Zuga Kèkko 21:20 - Suri Latin

²⁰ Na hunaa shikkɛa ngalɔktaye, eterrisana Tumu. Na koo seyɛsɛ Bhaulos, “Gochongnge, ga gɔnydɔ. Zuga Ayhudhi ngani yɛbhbhanɛa Tumu dha bɔɔ te shiinyaa bo mɛra. Na yɔk kumulɔng a zuga bhɛkkɛa Damiya Tumu bere kàjjɛa Muse shɛɛ na hinnɛa goore.

Zuga Kèkko 21:20 ပူးပေါင်းရင်းမြစ်များ

Matiyos 9:8

Na zugo hunaa orrɛa ngalɔktaye, dɛɛbɛ na iwachi na ayɛ Tumu diram ke ngaya ajjɛ zugo ngabuynda bu ku ngangaye.

Yohanis 12:24

A challi, ga shigitɔ! Hunde gɔraya ku duguy dhɔnɛ ba ngani kɔngɔɛsɛo na kumujjuyooye, i ke ngakawaritonu dhɔnɛnɛ. Na nɔng hunde mujjuaye, dhumuttana na eggissono kawarte mɛri.

Zuga Kèkko 11:18

Na zugo hunaa shikkɛa ngalɔktaye, rɛgɛ ꞉lɔkku. Na eterrisana Tumu na se, “Na mɛa kèe Tumu wa aynɛa zuga bhora anaa bhɛa ujjugɛa lɔga gɛ gɛrsa na kawakta gɔra nɛnɛ na kɔjɔya basseya iho dhul.”

Zuga Kèkko 15:1

Na kali kona zug gena hoya Yudhagiye na ago Ansokiyagiye. Na madha zuga yɛbhbhɛa Yesus na seyɛsɛ, “Hunde rɛhiya gu maya huna kera bere Muse ngakedhdhooye, Tumu lɔga gu gɛrsa ngaibbayseongo.”

Zuga Kèkko 15:24

“Bare kishikto hunde dha bɔɔ zuga gayo gena bansanɛ ꞉eygo na assanungɛ igge na madhdhagungɛ lɔga rɛkungɛa na margeungɛye. Agge ngazuktonu yɔk ngani kèktoyo.

Zuga Kèkko 15:5

Na zuga kɔbhbhɛa damiya Bhɛrɛsi yɛbhbhɛa Tumu gen banda na se, “Zuga bhor konnuny hunde yɛbhbhɛ lɔga Yesusiye, maya kedhdhɛ rɛhiya maya na bhɛkkɛ Damiya Tumu bere kàjjɛa Muse.”

Zuga Kèkko 2:41

Na zuga yɛbhbhɛa lɔgaa madhɛsɛna yɔk churtɛ ma. Na ngakaldonu zukte aynde ku 3,000 yɛbhɛ ngalɔkta na tɔrɔ ga bere yɛbhbhanɛa Yesus sabbɔ.

Zuga Kèkko 22:3

“Anye kani hira Ayhudhi bere kùhudhukkononyi ɔra iho Kilkiyagiye kèe Tersese. Na nɔng kichilan Yerusalemɔ ngaya. Na damiya kokonginyaa ga kumulɔng bere madhaganyɔ ꞉Gɛmaliya shɛɛ. Na ko anye bere kihini lɔga kàgayɛa Tumu goore ngadamita hinnɛo ꞉iggeu mɛa toyeye.

Zuga Kèkko 4:21

Na gulsachina ibbaya yɔk ke dɛmney sɛgɛn na seyɛsɛ, “Wurtɔ nganga ngamesso!” Na ɔtta ke ngaya lɔkte chibɛ Betiros ko Yohanis ninggɛ na zugo kumulɔng orɛ hira kìbbayseo na eterrisanɛ Tumuye.

Zuga Kèkko 4:4

Na yɔk zuga shikkanɛa ngalɔkta madhɛsɛnɛ ꞉yɔkkuye ga yɛbhbhanɛa te mɛri. Na hunde kòtoy zuga maya sɔng ngani yɛbhbhanɛaye, heo anda a 5,000.

Zuga Kèkko 6:7

Na lɔga Tumu tɛhɛtɛy ko ba. Na zuga yɛbhbhanɛa lɔga Yesusi Yerusalemɔ ago na te mɛri. Na gɔldangɛa doraa Tumu barara ga bo mɛra ko yɔk yɛbhɛ kamannaa Yesusi.

2 Tɛsɛlongke 1:10

Yɔk ngalɔkta ale bhugnyɛsɛnɛ kolea ale lɔmɛa :Komoruyɔ diram bhɛa zuga gɛnyɛ ridhing ningginɛna. Na ngakoleonu zuga bere yɛbhbhɛa nɔng kumulɔng ale iwachiyɛ nɔng. Na ko igge ale ɛllo ko yɔk kari ke ngaya bere yɛbhɛo lɔga kòyokkogungu :aggeuye.