Zuga Kèkko 23:6 - Suri Latin

⁶ Na nɔng gɔnyu gulsachinaa Ayhudhi kedhdhɛa lɔgɔ ɛlla ngonu na tagu hunde dha gena a zuga kimsiya Ayhudhi kènno Sodhokka na gen agga kɔbhbhɛa damiya Bhɛrɛsiye. Na yogo lɔgɔ goore na seu, “Gochonginyaye! Anye kani hira kɔbhbha damiya Bhɛrɛsi huna bere kokonginyaa ganyu kinginye. Na mɛa bhee chillɛanyɛ ꞉zuguye a ngaya kibhɛ lɔga ale bansanɛa ꞉zugu rɛsɛyɔ hinisɔ na kɛyɛbhɛye.”

Zuga Kèkko 23:6 ပူးပေါင်းရင်းမြစ်များ

Matiyos 10:16

“Nɔng anye mɛa kibhbhanung na kekkung huna mɛdɛrniya kɔ̀tɔgɛsɛna yoya toye. Na mɛa igge te ghurghuri huna konnauny na te zuga hɔla huna yikkayny.

Matiyos 22:23

Na ngakaldonu rɛ, yɔk zuga kɔbhbhɛa damiya Sodhokka lɔga ale kàbansanɛa rɛsɛyɔ ngayɛbhbhɛayo, hoya bhɛa Yesusi na ghini

Matiyos 3:7

Na hunaa Yohanis orro zuga bo mɛra kɔbhbhɛa damiya Bhɛrɛsi ko ga kɔbhbhɛa damiya Sodhokka hunde hony bhɛa churɛa :nɛa zugoye, sɛɛsɛ, “Ngahoyaa kurmusinyanyde, ngangaye inde ibbachchung na jara ngaattiya Tumu kunde a nɛng?

Zuga Kèkko 22:3

“Anye kani hira Ayhudhi bere kùhudhukkononyi ɔra iho Kilkiyagiye kèe Tersese. Na nɔng kichilan Yerusalemɔ ngaya. Na damiya kokonginyaa ga kumulɔng bere madhaganyɔ ꞉Gɛmaliya shɛɛ. Na ko anye bere kihini lɔga kàgayɛa Tumu goore ngadamita hinnɛo ꞉iggeu mɛa toyeye.

Zuga Kèkko 22:30

Na bhorre gulsaa bholisuny bo ɔga Bhaulos na yogɛsɛ gɔldangɛa bibiyo doraa Tumu barara ko gulsachina Ayhudhi kedhdhɛa lɔgɔ kumulɔng na kumuktiyaa na kojjigi lɔgɔ na katagɛ lɔkte kichilɛ Bhaulose shɛɛ. Na koo dhigana bhɛa nɛ.

Zuga Kèkko 22:5

Na zuga bere orrɛa ngalɔkta kemesi ꞉anyoye kawarre, a gɔldanga bo doraa Tumu barara ko zuga Ayhudhi nyagasa kedhdhɛa lɔgɔ kumulɔng. Na chɔɔ dadaba bere kɔ̀gɔdhdhɛsɛna gochonginyaa bhakkɛa Dɛmasko na kàmagɛ zuga yɛbhbhɛa Yesus ɛlla ngonu na kɛ̀chɛbɛ na kɔ̀gɛ Yerusalemɔ na kàttiyɛ bere ajjanyɛa ꞉yɔkku.

Zuga Kèkko 23:1

Na Bhaulos gɔnyu gulsachinaa Ayhudhi kedhdhɛa lɔgɔ churr na sɛɛsɛ, “Gochonginyaa ganyuye! Anye ihineya bere kinginye ko mɛa toye bere katagachcha Tumu shɛɛ kɛr hinisa bo hɔla.”

Zuga Kèkko 23:15

Na mɛa igge shiktɛ ko gulsachina Ayhudhi kedhdhɛa lɔgɔ na tɛhɛyɛ ko zuga marakko lɔga Bhaulosi shɛɛ. Na ghindo bhɛa gulsaa bholisuny bo na kayaga bhɛa kègedhdhɛa lɔgɔ. Agge wa kɛtɛldo kɔk na hunde chɔɔ ngaya ngani kadakkoye kɔ̀gɔndoyɔ.”

Zuga Kèkko 23:20

Na eri sɛɛsɛ, “Zuga Ayhudhi gen wa dakta go na bhiikta lɔgɔ na kɛtɛhɛyɛ ko zuga marakkɛa lɔga Bhaulosi. Na rogonɔ kighindeny inye na dhiganɛsɛ Bhaulos bhɛa kedhdhɛa lɔgɔ.

Zuga Kèkko 23:7

Na hunaa yokkono ngalɔktaye, zuga kedhdhɛa lɔgɔ ɛkkɛnyandɛ kɛngɔ, na kendiyaa gaminya ramman. Na ga kɔbhbhɛa damiya Bhɛrɛsi tɛldi bhiy na ga Sodhokka tɛldi bhiy.

Zuga Kèkko 24:15

Na ngadamita yɛbhɛ ꞉yɔkku na senɛ zuga ridhing ningginɛna ko ga lɔmmɛa ridhing ale bansanɛ rɛsɛyɔ kariye, ko anye kɛyɛbhiyɔ.

Zuga Kèkko 24:21

Nɔng kesea bhee kìchillɛany anyeye, kako a ngaya bɔɔ koyogɛsɛn zuga Ayhudhi kedhdhɛa lɔgɔ goore na kesenɛsɛn, ‘Bhee chillɛanyɛ ꞉zuguye a ngaya kɛyɛbhɛ lɔga ale bansanɛa ꞉zugu rɛsɛyɔye.’ Nɔng chɔɔ ahite kɛddɛi kona ninggɛ.”

Zuga Kèkko 28:20

Na mɛa a nganda keliyɛung na kɛ̀tɛldi kari na kòyogogung ngalɔktaye. Anye lɔkte kichibbɛany ngagɔrgɔriyaye a ngaya kɛyɛbhɛ ngalɔkta bere kajjɛ zuga Isirayeli na ibhɛsɛnɛ hinisiye.”