Zuga Kèkko 2:9 - Suri Latin

⁹ Agge kàn zuga kòhonynyo oree bhiy bhiy. Gena hony Bhartesɔ ko Medigiye ko Ilamɔ ko Mesetomɔ ko baa Yudha ko baa Kobhodo ko Bantosɔ ko baa Isiya

Zuga Kèkko 2:9 ပူးပေါင်းရင်းမြစ်များ

Lɔgɔ Sabba 10:22

Na erroa Semi maya yɔk a Elama, Asor, Arbakka, Lud ko Aram.

Lɔgɔ Sabba 14:1

Dha bere ngabɛrguonu komoruya Sinari kènno Amorabel ko na Elasari kènno Ariyok ko na Elami kènno Kedholomer ko na Goyimi kènno Tidal tɔrnɛ na kɔnnɛ ko komoruya Sodomi kènno Beri ko na Gomora kènno Birchay ko na Adama kènno Shinab ko na Zobomi kènno Chembir ko na Bela oo Zowari.

Lɔgɔ Sabba 24:10

Na koo gaymaya Awurahami ibha galisenyaa gulsaa nɛnɛ gee ku tɔmmɔn na chɔdhɛsɛ ahaa challa dhaa kàmadhɛsɛna na bana na tɔgu Mesetomɔ ɔrre kèe Nakor.

Zuga Kèkko 16:6

Na Bhaulos ko Silasi se kago oriya ɛlla Isiyagiye na kamadhtɛsɛ zugo lɔga Tumu. Na yɔk taganyɛ ꞉Kuloya Tumu na ngaoreonu lɔgɔ ngamadhɛɛnɛ. Na yɔk dhɔyɔ na ago na dha oriya ɛlla Bhirgiyagiye ko Galatiyagiye.

Zuga Kèkko 18:2

Na ngonu itinynyandɛ ko hira Ayhudhi bere hudhukkinya Bantosɔ kèe Akila. Nɔng ko tɛriya nɛnɛ Ngabhirsikila dha bɔɔ ngani hony Dhalɛnɔ, ke ngaya bere komoruya Rome kèe Kilawdi ajjɛ zuga Ayhudhi bhakkɛa Rome kumulɔng lɔgɔ na kɔta Rome na kɛzɛgɛte. Na nɔng Bhaulos ogo na kɔgɔny yɔk.

Zuga Kèkko 19:10

Na Bhaulos madhu zugo ngadamita oynya ramman. Na zuga Ayhudhi ko bhorinya gen, ga bhakkɛa baa kènno Isiya kumulɔng, shigi lɔga Komoruyny.

Zuga Kèkko 19:27

Na zugo ale kɛɛ zinggoa ga. Chɔɔ zinggo sɔng ngakɛyɛo. Doraa Ngaartemisi bo challa barara dhɔngngɛa ꞉zugu Isiyagiye ko ba kumulɔng ko nɔng ale dhɔttɛ na dirama Ngaartemisi garasɔ.”

Zuga Kèkko 19:31

Na chɔɔ bɛkanyaa Bhaulosi ku gulsachina Isiya gen ege hiri na kɔtɔllɔhɛsɛ nɔng na doraa ojjɛa lɔgɔ ngakɔ.

Zuga Kèkko 2:8

Na yɔk hunde a ngagiya mɛzzɛɛ tugiya oriya ga bhiy bhiy ngangaye, dhaa tɔlɔ ɔng?

Zuga Kèkko 20:16

Nɔng dha bere Bhaulos se kadha Ebheson bhɔ na Isiyagiye dirr ngaihi. Ngosum na kuturbhan gibiriya kèe Bhenteko iho Yerusalemɔ.

Zuga Kèkko 20:18

Na hunaa honyoye, sɛɛsɛ, “Anye ihineya bere kugunɛy Isiya ko mɛa toye, lɔga bere kabhagɛa ko igge hunde a ɛnɛngge, gaoyɔ.

Zuga Kèkko 20:4

Yɔk zukte dha bere dhɛɛ ko nɔng kariye a eriya Bhirusi bere kunno Beriyagiye kènno Sobhatiri, ko zuga honynyo Tɛsɛlongkegiye kèleo Artiroko ko Sekondo, ko hira bere kunno Derbegiye kèleo Gayos ko zuga honynyo Isiyagiye kèleo Tikiko ko Tirobima, ko Timotiyos.

Zuga Kèkko 21:27

Na hunaa unga ku issabbay senno kagarate, zuga Ayhudhi honynyo Isiyagiye argi Bhaulos doraa Tumu barara ratagiye toye. Na hunaa orrɛaye, kɔnkɔnɔ zugo kumulɔng na bandɛsɛ Bhaulos na ibhigiyɛ.

Zuga Kèkko 24:18

Na yɔk ngazukta hunaa honynyo doraa Tumu bararaye, artany tu kɛngɔ hunde kemesi damiya kònyonɛa ridhingge. Na anye zugo ngani kɔ̀ɔnkɔno na chɔɔ gee kɛllo kari na kobhoreo ba ninggɛ.

Zuga Kèkko 27:2

Na kirrɔkto gonggula kunno Adaramitɔ senno kok oriya chilɛa ꞉gonggulo ɛlla Isiyagiye na kayto. Na dha bere hira bhakka Tɛsɛlongke hudhukkinyana Mekedoniyagiye kènno Artiroko ko nɔng kidhiyo kari.

Zuga Kèkko 6:9

Na dha bere ngonu lɔ zuga Ayhudhi honynyo Kerenagiye ko Iskindiriyagiye ko Kilkiyagiye ko Isiyagiye madhɛsɛnɛa zugo lɔgɔ doraa madhinɛnɛa zuga Ayhudhi lɔga Tumu kèleo “Doraa Zuga Kòbhonisisɛna Bhɛa Hɔla.” Na ngazukta gen yɔk tamara lɔga madhinɛnɛa ꞉Istibhanosi na ɛkkɛnyandɛ ko nɔng.

Zuga Kèkko 7:2

Na Istibhanos yagɛsɛ na sɛɛsɛ, “Gochonginya ko babachina ganyuye, ga chirartanyuyɔ! Huna baba na Awuraham ngani Karanɔ kɛzɛgao na bhakka Mesetom, annaa dhɔlɛsɛa ꞉Komoruya na lɔmma diram rɛ

2 Timotiyos 1:15

Yɔk zuga kɛ̀yɛbhbha Yesus kari bhakkɛa baa Isiya kumulɔng hunde annaa bɔɔ dhɔttanyɔye, inye gayɔ. Yɔk chɔɔ ngazuktonu kona a Bhilogos ko Herwagenes rɛ.