Zuga Kèkko 2:23 - Suri Latin

²³ Nɔng a hira bere ajjungu ꞉Tumu damiya bere gaana ꞉nɛa na ɛsɛdhdhana sabbɔ. Na igge ko zuga marrɛa Tumu annaa ɛsɛdhto lɔgɔ na ilakto na dhaktɛsɛo sɛnɔ ko jagarɛ muddɛn na erra.

Zuga Kèkko 2:23 ပူးပေါင်းရင်းမြစ်များ

Lɔgɔ Sabba 50:20

Nɔng igge annaa bere mesonyu gɛrrɛng gɛrrɛng chi. Na nɔng Tumu annaa bere bhɔdha ngalɔktonu na tewa challi na kabayɛ zuga bo mɛra.

Matiyos 20:19

Na hɛyɛ na ajjɛ zuga bhorinyaa anaa na kɔbhɔsɔrɔ na karaga na kilagatɔ. Na nɔng ale kòy na sani na unga ku sizzi bansana rɛsɛyɔ.”

Matiyos 26:24

Nɔng Hiri Hoynɛ damiya bere lɔga gɛnyɛ kɔ̀gɔdhdhɛsɛna dadab, ale kɔyɔ. Na nɔng hirre kɔdhdhɛsɛn nɔng mirɔgaye ale ruɛ rɛ. Nɔng chɔɔ hunde bere ngairritinya, anda a challi.”

Matiyos 27:35

Na hunaa ilakta na tewa ushaye, ibhta ruminyaa gɛnyɛ na mesigi dami na kataktɛ gee lɛmnɛye. Na koo ngɛrɛ na aytɛ.

Markos 15:24

Na hunaa ilakta na tewa ushaye, ibhta ruminyaa gɛnyɛ na mesigi dami na kataktɛ gee lɛmnɛye. Na koo ngɛrɛ na aytɛ.

Yohanis 19:18

Na yɔk koo ibhta Yesus ko zukte ku ramman na ilaga ngadhumbonu kari. Na nɔng Yesus tɛa kɛrghɛnɔ, na hir kona ilaga siyɔ kangitɛn, kona ilaga siyɔ sɛtɛn.

Yohanis 19:24

Na koo mɛzzi kɛngɔ na se, “Ga ngakɛrrɛy! Hoya kèmesigi damiya kɛ̀bɛrnɛnɛa na kɔgɛ :konnɔ ke talɛ.” Yɔk bhee bere messɛ ngangaye, a ngaya se kurruknyɛsɛ :lɔga bere kɔ̀gɔdhdhɛsɛna dadabinyaa Lɔga Tumuye. Yɔk ngalɔktonu sennɛ, “Yɔk wa ngɛrta ruminyaa ganyu gaminyaye na messa damiya bɛrranɛa hira kɔyɛa ruma nanu.” Lɔkte bere messɛ :bholisɔye a ngagiya.

Zuga Kèkko 13:27

Na zuga bhakkɛa Yerusalem ko gulsachina gɛ timaga Yesus hunde a hira ibbayseiyye. Na ujjukta na attiyo. Na huna ujjukkanɛa, bhugnyɛsɛ lɔga taa kòtoyeo Kala Ayawsuny bere yokkonɛa ꞉zuga yogɛsɛnɛa zugo lɔga dhugunono ꞉Tumu.

Zuga Kèkko 15:18

Anye Komoruya bere koyogɛsɛni zugo ngalɔkta sabbɔ, keseni nganga.’

Zuga Kèkko 2:36

“Na mɛa zuga Isirayeli kumulɔng taga shɛɛ! Ngahirra bɔɔ ilakko ꞉iggeu kèe Yesuse, annaa bere bɛrrana ꞉Tumu na kete Komoruya nu.”

Zuga Kèkko 3:18

Yɔk ngalɔktonu agga bere bhugnyɛsɛa damiya bere dhugunono ꞉Tumu na yogɛsɛna zuga yokkonɛa lɔga gɛnyɛ sabbɔ na sennɛa, ‘Hira kɛbɛrrani maya sabbɔ chɔllanɛyɔ.’

Zuga Kèkko 4:28

Yɔk ngalɔkta messɛ ꞉yɔkku na bhugnyɛsɛnɛye, a lɔga bere ɛsɛdhdhani ꞉inyo sabbaa nunu ko barartina nunu sabbɔ.

Zuga Kèkko 5:28

“Huna bare kamadhtungɔ kɛr na kennagungu, ‘Zugo sara Yesusi ngamadhdho!’ Na igge dha bare madhtɛsɛo na chɔɔ Yerusalem tɛhɛtɛy ko lɔga gu. Ngangaye gigeya bɔɔ ngahirra rɛsse senno kɔ̀tɔlɔmbo ꞉aggeu dha?”

Zuga Kèkko 5:30

Igge huna bere ibhbhano Yesus na ujɛsɛno muddɛnne kɛyɔ na rɛsa, nɔng Tumua kokonginyaa ga annaa bere dhɔngngana rɛsɛyɔ na bassa.

Zuga Kèkko 7:52

Na bhɛa kokonginyaa gu inde zuga yogɛsɛnɛa zugo lɔga dhugunono ꞉Tumu ngani kɔgɔraoye a nɛng? Yɔk chɔɔ bere kɔdhdhɛa zuga yokkonɛa lɔga ale kunɛa ꞉Hira Ridhing Ningginɛna. Na ko igge ibhtao nɔng na ayɛo mirɔga na tɔgɔdhɔyɛ.

1 Tɛsɛlongke 2:15

Yɔk agga bere kɔdhdhɛa Komoru Yesus ko zuga yogɛsɛnɛa zugo lɔga dhugunono :Tumu na hangiyɛa chɔɔ agge na ajjɛa Tumu munyu. Na chɔɔ kɔnkɔnnɛa na marrɛa zugo kumulɔng

Yihudha 1:4

Nɔng bhee kɔgɔdhdhagɛung ngalɔktaye, a ngaya zug gena dha bɔɔ dhulday dari na assayɛung iggeye. Yɔk ngazuktonu lɔga gɛ ale kùjjukkanɛa, annaa bere kɔ̀gɔndɛsɛa dadab toye kingi. Yɔk a zuga Tumu ngaɛngɛrsɛayo na ibhbhanɛa lɔga bere ɛdhdhɛttannɛiy :Komoruya Na Tumu na bhɔdhdhɛa ke lɔga messɛa lollumo na mallɛa Yesus Kirisos Komoruya na dhɔnɛna lɔmmiy agge.