Zuga Kèkko 23:11 - Suri Latin

¹¹ Na nɔng Bhaulos saniu ungo dhɔnɛ na naa senno keteyɛ ramman barɔ chilɛsɛ ꞉Komoruyɔ Tumu jaa na iriyu na sɛɛsɛ, “Te dhandali! Damiya bare yogɛsɛni zuga ɛlla Yerusalemɔ lɔga ganyu bere orroni kawarre, ale ngani yogɛsɛn zuga ɛlla Romegiye nganga sɛgɛn.”

Zuga Kèkko 23:11 ပူးပေါင်းရင်းမြစ်များ

Matiyos 14:27

Na sɛɛsɛ :Yesusi, “Kani anye, anye. Tɛldi hung! Bho ngaɛngɛrso!”

Matiyos 28:20

na madha na kɔbhtɛsɛ lɔga taa kamadhdhagungu :anyo kumulɔng na kɛbhɛgɛtɔ. Nɔng anye tii tii kɛ̀l kari ko igge ko bhee uturronɛ ba.”

Matiyos 9:2

Na yɔk zug gena ngarta hirre chudhinɛ ungu hayagiye na ayɛsɛ nɔng na kibbaysiyɔ. Na nɔng hunaa orro yɛbhaa ngazuktonuye, sɛɛsɛ hiri, “Ngahirra, ngashurnɛni! Lɔga gunyu gɛrsa wa kùjjukta na garta.”

Yohanis 14:18

Nɔng igge huna erroa ku bhoyoga bhichang ngakɔdhɔttungo. Ale kowokkon na kasanunggɔ.

Yohanis 16:33

Na ngaya koyokkogɛung ngalɔktaye keni tɔlɔmɔ zany na tɛldi ke na bo challa ke ngaya yɛbhbhɛanyu anyeye. Nɔng hunde ngani bhakko ba ngayaye, ale chɔllanɛno goore. Na chɔyɛsɛ hinisi bɛna na te dhandali! Nɔng anye wa kɔmɔgga barartina bany kumulɔng.”

Zuga Kèkko 18:9

Na bar konnɔ Komoru yogɛsɛ Bhaulos lɔgɔ kunaɔ na sɛɛsɛ, “Bho ngaɛngɛrsi. Yogɛsɛ zugo lɔga ganyu hung. Laay ngaihi.

Zuga Kèkko 19:21

Na ngalɔkta kumulɔng hunaa tewa ushaye, nɔng Bhaulos hinisɔ ɛsɛdhu bhɛa senno kadhayɛ Mekedoniya ko Akaya na kɔgɛ Yerusalemɔ. Na seu, “Hunde kodogi ngonuye, maya kugunyi Rome.”

Zuga Kèkko 2:25

Ko nɔng Dawiy annaa bere yokko ngalɔkta Yesusiye na senno, “ ‘Bere karra Komoru hunde kɛllo kari kali kaliye. Na hunde kodokkon lɔkte dhandaliye bho ngakɛngɛrsiyo ke ngaya kɛlɛo kari na irishɛanyde.

Zuga Kèkko 20:22

“Na mɛa toye anye wa adhaganyɔ ꞉Kuloya Tumu lɔgɔ na kòk Yerusalemɔ. Na hunde kɔgɔ ngonu na kodokkon lɔk giyongge, kimagiyɔ.

Zuga Kèkko 22:15

Na mɛa ngaya dhɔllagɛiny ngalɔkta wa ori na shigiye, kèe te hira orroni lɔga gɛnyɛ kawarre na yogɛsɛ zugo kumulɔng.

Zuga Kèkko 22:18

Na seagany, ‘Zuga Yerusalemi ngalɔkta gany yogɛsɛn ꞉inyoye ngahinnɛo. Na bana ke tiri na dhɔ Yerusalem na ogo!’

2 Timotiyos 4:17

Nɔng Komoru annaa bere kɛllo kari na irishshonyi na ajjanyi gidhdhing na kàmadhɛsɛ bhorinyaa anaa kumulɔng kamannaa challa na kishigitɔ. Na chɔɔ nɔng bere ibbayseonyɔ bhɛa ajjo ngani kussɛanyɔ :ngatunyɔ na kabawa.