Zuga Kèkko 20:21 - Suri Latin

²¹ Anna bere kamadhɛsɛni zuga Ayhudhi ko zuga Giriki lɔgɔ na kujjugu lɔga gɛ gɛrsa na kawakta gɔra Tumu na kɛyɛbhɛ Komoruya na Yesus.

Zuga Kèkko 20:21 ပူးပေါင်းရင်းမြစ်များ

Matiyos 3:2

na sɛɛsɛ, “Kolea senno kɔtɔlɔmɛ :Komoruya tumony zugo mɛa te ja. Na mɛa ujjugu lɔga gu gɛrsa na wakta gɔra nɛnɛ.”

Matiyos 4:17

Na ngabɛrguonu Yesus tɔgɔdhay bhɛa madhɛa zugo lɔga Tumu. Na madhɛsɛ na sɛɛsɛ, “Kolea senno kɔtɔlɔmɛ :Komoruya tumony zugo mɛa te ja. Na mɛa ujjugu lɔga gu gɛrsa.”

Markos 1:15

“Kolea urruknyɛsɛnɛa lɔga bere bhiigɛsɛna :Tumu zugo wa kowa. Na mɛa ko nɔng kolea senno kɔtɔlɔmɛ :nɛa zugo te ja. Na mɛa ujjugu lɔga gu gɛrsa na yɛbhɛ kamannaa challa.”

Markos 6:12

Na yɔk koo banda na ago na madhtɛsɛ zugo bhɛa maya ujjugɛa lɔga gɛ gɛrsa.

Yohanis 20:31

Na yɔk ngalɔkta bere kɔ̀gɔdhdhɛsɛn ngadadabta toyeye, agga bere kɔ̀gɔdhdhɛsɛna na kènno yɛbhtɛ :iggeu bhɛa Yesus anɛa Kirisos ko bhɛa anɛa Eriya Tumu. Na hunde yɛbhbho nɔngge, aynde jɔanɛo basseya iho dhulde.

Yohanis 3:36

Na hirre yɛbh Eriya nɛnɛye, lɔ basseya iho dhul. Nɔng inde Eriya nɛnɛ ngayɛbhbhoye, bassey ngajɔanao ke ngaya ngani lɔmɛɛn :Tumu lɔgɔye.”

Zuga Kèkko 10:43

Na zukte yɛbhbhɛ nɔngge kumulɔng jɔanɛ bhɛa ujjugɛa lɔga gɛ gɛrsa sara gɛnyɛ damiya bere yogɛa ꞉zuga yogɛsɛnɛa zugo lɔga dhugunono ꞉Tumu.”

Zuga Kèkko 11:18

Na zugo hunaa shikkɛa ngalɔktaye, rɛgɛ ꞉lɔkku. Na eterrisana Tumu na se, “Na mɛa kèe Tumu wa aynɛa zuga bhora anaa bhɛa ujjugɛa lɔga gɛ gɛrsa na kawakta gɔra nɛnɛ na kɔjɔya basseya iho dhul.”

Zuga Kèkko 16:31

Na yɔk seyɛsɛ, “Yɛbh Komoru Yesus. Na inye ko zuga gunyu batɔ.”

Zuga Kèkko 17:30

Nɔng bɛrgunyaa bere sabbune ngalɔkta huna zugo imaggɛa na messonɛa, Tumu annaa nyima. Na nɔng mɛa ajjɛ zuga bhakkɛa ba kumulɔng lɔgɔ, na kujjugu lɔga gɛ gɛrsa, na kohoya gɔra nɛnɛ.

Zuga Kèkko 19:17

Na yɔk zuga Ayhudhi ko ga Giriki bhakkɛa Ebheson hunaa shikkɛa ngalɔktaye, tɛngɛrɛ kumulɔng na sara Komoru Yesusi te ga bo kàggaa goore.

Zuga Kèkko 2:38

Na sɛɛsɛ ꞉Betirosi, “Ujjugu lɔga gu gɛrsa na churtɛ sara Yesusi kumulɔng. Na ko nɔng Tumu kujjuk lɔga gu gɛrsa na kaung Kuloya Nɛnɛ.

Zuga Kèkko 2:40

Na madhɛsɛ lɔkte mɛri na ibbayu. Na tɔllɔhɛsɛ na sɛɛsɛ, “Ibbaysi rɛhiya gu bhɛa ngatenyda mesɛ lɔga gɛrsaye!”

Zuga Kèkko 20:23

Yɔk oree kɔgɔɛye kumulɔng hunde ale kìchibbony na kɔchɔllanɛnde Kuloya Tumu nɔng wa ibbayanyɔ. Gee kagga ꞉anyoye a ngagiya.

Zuga Kèkko 20:24

Lɔga bere ajjanyi ꞉Komoruyɔ Yesusi na kòyogɛsɛ zugo kamannaa Tumu challa chirbhisiny ko bhee kedheshshanɛ, ngakadasiiyo. Na chɔɔ hunde ko kadaga lɔkte gɛrsi, lɔgɔ ninggɛ.

Zuga Kèkko 24:24

Na bhorre Bhilis ko tɛriya nɛnɛ kènno Ngadirsila hoya na kishigi lɔga Bhaulosi. Nɔng Ngadirsila dha a hoya zuga Ayhudhi. Na yɔk ege hir kona na elɛɛsɛ Bhaulos. Na yɔk koo kɔbhɛsɛ :Bhaulosi bhɛa kɛ̀yɛbhɛa Yesus Kirisos.

Zuga Kèkko 26:18

Na owo kawarɛ na kobhonda mugurɔ na kohoya gɔra hɔla na kɔdhɔyɔ ɔnneya Moldoyi na kawakta gɔra Tumu. Na hunde yɛbhtany anyeye, aynde ale kujjugɛ lɔga gɛ gɛrsa na jɔanɛ bhɛa ɛlɛa ko zuga yɛbhbhanyɛa anye ridhing ningginɛnaye.’

Zuga Kèkko 26:20

Na sabbɔ kamadhdha zuga Dɛmasko ko zuga Yerusalemi ko zuga baa Yudha kumulɔng. Na koo kɔtɔrɛu zuga bhorinyaa anaa Tumu ngani kɛyɛbhtao. Na koyogɛsɛu na kujjugu lɔga gɛ gɛrsa kumulɔng na kawakta gɔra Tumu, na kemesigi lɔga hinno ꞉Tumu na kɔdhɔlda bhɛa anɛa zuga ujjukkɛa lɔga gɛ gɛrsa.

Zuga Kèkko 28:23

Na hunaa bhiiktɛsɛa ungo na tewa ushaye, tɛldi na hoya doraa nɛnɛ ke mɛri. Na nɔng kali bhɛa bo tii ko bhee anɛ jhayny dhugunɛsɛ lɔga Tumu bhɛa Tumu lɔmɛa zugo. Na kɔbhɛsɛ Damiya Tumu bere kàjjɛa Muse ko lɔga bere kɔdhdhɛsɛnɛa ꞉zuga yogɛsɛnɛa zugo lɔga dhugunono ꞉Tumu dadabinya na kɔbhɛsɛ bhɛa madhdhagiyɛa lɔga Yesusi na ko yɔk kɛyɛbhɛtɔ.

Zuga Kèkko 3:19

Na mɛa ujjugu lɔga gu gɛrsa na wakta gɔra Tumu na ko nɔng Tumu kujjuk lɔga gu gɛrsa na kagara dhul. Na Tumu ale ittonnogung Komoruya bere kɛ̀bɛrragungu igge sabbɔ kènno Yesus na kilalung hinisi na ke ga bo challa.

Zuga Kèkko 8:25

Na yɔk hunaa yoktɛsɛa zugo lɔga bere orronɛa kawarre messo ꞉Komoru Yesusi na madhtɛsɛa kamannaa nɛnɛ na tewa ushaye, ago oriya ɛlla Samariyagiye na madhtɛsɛ zugo kamannaa challa gɔrɔ gɔrɔ na waga Yerusalemɔ.

Silimona 1:5

ke ngaya bɔɔ kishigɛ bhɛa yɛbhɛi Komoru Yesus ko bhɛa ibhɛsɛni zuga yɛbhbhɛa Yesus kumulɔng hinisiye.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.

1 Yohanis 5:5

Na hirre mar ngalɔkta ku kuhu na dhɔtte a nɛng? Ngayo hirre yɛbh bhɛa Yesus anɛa Eriya Tumuye sɔng!