Zuga Kèkko 22:1 - Suri Latin

¹ “Gochonginya ko Babachina ganyuye! Ga chirartanyuyɔ! Na kòyogogung ngalɔkta wa gany ɛrrinyanɛ ꞉lɔkkuye.”

Zuga Kèkko 22:1 ပူးပေါင်းရင်းမြစ်များ

Zuga Kèkko 13:26

“Igge ashaa Awurahami ko ngabhorra ana ɛngɛrso Tumuye, ngakamannaya basseynyde anna bere kàjjiy agge na kàbayɛyɔ.

Zuga Kèkko 19:33

Na yɔk zuga Ayhudhi ugundɛsɛ hirre kèe Iskindir bhɛa zugony sabbɔ na kudhugunɛsɛ zugo ngalɔkta bhɛa ku hologun shɛɛ. Na nɔng Iskindir koo lamu zugo siyɔ na kidhitɛ na koyogo lɔgɔ.

Zuga Kèkko 23:1

Na Bhaulos gɔnyu gulsachinaa Ayhudhi kedhdhɛa lɔgɔ churr na sɛɛsɛ, “Gochonginyaa ganyuye! Anye ihineya bere kinginye ko mɛa toye bere katagachcha Tumu shɛɛ kɛr hinisa bo hɔla.”

Zuga Kèkko 23:6

Na nɔng gɔnyu gulsachinaa Ayhudhi kedhdhɛa lɔgɔ ɛlla ngonu na tagu hunde dha gena a zuga kimsiya Ayhudhi kènno Sodhokka na gen agga kɔbhbhɛa damiya Bhɛrɛsiye. Na yogo lɔgɔ goore na seu, “Gochonginyaye! Anye kani hira kɔbhbha damiya Bhɛrɛsi huna bere kokonginyaa ganyu kinginye. Na mɛa bhee chillɛanyɛ ꞉zuguye a ngaya kibhɛ lɔga ale bansanɛa ꞉zugu rɛsɛyɔ hinisɔ na kɛyɛbhɛye.”

Zuga Kèkko 24:10

Na nɔng Gulsaa Yudha Bo uma Bhaulos siyɔ na ko nɔng koyogo lɔgɔ. Na Bhaulos yagɛsɛ na sɛɛsɛ, “Inye ani hira bere kedhdhani lɔga ngazukta oynyaa mɛra. Na mɛa ngaya koyokkogɛiny lɔga kɛɛnganɛy lɔga kàmagaganyiye, hini hɔllany goore.

Zuga Kèkko 25:16

“Na anye koo kesɛɛsɛu, ‘Hunde hira kìchilɛa ngani koyogo lɔga kɛngɛa rɛ bhɛa zuga chilɛaye, ko kera Rome ngagannɛo.’

Zuga Kèkko 25:8

Na nɔng Bhaulos kɛngu rɛa nɛnɛ lɔkke na sɛɛsɛ, “Damiya Ayhudhi ko damiya doraa Tumu barara ko bhɛa komoruya Rome bo anye lɔk gen ngani kɛ̀ddɛo dhul.”

Zuga Kèkko 26:24

Na hunaa Bhaulos ngani yokkono lɔga gɛnyɛye, nɔng Bhito dɛbu na kedhdhɛsɛ lɔgɔ toye na sɛɛsɛ, “Bhaulose! Wa useny ꞉lollu. Dha bɔɔ tagu lɔgɔ goore na sabba ɛddɛɛ!”

Zuga Kèkko 28:17

Na hunaa ungo tewa sizziye, Bhaulos eliu gulsachina Ayhudhi. Na muktiyaa na sɛɛsɛ, “Gochonginyaye, anye kera zuga ga ko na babachina ga ngani kɛ̀ddɛo dhul. Na hunaa anna ngangaye, yɔk chɛbtany Yerusalemɔ na ayany zuga Rome.

Zuga Kèkko 7:2

Na Istibhanos yagɛsɛ na sɛɛsɛ, “Gochonginya ko babachina ganyuye, ga chirartanyuyɔ! Huna baba na Awuraham ngani Karanɔ kɛzɛgao na bhakka Mesetom, annaa dhɔlɛsɛa ꞉Komoruya na lɔmma diram rɛ

2 Timotiyos 4:16

Nɔng chɔɔ anye kala bere sabbune kìchilɛanyi na kɛɛnganɛi lɔgɔ, zugo bere dhɔttanyɛa na hɛa kumulɔng na chɔɔ hirre dhɔnɛ ɛananyi bere ningginɛna dhul. Na Tumu nɔng any kɔgɔny ngalɔkta gɛye ke challi. Na ke gɛrsi ngagunyi.