Zuga Kèkko 2:33 - Suri Latin

³³ Na nɔng annaa kàytɛa tumɔ na tɛwa bhɛa Tumu sɛtɛn. Na aynɛ ꞉Tumu Kuloya Nɛnɛ damiya bere bhiigɛsɛna lɔgɔ na ko nɔng Yesus ayiy agge. Na ngalɔktonu a ngagiya shikkano nyabha na orrono kawarreye.

Zuga Kèkko 2:33 ပူးပေါင်းရင်းမြစ်များ

Matiyos 28:18

Na nɔng ko gɔrre nɛye, na sɛɛsɛ, “Buyna kɔlɔmɛi zugo ko aha kumulɔng, tumɔ ko bay bere kàyanyɔ anye.

Markos 16:19

Na Komoru Yesus hunaa yogɛsɛa ngalɔkta na tewa ushaye, kàytɛ tumɔ na koo tɛu bay bhɛa Tumu sɛtɛn.

Yohanis 14:16

Nɔng anye ale kighini Baba nanu na kittonogung Hira Irishshongngu na tɛldi ko igge kari dhul ko kingi.

Yohanis 14:26

Nɔng Baba nanu ale ittonnogung Kuloya Nɛnɛ sara ganyu. Na ngakuloytonu anna Irishshongngu igge. Na ale madhdhagung lɔgɔ kumulɔng na chɔɔ bhɛsseung sabbi na kadhdhano lɔga bere koyokkogungu kumulɔng.

Yohanis 15:26

“Nɔng anye ale kekkogung Hira ɛlla ko Baba nanu Irishshongngu igge. Nɔng ngandonu a Kuloya kunno bhɛa Babaa nanu na dhugunɛsɛna zugo lɔga ku dhere. Na nɔng hunde ale kunde, kɔbhɛsɛn zugo lɔga ganyu.

Yohanis 17:5

Na mɛa Babaye, hunde ngani kɛ̀l kari ngayaye, dhɔngany na any diram damiya bere kɔlɔmɛi sabbɔ huna ba ko tumu ngani kètegenydoayo.

Zuga Kèkko 1:4

Na kali kona hunaa ɛlla kari bhɛa aminɛnɛaye, aynɛ lɔgɔ na sɛɛsɛ, “Tɛldi Yerusalemɔ ngaya dirr ko bhee ajjɛung ꞉Babaa Nanu Kuloya Nɛnɛ damiya bere bhiikkagungu ꞉nɛa na koyokkogungu ꞉anyo.

Zuga Kèkko 10:45

Na zugaa yɛbhbhɛa Yesus bere kedhdhɛa rɛhiya maya na dhɛanɛa ko Betiros iwachi ke ngaya chɔɔ zuga bhora anaa ko yɔk kɔsɛn ꞉Kuloya Tumuye.

Zuga Kèkko 2:17

“ ‘Tumu se nganga, Unga ale wurtune Kuloya nanu ale kajjɛ zugo kumulɔng. Na erroa gu maya ko ga ngaha yogɛsɛnɛ zugo lɔga koyokkoni ꞉anyo. Na karua gu ale orrɛ lɔga kajjɛi ꞉anyo huna kunauny. Na bara gu kunasɛɛnɛ lɔga kajjɛi ꞉anyo.

Zuga Kèkko 5:31

Na ibhbhana na ojjo siyɔ sɛtɛna nɛnɛ na ajjɛa diram. Na ojjo ke Komoruya na bo ibbayseiy. Na kamadh zuga Isirayeli na kujjugu lɔga gɛ gɛrsa na kawakta gɔra Tumu.

Tito 3:6

Na bhɛa bere Tumu ɛdhdhɛttannɛiy agge na ajjɛiy Kuloya nɛnɛ na kɛ̀tɛldi kari, a ngaya bere ibhbhanɛ Hira Ibbayseiy agge kènno Yesus Kirisos na rɛsɛiy aggeye.