi honynyo Isiyagiye argi Bhaulos doraa Tumu barara ratagiye toye. Na hunaa orrɛaye, kɔnkɔnɔ zugo kumulɔng na bandɛsɛ Bhaulos na ibhigiyɛ.

Zuga Kèkko 23:2

Na nɔng gɔldanga bo doraa Tumu barara kènno Hananiya hunaa shikko ngangaye, sɛɛsɛ zuga chillɛa bhɛa Bhaulosi jaa na kɔnyɔgɔ nɔng tugɔ na kidhiyɛyɔ.

Zuga Kèkko 23:24

Na oytɛsɛ Bhaulos harteyiya woyɛa kɔk na kɔtɔyɛyɔ, na kidhigana shɛɛ chɔɔ bhɛa Gulsaa Yudha Bo kènno Bhilis.”

Zuga Kèkko 23:30

Na wa kishikka hunde dhaa se dogɛ ꞉zugu go na kindite. Na aynde kittonnogung igge ke tiriye. Na lɔkte kichilɛ nɔngge wa koyogɛsɛu zuga chilɛa na koo kago bhɛa nu na ɛlɛhɛnɛ ꞉iggeu.”

Zuga Kèkko 23:33

Na yɔk hunaa hɛyɛa na dokkɛa Kesariyaye, ayɛ Gulsaa Yudha Bo dadab na Bhaulos dhɔyɛ doraa nɛnɛ.

Zuga Kèkko 23:35

Na sɛɛsɛ, “Ale koo lɔga gunyu kishigi hunde zuga chillɛinyɛa honyde.” Na sɛɛsɛ bholi, “Aytɛ na bhɛgɛ doraa bere kɔdhdha :Herediosi.”

Zuga Kèkko 24:11

Yɔk unga bɔɔ kɔgɔyɛi Yerusalemɔ na keterrisanɛi Tumu ngonu mɛa te tɔmmɔn ko ramman. Na ngalɔkta bhɛa anɛa dhere, ga chɔɔ ghin bhokkonnɔ hung na taktɔ.

Zuga Kèkko 24:2

Na Bhaulos hunaa keleono na kunnoye, nɔng Tertelus kɔbhɛsɛ Bhilis lɔga chilɛa ꞉zugu na sɛɛsɛ, “Gulsaa bo lɔmi diram Bhilise, ihineya bɔɔ allinɛnɛiy zuga gayo bere kabhakto shɛɛ kɛr ko mɛa toye. Na chɔɔ lɔga bere dhandala bhɛa zugony bɔɔ bhɔdhu na tewa challi.

Zuga Kèkko 25:15

Na huna bere kɔgɔi Yerusalemɔ, gɔldangɛa bibiyo doraa Tumu barara ko zuga Ayhudhi bibiyo anna bere chilɛa ngahirra bhɛa nanu na kàttiyɔ.

Zuga Kèkko 25:2

Na ngonu assa :gɔldangɛaa bibiyo doraa Tumu barara ko gulsachina Ayhudhi na childɛ Bhaulos.