Zuga Kèkko 20:24 - Suri Latin

²⁴ Lɔga bere ajjanyi ꞉Komoruyɔ Yesusi na kòyogɛsɛ zugo kamannaa Tumu challa chirbhisiny ko bhee kedheshshanɛ, ngakadasiiyo. Na chɔɔ hunde ko kadaga lɔkte gɛrsi, lɔgɔ ninggɛ.

Zuga Kèkko 20:24 ပူးပေါင်းရင်းမြစ်များ

Yohanis 15:27

Na ko igge maya kɔbhɛsɛno zugo lɔga ganyu ke ngaya bɛrgua bere kɔgɔdhdhanɛi madha kɛlɛ kariye.

Yohanis 17:4

Nɔng anye wa kɔdhɔnginyɔ na kɔdhɔlɛsɛu zuga bany kumulɔng dirama nunu ke ngaya kurrugɛsɛn lɔga bere ajjanyi :inyoye.

Zuga Kèkko 1:17

Nɔng Yihudha bere anna hira kɛ̀bɛrrana na kagacha ngalɔkta kari.”

Zuga Kèkko 11:23

Na nɔng hunaa kɔa na dokkono na orro lɔga bo challa chirbhisiyɛa ꞉Tumu zugoye, dɛlu goore na iriyu na kɛmɛtta na kɛyɛbhɛ Komoru hinisichinne kumulɔng.

Zuga Kèkko 13:25

Na kolea bere dheshshanɛa lɔga gɛnyɛ annaa senɛsɛna zugo, ‘Ngangaye, igge senno kani nɛng? Anye hira ibbayseo zugo ngakaniyo. Na nɔng hirre chɔɔ anye chahaa gɛnyɛ ngakughunushannoye, ale kɔbhbhananydɔ.’

Zuga Kèkko 14:3

Na yɔk Bhaulos ko Barnabas tɛldi ngonu ungge mɛri na madhtɛsɛ zugo lɔga Komoruyny dhɛ dhɛ. Na aynɛ ꞉Komoruyɔ bhɛa mesɛa lɔga bo barara iwachiyɛa ꞉zugu na kataktɛ lɔga Komoruyny chirbhisiyɛa zugo hunde a dhereye.

Zuga Kèkko 15:7

Na hunaa oyta lɔgɔ dirr na tewa ushaye, Betiros bana na sɛɛsɛ, “Gochonginyaye, huna bɔɔ sabbɔ Tumu bɛrrananyi anye bhɛa nu na kàmadhɛsɛ bhorinya gen kamannaa challa na kɛyɛbhɛyɛ, igge gao chi.

Zuga Kèkko 18:5

Na hunaa Silasi ko Timotiyos honynyo Mekedoniyagiyeye, Bhaulos dhɔyu zinggoa gɛnyɛ, na madhu zugo sɔng. Nɔng dha madh zuga Ayhudhi na kɔbhɛsɛn lɔga Yesusi na senɛsɛn, “Hira bere Bɛrrana ꞉Tumu a ꞉Yesusi.”

Zuga Kèkko 20:21

Anna bere kamadhɛsɛni zuga Ayhudhi ko zuga Giriki lɔgɔ na kujjugu lɔga gɛ gɛrsa na kawakta gɔra Tumu na kɛyɛbhɛ Komoruya na Yesus.

Zuga Kèkko 20:23

Yɔk oree kɔgɔɛye kumulɔng hunde ale kìchibbony na kɔchɔllanɛnde Kuloya Tumu nɔng wa ibbayanyɔ. Gee kagga ꞉anyoye a ngagiya.

Zuga Kèkko 20:32

“Na mɛa anye kɔdhɔttagung Tumu ko lɔga gɛnyɛ challa chirbhisiuny. Na ko igge kutuhong ꞉lɔga gɛnyɛ na tɛhɛyɛ ko zuga bere yɛbhbhɛa Yesus ridhing ningginɛna na ale sɛrɛyɛa lɔga bere kìbhiigɛsɛna yɔk.

Zuga Kèkko 21:13

Na nɔng Bhaulos yagɛsɛ na sɛɛsɛ, “Wa tɔlɔ ɔng turto na bhɔtanyu kɛngɔye? Anye hunde se kɛ̀chɛbtɛany lɔga Komoru Yesusi Yerusalemɔye, kihi kɔk ko bhee kɛrɛsɛ.”

Zuga Kèkko 22:21

“Na hunaa kesɛɛsɛu ngangaye, nɔng Komoru seagany, ‘Keni kèginy surr rɛna bhɛa bhorinyaa anaa. Na bana ogo.’”

Zuga Kèkko 9:15

Na nɔng Komoru sɛɛsɛ, “Ay! Ogo assa! Nɔng a hira bere kɛbɛrrani ꞉anyo na koyogɛsɛ bhorinyaa anaa ko komortɛna gɛ ko zuga Isirayeli sara ganyu.

1 Tɛsɛlongke 2:2

Chɔɔ huna bere sabbɔ kɔ̀chɔllanɛno Bhilibhisɔ na dhɔmiyɛa :zugu, na ɛaniy :Tumu, igge gaoyɔ. Na ko hunde chɔɔ kadaktao lɔkte bu gɛrsi, agge ngani kàmadhdhagung kamannaa Tumu challa dhɛ dhɛ hung.

1 Tɛsɛlongke 3:3

na kɛyaung ngalɔkta chɔllanɛnɛoye. Na igge ko hinisi ngadhaginɛno na jajageo. Ngachɔllaya chɔllanɛnɛoye, igge gaoyɔ hunde a damiya zuga yɛbhbhɛa kamannaa Yesusiye.

2 Timotiyos 1:12

Yɔk ngalɔkta a gee mɛa kɔchɔllanɛnɛ :anyo gooreye. Na nɔng ko hunde kète nganda kɔchɔllanɛn ngangaye, anye liya ngaamɛanynyo dhul, ke ngaya kaggaɛ hira kɛyɛbhiye. Na chɔɔ lɔga ganyu bere kɛyɛbhɛsɛni nɔng, hunde bhɛk ko bhee ale wokkonɛ :nɛaye, anye kagga shɛɛ.

2 Timotiyos 3:11

ko lɔga bere kàhangɛanyi na kɔchɔllanɛnɛi, hunde a ɛnɛngge, kumulɔng gayɔ. Na chɔɔ lɔga bere kodokkoni Ansokiyagiye ko Ikoniyomɔ ko Litiragiye na hangɛanyɛa :zugu na kɔchɔllanɛnɛi goore dhogoy na kinyimɛi lɔgɔ, inye gayɔ. Na chɔɔ ko hunde kete nganga, nɔng Komoru annaa bere ibbayseonyɔ bhɛa ngalɔkta kumulɔng.

2 Timotiyos 4:17

Nɔng Komoru annaa bere kɛllo kari na irishshonyi na ajjanyi gidhdhing na kàmadhɛsɛ bhorinyaa anaa kumulɔng kamannaa challa na kishigitɔ. Na chɔɔ nɔng bere ibbayseonyɔ bhɛa ajjo ngani kussɛanyɔ :ngatunyɔ na kabawa.

Tito 1:3

Nɔng Tumu Komoruya na ibbayseiy annaa bere ibhbhaganyi anye hini na ajjanyi lɔga gɛnyɛ kolea bere sennanɛa :nɛa na kàmadhɛsɛ zugo.

Tito 2:11

Nɔng Tumu annaa bere dhugunɛsɛa zugo kumulɔng bhɛa chirbhisiyɛa na senno kibbaysɛɛ.

1 Yohanis 3:16

Nɔng Yesus Kirisos annaa bere ibhaa rɛa nɛnɛ na errɛiyɔ agge. Na ngaya mesɛ :nɛa ngangaye, dhugunnogiy bhɛa kìbhɛsɛna zugo hinisi. Na ko agge maya kɛ̀rɛsɛ zuga kɛ̀yɛbhbha Yesus kari.