Zuga Kèkko 21:31 - Suri Latin

³¹ Na hunaa senno kindi Bhaulose, ngalɔkta urgushshɛ baye shigu ꞉gulsaa bholisuny Rome iho ngonu.

Zuga Kèkko 21:31 ပူးပေါင်းရင်းမြစ်များ

Matiyos 26:5

Na koo se, “Maya ngalɔkta kolea gibiriyny ngakèmesso. Hunde kèmese, kako zugo ale bhorɛɛ ba.”

Matiyos 27:27

Na koo bholisa komoruyny ibhta Yesus na aytɛ tu kɛnga komoruyny kèleo Biratɛri. Na bholi muktiyaa kumulɔng na hoya na oytɛsɛ nɔng kɛrghɛn.

Markos 14:2

Na koo daga go na se, “Ngalɔkta maya kolea gibiriyny ngakèmesso. Kako ale zugo dɛmnɛ na bhorɛɛ ba.”

Yohanis 16:2

Nɔng igge ale marrungɛ :zugu na obhoniseungɛ doriyoa madhinɛnɛa zuga Ayhudhi lɔga Tumu na chukkongɛyɔ. Na chɔɔ kolea ale nissɛungɛa :zugu na ɛsɛdhɛa huna zuga kachchɛa Tumu, ale andanayɔ.

Yohanis 18:12

Na hunaa tewa ngangaye, bholi ko gulsaa nɛ ko zuga bhɛkkɛa doraa Tumu barara, ibhigi Yesus na chɛbɛ sɛnɔ gig gig.

Zuga Kèkko 10:1

Dha bere Kesariyagiye lɔ hirre kèe Kornolios. Na a gulsaa bholisi allinɛnɛa bholisa kènno “Kimsiya Dhalɛni” gam kona.

Zuga Kèkko 17:5

Na yɔk zuga Ayhudhi gen hinisi ngɔ na mukta tɔliyoga ganggoye na yoktɛsɛ lɔgɔ na kobhori ɔr. Na haddi doraa Iyasoni na kibhigi Bhaulos ko Silasi na kayɛsɛ zugo.

Zuga Kèkko 19:40

Na hunde zugo ale kichildɛiy ngalɔkta wa ɛrrinya mɛaye na kako keseyagiy, ‘Ngalɔkta messonɛ ꞉yɔkku,’ bhee ku hologun kàyagɛsɛn ꞉aggeu ninggɛ. Lɔkte kɛngɛrsi ꞉anyoye a ngagiya.”

Zuga Kèkko 21:38

Inye ngaaniyo hira Gibsi bɔɔ bhorii ba na ibhbhani zuga ku 4,000 bere kɔdhdhɛa zugo na dhigani korugiye?”

Zuga Kèkko 22:22

Na zugo kumulɔng chirara nɔng ko bhee yokkonɛ ngalɔkta. Na koo ara wuy goore na se, “Hirre ku ngangaye, any kere! Maya basseyɔ ngaiho!”

Zuga Kèkko 23:17

Na Bhaulos eliu gulsaa bholisi chinynyo kona na sɛɛsɛ, “Dhigan ngaerita bhɛa gulsaa nu bo. Lɔ lɔkte se koyogɛsɛ nɔng.”

Zuga Kèkko 24:22

Na Bhilis nɔng dha bere a hira gaa lɔga Ganggua Yesusi goore. Na sɛɛsɛ zugo, “Hunde ale gulsaa bholisuny bo kèe Lasiya kunde, lɔga gu kegedhdhi ꞉anyo.”

Zuga Kèkko 24:6

Na chɔɔ bortɔ senno keme damite kullɛ doraa nayo barara Tumu. Na kibhbho na kènno kàttiyo damiya nayo.

Zuga Kèkko 24:7

Na saraniy ꞉gulsaa bholisi bo kèe Lasiya gidhdhingɔ na dhiganna.

Zuga Kèkko 25:23

Na bhorroyɔ Agiriba ko Ngaberenike malugu ruminyaa gɛ komorumo na hoya ko gulsachina bholisuny bibiyo ko gulsachina orony kari ga bo dhɔngngɛa ꞉zugu na tunnugu doraa bo ojjɛa ꞉zugu lɔgɔ. Na Bhito egu zugo na kidhiganda Bhaulos.

Zuga Kèkko 26:21

Na bhee ibhbhɛanyɛ ꞉zuga Ayhudhi na se kindɛaynde, a ngaya kamadhɛ ngalɔkta doraa Tumu barara tu kɛngɔye.