Zuga Kèkko 2:38 - Suri Latin

³⁸ Na sɛɛsɛ ꞉Betirosi, “Ujjugu lɔga gu gɛrsa na churtɛ sara Yesusi kumulɔng. Na ko nɔng Tumu kujjuk lɔga gu gɛrsa na kaung Kuloya Nɛnɛ.

Zuga Kèkko 2:38 ပူးပေါင်းရင်းမြစ်များ

Matiyos 28:19

Na mɛa ago madhtɛsɛ bhorinya kumulɔng lɔga ganyu na kete zuga kɔbhbhanyɛa. Na churu sara Babaa na Tumu ko gaa Eriya Nɛnɛ ko gaa Kuloya Nɛnɛ,

Matiyos 3:2

na sɛɛsɛ, “Kolea senno kɔtɔlɔmɛ :Komoruya tumony zugo mɛa te ja. Na mɛa ujjugu lɔga gu gɛrsa na wakta gɔra nɛnɛ.”

Matiyos 3:6

na dhugunɛsɛnɛ Tumu lɔga gɛ gɛrsa na chur :Yohanisi kidhoa Yordanosi.

Matiyos 4:17

Na ngabɛrguonu Yesus tɔgɔdhay bhɛa madhɛa zugo lɔga Tumu. Na madhɛsɛ na sɛɛsɛ, “Kolea senno kɔtɔlɔmɛ :Komoruya tumony zugo mɛa te ja. Na mɛa ujjugu lɔga gu gɛrsa.”

Markos 1:15

“Kolea urruknyɛsɛnɛa lɔga bere bhiigɛsɛna :Tumu zugo wa kowa. Na mɛa ko nɔng kolea senno kɔtɔlɔmɛ :nɛa zugo te ja. Na mɛa ujjugu lɔga gu gɛrsa na yɛbhɛ kamannaa challa.”

Markos 16:16

Nɔng inde yɛbh ngakamannaya na kùchurte, ale bassɔ. Na nɔng inde ngayɛbhbhoye ale kùjjukkanayɔ.

Zuga Kèkko 10:43

Na zukte yɛbhbhɛ nɔngge kumulɔng jɔanɛ bhɛa ujjugɛa lɔga gɛ gɛrsa sara gɛnyɛ damiya bere yogɛa ꞉zuga yogɛsɛnɛa zugo lɔga dhugunono ꞉Tumu.”

Zuga Kèkko 10:48

Na aynɛ zugo lɔgɔ na kùchuru sara Yesus Kirisosi. Na yɔk zuga ngɔsɛna ꞉Kuloya Tumu koo tɔllɔsɛsɛ Betiros na kɛtɛlda kari ungge muchugi.

Zuga Kèkko 13:38

“Gochonginyaye, bhɛa kùjjugɛa lɔga gɛrsa hunde kɔjɔana gɔra Yesusiye, ngadamita wa kamadhagɛungge tagatɔ.

Zuga Kèkko 16:15

Na nɔng ko zuga doraa nɛnɛ hunaa kuchurta na tewa ushaye, eleey agge na seyagiy, “Hunde wa artanyu na senno ketewa hira kɛyɛbhi Tumu dhereye, hoya tɛldi doraa nanu.” Na tɔllɔhagiy goore na kigombɛsɛo.

Zuga Kèkko 17:30

Nɔng bɛrgunyaa bere sabbune ngalɔkta huna zugo imaggɛa na messonɛa, Tumu annaa nyima. Na nɔng mɛa ajjɛ zuga bhakkɛa ba kumulɔng lɔgɔ, na kujjugu lɔga gɛ gɛrsa, na kohoya gɔra nɛnɛ.

Zuga Kèkko 20:21

Anna bere kamadhɛsɛni zuga Ayhudhi ko zuga Giriki lɔgɔ na kujjugu lɔga gɛ gɛrsa na kawakta gɔra Tumu na kɛyɛbhɛ Komoruya na Yesus.

Zuga Kèkko 22:16

Na mɛa ihi bay dhɛɛ kɛ ɔng? Bana, eli sara Yesusi na churrɛ na tonyo lɔga gunyu gɛrsa.

Zuga Kèkko 26:18

Na owo kawarɛ na kobhonda mugurɔ na kohoya gɔra hɔla na kɔdhɔyɔ ɔnneya Moldoyi na kawakta gɔra Tumu. Na hunde yɛbhtany anyeye, aynde ale kujjugɛ lɔga gɛ gɛrsa na jɔanɛ bhɛa ɛlɛa ko zuga yɛbhbhanyɛa anye ridhing ningginɛnaye.’

Zuga Kèkko 26:20

Na sabbɔ kamadhdha zuga Dɛmasko ko zuga Yerusalemi ko zuga baa Yudha kumulɔng. Na koo kɔtɔrɛu zuga bhorinyaa anaa Tumu ngani kɛyɛbhtao. Na koyogɛsɛu na kujjugu lɔga gɛ gɛrsa kumulɔng na kawakta gɔra Tumu, na kemesigi lɔga hinno ꞉Tumu na kɔdhɔlda bhɛa anɛa zuga ujjukkɛa lɔga gɛ gɛrsa.

Zuga Kèkko 3:19

Na mɛa ujjugu lɔga gu gɛrsa na wakta gɔra Tumu na ko nɔng Tumu kujjuk lɔga gu gɛrsa na kagara dhul. Na Tumu ale ittonnogung Komoruya bere kɛ̀bɛrragungu igge sabbɔ kènno Yesus na kilalung hinisi na ke ga bo challa.

Zuga Kèkko 5:31

Na ibhbhana na ojjo siyɔ sɛtɛna nɛnɛ na ajjɛa diram. Na ojjo ke Komoruya na bo ibbayseiy. Na kamadh zuga Isirayeli na kujjugu lɔga gɛ gɛrsa na kawakta gɔra Tumu.

Zuga Kèkko 8:12

Na nɔng Bhilibhos hunaa madhɛsɛna zugo kamannaa challa ale lɔmɛiy ꞉Tumu ko lɔga sara Yesus Kirisosi na shikkɛaye, zuga maya ko ga ngaha kari yɛbhɛ lɔga yokkono ꞉Bhilibhosi na churtɛ ma.

Zuga Kèkko 8:20

Na sɛɛsɛ ꞉Betirosi, “Ok na gara ko birinyaa gunyu kari ke ngaya seni talɛ lɔga ajjiy ꞉Tumu hɔlɔng birinyaye!